Македонија
Преговорите на Mакедонија со ЕУ се реалност, останете цврсто на европскиот пат, порача европратеничката Јовева
Европратеничката од Словенија, Ирена Јовева, преку видеообраќањето испрати порака со која го честита отворањето на преговорите на Северна Македонија со Европската Унија и дава поддршка за евроинтегративниот процес на земјата.
„Важно е да останете цврсто на европскиот пат и македонските граѓани да знаат дека европската интеграција на земјата е реалност, која е остварлива со заедничка посветеност на процесот на преговори и работа на реформската агенда“, вели Јовева во обраќањето додавајќи дека преговорите со Европската Унија се отворени и веќе имаме почнато нова фаза во евроинтеграциите, која бара силен ангажман и политичка волја за брзо и ефикасно спроведување на реформите.
Јовева вели дека Северна Македонија има сојузници и многу пријатели во ЕУ и дека сите напори вредат оти европската перспектива на Северна Македонија е реална и покрај тешките одлуки поради што на граѓаните им е тешко да поверуваат дека се оди напред.
„Северна Македонија има навистина многу сојузници, многу пријатели тука во ЕУ, а што е најбитно, има соработка помеѓу нас. За поделби, национални, па и партиски, тука место нема. А дали за Северна Македонија во ЕУ има место – има“, порача Јовева.
Европратеничката е дел од Мешовитиот парламентарен комитет помеѓу Северна Македонија и ЕУ, кој во изминатите два дена заседаваше, а свое обраќање имаше и вицепремиерот за европски прашања, Бојан Маричиќ.
Во продолжение интегрален текст од видеообраќањето на Јовева.
„Драги пријатели во Северна Македонија,
После 17 години чекање, успеавте да направите историски чекор не само за вашата држава туку и за целиот регион и Европа. Преговорите со Европската Унија ги отворивте, со што започнавте нова фаза во евроинтеграциите. Фаза која бара силен ангажман и политичка волја за брзо и ефикасно спроведување на реформите. А тоа несомнено го имате и ќе успеете во исполнувањето на вашата стратешка цел доколку сите заеднички работите на нејзино реализирање.
Започнавте со скрининг процесот, а со тоа односите помеѓу Северна Македонија и европските институции добиваат друга динамика и димензија. Имате партнери на патот кон ЕУ. Имате капацитет и сте на добар пат да ги капитализирате вашите досегашни заложби и напори во евроинтегративниот процес и да станете успешна европска приказна.
Со наша поддршка, од вашите европски пријатели, ќе успеете да ги надминете предизвиците со кои ќе се соочите во текот на преговори. Бидете уверени дека вреди да се направи трансформацијата на општеството заради конкретните придобивки кои ќе ги имаат граѓаните.
Важно е да останете цврсто на европскиот пат и македонските граѓани да знаат дека европската интеграција на земјата е реалност, која е остварлива со заедничка посветеност на процесот на преговори и работа на реформската агенда.
Сега не е време за бариери. Сега е вистински момент да се искористи шансата и со полн капацитет да поставите добро темпо на водење на преговорите, за реализација на поставената цел – Северна Македонија членка на ЕУ до 2030.
Да ви кажам уште еднаш, сите напори вредат, перспективата е реална и покрај тешките одлуки. Знам и дека затоа е тешко да се поверува дека се оди напред, ама се оди. Северна Македонија има стварно многу сојузници многу пријатели тука во ЕУ, а што е најбитно соработка помеѓу нас. За поделби национални па и партиски тука место нема. А дали за Северна Македонија во ЕУ има место – има! Среќно и успешно во преговорите со Европската Унија“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Откажано утрешното рочиште за „Пулс“: Недостасуваат адреси од оштетени и нивни застапници
Утрешното судење за пожарот во дискотеката „Пулс“ во Кочани, во кој загинаа 63 лица и околу 200 се повредени, е откажано.
Судијката Диана Груевска – Илиевска ги немаше сите адреси од оштетените и нивните застапници кои треба да бидат повикани на судење за да се изјаснат за оштетното побарување.
Судијката ги евидентираше сите оштетени и застапници на оштетените кои беа присутни, но кажа дека мора да ја одложи за утре закажаната главна расправа оти ќе треба повеќе време за судот да ги извести оштетените дека треба да дојдат на судење.
Следното рочиште ќе биде на 2 декември, а дотогаш судијката очекува освен завршување на судската достава за оштетените да бидат доставени и интегрираните обвиненија до сите обвинети како што побараа нивните бранители.
