Македонија
Првата детска амбасада во светот „Меѓаши“ ја почнува кампањата против врсничко насилство „Следна станица“
Првата детска амбасада во светот „Меѓаши“, во рамките на проектот „Промоција на безбедна училишна средина“, ја почнува тригодишната кампања „Следна станица“, која им цел да го поттикне практикувањето на позитивните вредности кај младите и со тоа да ја превенира појавата на насилство во училиштата.
Кампањата се спроведува со финансиска поддршка од Детската фондација „Песталоци“, во партнерство со Коалицијата на младински организации – СЕГА, Лабораторијата за социјални иновации – „Смарт АП“ и Македонскиот центар за граѓанско образование – МЦГО. Изработените видеоматeријали, постери и објави на креативен начин, ќе им ги претстават на учениците сите позитивни работи што ги овозможува пријателството и ќе им ја укаже важноста од меѓусебното прифаќање, разбирање и почит.
Во рамките на кампањата ќе бидат спроведени низа активности, кои во континуитет ќе вклучуваат ученици од неколку основни и средни училишта. Главни канали на комуникација ќе бидат социјалните медиуми „Инстаграм“, „Фејсбук“, „Тик-ток“ и „Јутјуб“, со цел да се допре до учениците од основните и средните училишта. Традиционалните медиуми ќе се користат за да биде информирана и пошироката јавност.
„Преку кампањата ‘Следна станица’ сакаме да го објасниме нашето патување кон безбедна училишна средина и на тој начин да ги презентираме позитивните вредности најмногу насочени кон учениците. Како и сè во животот, така и конфликтите имаат некаков пат, насока поради која тие се продлабочуваат или прекинуваат. Ние ги презентираме можностите за секој млад човек, ученик, дека крајната дестинација може да биде онаква како што посакува. Не секогаш сè зависи од нас, но преку нашите постапки им даваме пример на другите и со тоа влијаеме кон резултатот. Дополнително, сакаме да ги разбудиме заспаните набљудувачи, да ги освестиме среќните сеирџии, да ги охрабриме уплашените пријатели и другари и сето тоа да го направиме ненасилно меѓутоа активно, смислено со цел и секако заеднички“, Жарко Змијанац, проектен менаџер на ПДАС „Меѓаши“.
Тој посочи дека кампањата „Следна станица“ ќе содржи многу потстаници, како: станица разбирање, станица почит, станица храброст, станица поддршка, станица љубов, станица пријателство и многу други, додавајќи дека преку симболичната презентација на секоја од станиците, со карактеристичните позитивни вредности наброени претходно, ќе се даде правец кон безбедната училишна средина.
„Секој ученик следејќи и негувајќи ги позитивните вредности, односно патувајќи низ нашите станици, дава придонес кон креирањето на една таква безбедна средина. Морам да напоменам дека главните креатори на кампањата се самите ученици, и тоа од повеќе градови и училишта од Македонија, кои заеднички на тридневна работилница ги утврдија главните вредности станици и го снимија и почетниот видеоматеријал со кој почнува кампањата“, посочи Змијанац.
Преку времето што го поминавме со учениците заклучивме дека не само што младите може сами да се изборат за својата безбедна училишна средина туку може и на возрасните да им покажат како треба да постапуваат.
Засега е предвидено кампањата главно да е насочена кон јакнење на свеста кај младите за превенција на меѓуврсничкото насилство, но бидејќи ќе трае во период од речиси три години сигурно ќе бидат опфатени и други блиски теми, наведе Жарко Змијанац.
Комуникациската асистентка Делфина Саздовска потенцира дека главната цел на оваа кампања е промената што може да се постигне со само една одлука, која носи кон позитивно однесување на учениците во насилството.
„Кампањата не се однесува само на содржината, станува збор за поврзување со децата, децата кои се жртви, децата кои се насилници, па и оние што се пасивни учесници. Веруваме дека секој ученик има право да учи и да расте во средина без малтретирање, злоупотреба и дискриминација. Со поттикнување на чувството за заедница, емпатија и разбирање, имаме цел да создадеме позитивен ефект што ја надминува дигиталната област и продира во училишната клупа“, посочи Саздовска.
Таа ги повика учениците од сите основни и средни училишта во земјава колку што е можно поактивно да се вклучат во кампањата и да дадат свој личен придонес во креирањето безбедна училишна средина.
Слоганот на кампањата „Следна станица“ носи силна порака дека треба да се премине од моментнта состојба кон нешто ново, односно кон нова средина, во која сите ученици ќе бидат среќни, ќе другаруваат и ќе се чувствуваат безбедно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Арсенал илегално оружје и муниција пронајдени кај скопјанец, поведена истрага
Јавен обвинител од Основното јавно обвинителство Скопје донесе Наредба за спроведување истражна постапка против едно лице за кривични дела – Неовластено изработување, држење, посредување и тргување со оружје и експлозивни материи од член 396 од Кривичниот законик.
