Македонија
Преку медиумите дознав дека ни се одземени надлежностите за градинката, вели градоначалникот Стефковски
Градоначалникот на општина Гази Баба, Бобан Стефковски објави дека преку медиумите дознал дека Министерството за труд и социјална политика им ги одзела надлежностите за детската градинка „Детска радост“ во Автокоманда.
„Скандалозно и несериозно е тоа што Министерството за труд и социјална политика, преку соопштение до медиумите не извести дека ни ги одзема надлежностите за детската градинка Детска радост во Автокоманда. Ваквата постапка е уште еден јасен доказ дека Министерството за труд и социјална политика води политички, а не законски постапки.
До овој момент во општина Гази Баба не е пристигнат документ со кој ни се одземаат надлежностите, а Министерството во соопштение до јавноста во петтиот пасус вели: “Одземените надлежности на градоначалникот се реазултат на прекршување на законот од страна на управниот одбор на ЈОУГД Детска радост – Гази Баба и на прекршување на законот од страна на градоначалникот Бобан Стефковски, при водење на постапка за разрешување на директор”“ наведува Стефковски.
Самото водење на постапката со сила, според него, говори за политичките притисоци кои изминатите две недели ги имаат вработените во Министерството за труд и социјална политика.
„А факт дека ова што го говорам е вистина е укажувањето кое го испрати Министерството до општина Гази Баба на кое инспекторката која ја водеше целата постапка не е потпишана, туку на истото стои само нејзиното име и презиме, што не е својствено за водењето на постапки од ваков тип. Откако не им успеа притисокот кој го правеа врз мене за да ја поништам одлуката за разрешување и да ја вратам на работа разрешената директорка, тргнаа низ насилна постапка да ги одземаат надлежностите“ вели Стефковски.
Тој порачува дека нема да прави компромис со незаконското работење, а на министерката Јованка Тренчевска и порача дека за сите незаконски постапки и донесени решенија ќе има ревизија, а потоа и одговорност пред надлежните органи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Водоводната мрежа е застарена, го разбираме револтот, велат од ЈП Комуна-Крушево за дефектите и честото снемување вода во градот
При работа на канал, екипите на ЈП Комуна Крушево детектирале мал дефект на водоводната мрежа.
Од тука информираа дека водата ќе биде во краток прекин, а без вода ќе биде поголемиот дел од градот Крушево.
„Го разбираме револтот кај граѓаните и тие се во право. Дефектите се премногу, а тоа се должи на застареноста на водоводната мрежа. Тоа претставува голем проблем и за нас затоа што преголем дел од нашите ресурси, луѓе, механизација и финансии, се трошат на дефекти.“,велат од претпријатието.
Македонија
Претпладне сончево, попладне наместа нестабилно со пороен дожд и грмежи
Времето претпладне ќе биде сончево и топло со мала до умерена облачност. Попладне наместа ќе биде нестабилно со пороен дожд и грмежи, локално во форма на невреме со пообилен пороен дожд, грмежи, засилен ветер и локална појава на град. Минималната температура ќе биде во интервал од 13 до 20, а максималната ќе достигне од 30 до 37 степени. UV=8, јавува УХМР.
Во Скопје сончево и топло со мала до умерена облачност. Попладне во делови од котлината ќе има пороен дожд, грмежи и засилен ветер. Минималната температура ќе се спушти до 18, а максималната ќе достигне до 35 степени.
До петок во попладневните часови ќе има честа појава на нестабилност со пороен дожд и грмежи. Локално процесите ќе бидат во форма на невреме со интензивен пороен дожд, силен ветер и појава на град. Дневните температури постепено ќе опаѓаат.
Македонија
Муцунски во прва работна посета на Брисел на средби со Генералниот секретар на НАТО и високи претставници на ЕУ
Министерот за надворешни работи и надворешна трговија, Тимчо Муцунски, од Луксембург продолжува во прва работна посета на Брисел, во чии рамки ќе се сретне со генералниот секретар на НАТО, Јенс Столтенберг, како и високи претставници на Европската унија.
Во фокусот на разговорите ќе бидат евроинтегративниот процес на државата, реформските процеси, како и активностите во рамки на НАТО, со посебен фокус на претстојниот Самит на Алијансата, што ќе се одржи идниот месец, во Вашингтон.
Посетата на Муцунски на Брисел на почетокот на мандатот како Министер за надворешни работи и надворешна трговија е показател за цврстата определба на земјава за што поскоро членство во Европската унија и посветениот придонес кон глобалниот мир и регионалната стабилност како кредибилна земја членка на НАТО.