Македонија
Нова кривична пријава против ексградоначалникот на Кичево, Фатмир Дехари
Полицијата поднесе кривична пријава против Фатмир Дехари, од кичевското село Србица, поради постоење основи на сомнение за сторено кривично дело „Несовесно работење во службата“.
Според информациите на СВР Охрид, тој, во својство на градоначалник на Општина Кичево, несовесно постапувал при извршување на своите законски овластувања дадени со Законот за локалната самоуправа и спротивно на Законот за пожарникарство.
„Пријавениот, од 2016 година, секоја година, со одредени лица склучувал договори за вработување во Територијалната противпожарна единица Кичево и по истекот на една година од нивното вработување, не извршил должен надзор, пропуштил да им го прекине работниот договор и дозволил, истите да не се стекнат со соодветен сертификат за квалификација како пожарникари, издаден од надлежен Државен орган“, велат од полицијата.
Македонија
Не е работа на бранителот да биде судска достава, забележаа адвокатите и побараа судот да им го достави интегрираното обвинение пред воведните зборови
Место воведни зборови од одбраната и изјаснување дали се чувствуваат виновни обвинетите за пожарот во кочанската дискотека “Пулс”, денешното второ рочиште од судењето ќе биде посветено на оштетни побарувања за да не се одложи.
Воведни зборови на одбраната денес нема да има оти судот ги прифати забелешките на бранителите на обвинетите кои побараа интегрираното обвинение од Судот да го добијат не само бранителите туку и обвинетите.
“Бранителите не прифаќаат доставата на интегрираното обвинение до обвинетите да биде преку нив. Судот денес и утре до сите обвинети ќе изврши достава. Бидејќи денес и утре нема да можат да се изјаснат, за да нема одолговлекување, ќе продолжиме со оштетни побарувања на оштетените и нивните полномошници”, рече судијката Диана Груевска-Илиевска.
Таа побара веднаш да се направи нова листа со мејлови од обвинетите и кажа дека оние кои се во притвор, интегрираното обвинение ќе го добијат во писмена форма.
На почетокот на денешното рочиште многумина бранители побараа покрај тоа што тие како нивни адвокати го добиле интегрираното обвинение, по судски пат да им биде доставено и на обвинетите.
“Не е работа на бранител да биде судска достава ниту пак тоа се смета за уредна достава. Прашањето е законско, не може најголемата трагедија во Македонија да ја исправиме со неправда”, рече Петре Шилегов, адвокат на еден од обвинетите, укажувајќи на новните права.
Оваа негова забелешка мачно ја примија родителите и роднините кои беа во судницата и тивко прашаа “какви права бе”.
Судијката Груевска-Илиевска не ги прифати забелешките на бранителите кои сметаат дека интегрираното обвинение е сосема нов акт и новата листа на докази е различна од првичната, иако обвинителите кажаа дека нема нови докази туку од листата се исфрлени вербалните докази кои се повторуваат.
Одлуката ја соопшти по кратко советување откога ги слушна забелешките од бранителите од кои многумина кажаа дека Обвинителството не ги почитува постапките и го доведува во ситуација судот да носи одлуки спротивни на ЗКП оти интегрираното обвинение не е пречистен текст туку ново обвинение.
kocani sudenje
“Судот донесе решение дека не станува збор за ново обвинение бидејќи во интегрираното обвинение не се воведени нови дејсѕвија, нема нови обвинети, нема ново место на извршување на дејството”, рече судијката Груевска-Илиевска.
Судењето продолжи со евиденција на оштетените и нивните законски застапници кои се приклучија на кривичниот прогон, и кажаа дека ќе имаат оштетни побарувања кои ќе ги бараат во граѓанска постапка.
Откажано утрешното рочиште за „Пулс“: Недостасуваат адреси од оштетени и нивни застапници
Утрешното судење за пожарот во дискотеката „Пулс“ во Кочани, во кој загинаа 63 лица и околу 200 се повредени, е...
Не е работа на бранителот да биде судска достава, забележаа адвокатите и побараа судот да им го достави интегрираното обвинение пред воведните зборови
Место воведни зборови од одбраната и изјаснување дали се чувствуваат виновни обвинетите за пожарот во кочанската дискотека “Пулс”, денешното второ...
Србија без сурова нафта, рафинеријата запре; Вучиќ: Влегуваме во големи проблеми
Рафинеријата за нафта во Панчево, единствената рафинерија во Србија, го запре производството, а постројките влегоа во таканаречена топла циркулација, објавува...