При претрес во домот во кој престојувал осомничениот 29-годишник на улицата “Благоја Паровиќ” во Скопје, било пронајдено поголемо количество огнено оружје, муниција и експлозивни материи кои на граѓаните им се забранети и тоа: автоматска пушка со калибар 7,62×39 мм, четири рамки со 120 куршуми и уште дополнителни 779 куршуми боева муниција од истиот калибар наменета за испалување од автоматски, полуавтоматски пушки, митралези, пушкомитралези и репетирачки пушки. Биле пронајдени и 3 рамки со вкупно 51 куршум со калибар 9 мм Para и уште 136 куршуми од тој калибар наменети за испалување од автоматски огнени оружја и полуавтоматски пиштоли. Потоа биле откриени и 31 куршум боева муниција со калибар 7,65 мм, која исто така се користи за автоматски и полуавтоматски оружја, како и рачна граната од моделот РГД 5, која е од офанзивен тип со ефективно убиствено дејство од 15-20 метри и ранувачко дејство до 30 метри.
Покрај ова оружје, муниција и експлозивни направи кои се целосно забранети за граѓаните, тој во домот без дозвола држел и огнено оружје кое било преправено – пиштол ZORAKI М 906-B со кој било овозможено истрелување на проектили од куршуми од боева муниција со кал.7,65 мм, пневматски пиштол марка SIG SAUER M17 наменет за истрелување на топчести проектили со калибар 4,5 мм, полуавтоматски пиштол RANGER RA9, како и 51 куршум со калибар 9 мм P.A.K. наменета за предизвикување звучен-сигнален ефект при испалување од оружје за светлосно-звучна сигнализација. Целото пронајдено илегално оружје и муниција се одземени од осомничениот.
Поради опасност од бегство и можност да го повтори делото, јавниот обвинител до Судот достави предлог за определување мерка притвор за осомничениот.
Македонија
(Видео) „УМС фатени во лага – законот за пиротехника е прекрешен, а Тошковски молчи“, велат од СДММ
„Откако ја предизвикаа згрозеноста кај младите со срамната журка со пиротехника додека Македонија тагува за изгубените млади животи во Кочани, од УМС се обидоа да се оправдаат со тврдење дека не било потребно да го пријават палењето факли. Но, се фатија во лага. Сами се дозакопаа“, кажа Виктор Ѓошев од СДММ.
„Законот е јасен. Согласно член 39 од Законот за употреба на пиротехнички средства, палењето ракети, огномети, факелијади или слични приредби мора да се пријави во Секторот за внатрешни работи најдоцна пет дена пред настанот, со наведени детали за време, место, цел и број на факли.
Прашањето е едноставно: Зошто УМС не го пријавиле овој настан во СВР Велес? Кој ќе ја сноси одговорноста?
Дали министерот Тошковски ќе продолжи да ги штити, како што штити и други функционери поврзани со трагедијата во Кочани?
Ова не е само прекршување на закон. Ова е показател за систем на ароганција, безчувствителност и неказнивост.
УМС на ВМРО-ДПМНЕ не е организација која ги претставува младите – тие се копија на сениорите во својата партија: без почит кон законите, без емпатија, со деструктивно влијание врз општеството.
СДСМ и СДММ ќе продолжат да се борат за одговорност, за вистина, за почитување на закони и за млади кои носат вистински вредности – почит, правда и човечност“, изјави Виктор Ѓошев од СДММ.
Македонија
(Фото) Директорот на БЈБ Јанев на показна вежба во Полицискиот центар „Ѓорче Петров“
Денеска директорот на Бирото за јавна безбедност Александар Јанев присуствуваше на показната вежба во Полицискиот центар „Ѓорче Петров“ на полициските службеници за прием во ЕБР кои успешно ја завршија шестмесечната обука.
На вежбата беа презентирани тактики и техники од доменот на јавниот ред и мир и полициски операции во урбана средина, воспоставување на нарушен јавен ред и мир во поголем обем, како и напад на возило и апсење на вооружени и опасни лица.
„Колегите прикажаа и докажаа умешност, вештини и подготвеност кои гарантираат дека ЕБР е и ќе биде една од алките кои го сочинуваат безбедносниот систем подготвен деноноќно да служи на граѓаните и нивната безбедност. Благодарност до командантот и останатите раководители во Единицата, до инструкторите и менторите, како и до раководството на Одделот за специјални полициски операции“, истакна директорот Јанев.
Преку вежбата беа презентирани и акции на приод и влез во објект во кој се наоѓа криминална терористичка група, неутрализирање на истите, како и апсење на дел од групата, со користење на оклопни возила, беспилотно летало „дрон”, како и останати средства и опрема со кои располага Единицата.
