Македонија
Претставници од ВМРО-ДПМНЕ присуствуваа на виртуелниот молитвен појадок на Бајден

Молитвениот појадок во Вашингтон за првпат се одржа во виртуелна форма.
Како што соопштија од ВМРО-ДПМНЕ, на појадокот онлајн учествувале и пратениците Александар Николоски и Антонио Милошоски, како и меѓународниот секретар на ВМРО-ДПМНЕ, Владимир Ѓорчев.
Главни говорници на 69. молитвен појадок беа претседателот на САД, Џо Бајден и спикерот на Конгресот, Ненси Пелоси.
Во своето обраќање претседателот Бајден нагласи дека овој традиционален настан ги собира и обединува луѓето од различни земји, култури, партии и убедувања.
Претседателот Бајден повика на обединување и надминување на разликите.
Претседателката на Конгресот на САД, Ненси Пелоси, особено се задржа на ковид-кризата, која изминатава година ги зафати САД и светот. Пелоси нагласи дека треба да се сеќаваме на бројните жртви, како и да им се помогне на тие кои што сè уште страдаат од ковид-кризата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.