Мицкоски: 6.045 пристигнати апликации, најголем интерес за искористување на мерката за самовработување
Како Влада, силно веруваме дека економијата расте тогаш кога граѓаните имаат поддршка да создаваат, да иновираат и да стануваат претприемачи,...
42-годишник пронајден мртов кај селото Нераште: наредена е обдукција, ќе се вештачат траги најдени на местото
Обвинителството извести дека е извршен увид на лице место, дадени се повеќе насоки и наредби со цел откривање на сторителите...
Голема полициска акција: претреси во Скопје, Куманово и на други локации
Во координација со Основното јавно обвинителство Скопје во тек е полициска акција со претреси во Скопје, Куманово и на други...
Зеленски пред тежок избор: планот на Трамп или несигурните Европејци, пишува Политико
Европските претставници вчера воздивнаа со олеснување, верувајќи дека разговорите во Женева вродиле со плод и дека Доналд Трамп ќе ги...
Поради одрон во прекин е сообраќајот на регионалниот пат Ресен- Граничен премин Стење
Денеска од 07:55 часот, поради одрон на патот помеѓу селата Царев Двор и Отешево, во прекин е сообраќајот во двата...
Би-би-си: Украинците би можеле да се согласат на изменет мировен план, Русите се друга приказна
Доналд Трамп силно сака мировен договор во Украина. Киев сака мир уште повеќе, но не по секоја цена, пишува Би-би-си...
САД преговараат со Русите и Украинците: „Мора да бидеме сигурни дека Русите се согласуваат со ова“
Секретарот на американската армија, Ден Дрискол, пристигна во Абу Даби доцна синоќа на разговори со шефот на украинската воена разузнавачка...
Венецуела до авиокомпаниите: Имате 48 часа да ги продолжите летовите или ќе ја изгубите дозволата
Венецуелскиот институт за авијација денес им соопшти на меѓународните авиокомпании дека мора да ги продолжат летовите до земјата во рок...
ОН: На секои десет минути жена е убиена од близок човек
ОН вчера соопшти дека минатата година речиси 50.000 жени и девојки биле убиени од интимен партнер, осудувајќи го недостатокот на...
(Видео) Зеленски испрати драматично предупредување: неколку часа подоцна, Русите брутално го нападнаа Киев
Русија синоќа започна жесток напад врз Киев и други украински градови, користејќи беспилотни летала „Шахед“ и балистички ракети „Кинжал“. Нападите...
Мицкоски не знаел за инцидентот со Аца Лукас, но најави строга контрола на естрадата: Јасни се законите и правилата, секој мора да ги почитува
Премиерот Христијан Мицкоски од кого викендов на социјалните мрежи се бара извинување по приведувањето на српскиот пејач Аца Лукас во...
Мораме да се срамиме и да црвениме пред Стразбур, вели Мицкоски откако судот најави отворање предмет за случајот на Јанкулоска
Мораме да се срамиме и да црвениме пред Стразбур, вели премиерот, Христијан Мицкоски, откако судот најави отворање предмет за случајот...
Уапсен 16-годишник од Охрид: силувал 12-годишно девојче, друг малолетник го снимал, а трет го уценувал девојчето
Денеска во 10:00 часот, полициски службеници од СВР Охрид лишија од слобода 16-годишник од Охрид поради сомнение дека на 12.11.2025...
Бебе почина во Општата болница во Кичево: било донесено во тешка здравствена состојба
Вчера во 22:10 часот во ОВР Кичево е пријавено дека на детското одделение при Општата болница во Кичево во тешка...
„По налог на Груевски Мицкоски ја враќа државата деценија назад“, велат од СДСМ
„Македонија повторно се наоѓа во изолација. Наместо држава што чекори напред, со јасна европска перспектива, денес гледаме изолирана земја додека...
Јанкулоска: Судот во Стразбур отвора сериозни прашања за судењето и пресудата против мене
Европскиот суд за човекови права денес објави дека отвара сериозни прашања во однос на документираните повреди на правото на правично...
„Кацарска со двојни стандарди, за себе и судиите полни џебови и привилегии, за пензионерите бара укинување на зголемувањето на пензиите“, велат од ВМРО-ДПМНЕ
„Добрила Кацарска беше наградена во уставен судија поради понизноста и послушноста кон СДС. Кацарска како послушничка и извршителка на Заев,...