(Фото) Кривична против 29-годишен скопјанец: нелегално поседувал автоматска пушка и друго оружје и муниција, а ја истепал и сопругата
СВР Скопје – Единицата за насилен криминал поднесе кривична пријава по брза постапка против А.Р.(29) од Скопје поради постоење основи...
Пониква станува рехабилитациски центар за повредените од пожарот во Кочани
Повредените од пожарот во Кочани ќе бидат испратени на рехабилитација во Пониква. На денешната седница на Владата и официјално се...
(Видео) Кузеска: Власта ги покачи платите на функционерите за 200 евра
Срамно и дрско – народoт едвај преживува, а власта ги покачува само платите на функционерите, обвини Богданка Кузеска, портпаролка на...
(Видео) Објавени снимки од училиштето во Грац: се слушаат истрели, седум ученици убиени
Најмалку девет жртви во пукањето во училиштето во австрискиот град Грац. Потврдени се девет смртни случаи – вклучувајќи го и сторителот....
Студентите ќе добијат по 250 евра за набавка на електронски уреди од септември, најави Мицкоски
Премиерот, Христијан Мицкоски денес изјави дека Владата планира ученички стипендии за наредната година, а во однос на новинарското прашање за...
Тошковски најави поголема набавка на униформи за полицијата од онаа за специјалците: Спорната набавка е законска, но немаше доволно критериуми во тендерот
На нов тендер Министерството за внатрешни работи ќе бара униформи за 6.000 полицајци, најави денес министерот за внатрешни работи Панче...
Стојанче Ангелов ќе зема повисока плата: Владата одобрила покачување
По измената на коефициентот за пресметка на плата, одлука објавена во Службен весник, се зголемува и платата на директорот на...
Во „Пониква“ не можеш ниту на одмор да одиш, а не пак да третираш сериозни медицински состојби: Филипче од Кочани со критики до власта
Претседателот на СДСМ Венко Филипче од Кочани, со критики до актуелната власт за како што рече, неспособноста да се справи...
Изготвил лажни одобренија за градење, трошел повеќе од дозволеното за репрезентација и ненаменски трошел пари предвидени за гориво, кривична за градоначалникот на Росоман
Управата за финансиска полиција до Основното јавно обвинителство Кавадарци поднесе кривична пријава против С.Н во својство на Градоначалник на Општина...
Оваа учебна година направивме многу, обезбедивме учебници, ги зголемивме платите на наставниците и тие ќе продoлжат да растат: Јаневска за крајот на учебната година
На основците и средношколците што денес ја завршуваат учебната година им честитам на напорната работа и заслужениот успех. Пред вас...
Власта системски го отстранува албанскиот јазик од јавната сфера, велат од ДУИ
Уставниот суд е во завршна фаза на подготовки за укинување на Законот за употреба на јазиците, истакнуваат од ДУИ. Од...
Ниту повредените, ниту семејствата на починатите не се сами, Кочани е наш приоритет, велат од Владата
Трагедијата во Кочани во која животот во загубија 62 млади лица е од невидени размери, велат од Владата и додаваат...
Цените повторно растат, а Владата реши да ги покачи платите само на функционерите, велат од СДСМ
Македонија повторно се соочува со огромен раст на цените и инфлацијата, а Владата реши да ги покачи платите на функционерите....
Орбан: Дипломатите мора да ја преземат контролата од генералите, оваа војна не може да се добие
Унгарскиот премиер Виктор Орбан изјави дека на Украина ѝ е потребно примирје, преговори и мир, како и дека „дипломатите треба...
(Видео) „Останете во засолништата“ погодена породилна болница во Одеса, Киев со часови под силен руски напад
Русија изврши силен напад со беспилотни летала врз украинскиот главен град, изјави градоначалникот на Киев, Виталиј Кличко. Во Одеса, погодена...
Трамп: Непочитувањето нема да се толерира, ќе удриме посилно од кога било
Американскиот претседател Доналд Трамп изјави дека учесниците на протестот во Лос Анџелес „имаат тенденција да плукаат во лице“ на членовите...
Руте: Русија би можела да не нападне во рок од пет години
Русија би можела да започне напад врз НАТО во рок од пет години, предупреди шефот на воената алијанса, Марк Руте,...
(Видео) Тренчевска: Хаосот во здравството не може да го среди министер информатичар
Владата, наместо да гради систем што треба да се грижи за здравјето на граѓаните, создава систем што го става во...
Aлиу нов министер за здравство
Попладнево пратениците во Собранието го избраа Азир Алиу за нов министер за здравство. Алиу кој доаѓа од редовите на коалицијата...
Даночна измама, перење пари, злосторничко здружување: кривични за 23 физички и 15 правни лица од Струмица, го оштетиле државниот буџет за над 94 милиони евра
Одделот за сузбивање на организиран и сериозен криминал криминал, во соработка со Оддел за криминалистичка полиција, Управата за финансиска полиција...
