Македонија
Приказната за чантата „Луј Витон“ добива разрешница – Денеска пресуда за случајот „Рекет“
Денеска ќе се знае дали Катица Јанева и Бојан Јовановски се виновни или не и дали тргувале за личен бенефит во случајот „Рекет“. Помина речиси една година, а фамозните еден и пол милион евра уредно спакувани во чантатата „Луј Витон“ не се знае каде точно завршиле.
Првично, стануваше збор за шпекулации – почна од Кики, Фрики и Коки, а потоа во јавоста одекна снимка, кон почетокот на август минатата година – стотици илјади евра наредени на маса во „Луј Витон“ чанта, но и Јовановски и Зоран Милески-Кичеец, како си одат од домот на бизнисменот Камчев со чантата во раце.
„Ќе биде сè во ред“. Ова се слушна во вториот сет објавени разговори, а на снимките наводно го кажува тогашната шефица на СЈО, Катица Јанева, за да го смири Камчев, осомничен во „Империја“. И тоа е сè што јавноста можеше да го слушне од Јанева за овој случај.
На 15 август МВР го уапси Јовановски на излез од Македонија на граничниот премин Богородица, а во Скопје е уапсен Зоран Милески – Кичеец.
Неколку часа подоцна Јанева преку соопштение ја информира јавноста дека дава оставка од функцијата шеф на СЈО. Колегите од СЈО не ја штитат, напротив, се обидуваат да го заштитат само угледот на институцијата формирана за да го расветли криминалот и корупцијата, но сето тоа завршува неуспешно – СЈО згаснува, а обвинителите се вратени во матичните обвинителства, каде што продолжуваат да ги водат старите предмети.
На 21 август 2019 година, полицијата влегува на три локации, во СЈО и во домовите на Јанева во Гевгелија и во Скопје. Таа е уапсена и одредена ѝ е мерка притвор. Запленетиот сив кауч најверојатно долго ќе остане во меморијата на македонските граѓани.
Истрагата траеше неколку месеци, информациите се оскудни, а шпекулациите сè погласни. Јанева и Јовановски не даваат искази во истрагата.
Лани во октомври шефицата на Јавното обвинителство за гонење организиран кирминал, Вилма Русковска, го поднесува обвинението против Јовановски, Јанева и Милески. Самоуверено тврди дека се собрани сите докази – Јовановски се товари за примање награда и перење пари, Јанева за злоупотреба на службената положба и овластување, а Кичеец за примање награда.
Зимоска, на 3 декември, почнува судскиот процес за „Рекет“, под будното око на јавноста.
За време на судењето паднаа меѓусебни навреди меѓу двете колешки, тешки зборови кои ја разбрануваа јавноста, но ништо од тоа не одеше во прилог кон обелоденувањето на вистината.
Изненадување беше кога Зоран Кичеец – Милески ја призна вината, а неговиот предмет беше издвоен и тој доби тригодишна затворска казна. Тој никогаш не излезе да сведочи.
Половина година траеше судењето за случајот „Рекет“ – рочиште по рочиште, вкупно четириесетина. Јовановски се жалеше на лоша здравствена состојба, бараше домашен притвор, Јанева со качулка на главата беше пренесена во домашен притвор, а во меѓувреме, за време на судењата, јавноста беше сведок на лични навреди и дисквалификации и препукувања.
Се редеа сведоци, но најголемо внимание предизвикаа Камчев и неговата сопруга Ана, кои тврдеа дека биле жртви на уцена и дека се бореле за правдата во Македонија. Русковска, пак, одеше со спротивна теза, дека Камчев го монтира случајот за да се спаси од случајот „Империја“.
Процесот заврши пред две недели.
Русковска во својот завршен збор кажа дека недвосмилено е докажана вината на Јовановски и Јанева, одбраната на став дека нема никакви докази за сторен криминал и дека целиот обвинителен акт се темели на исказот на Камчев, кој по секоја цена се обидувал да се спаси од затвор.
Судскиот процес финишираше, а трагата на парите, еден и пол милион евра кои Камчев тврди дека му ги дал на Јовановски, не беше откриена.
Во меѓувреме СЈО престана да постои, исто како и приказната за македонските „Чарлиеви ангели“. Судските процеси се во тек, но со видно намалено внимание од страна на јавноста, која очигледно ја загуби вербата во правосудниот систем во државата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Филипче од Гевгелија: Државата не е пи-ар агенција на Мицкоски, на народот му е потребна вистинска помош
Ниту сме шести во Европа по раст на платите, ниту скандинавски живееме, годишната инфлација не паѓа, таа е 4%, народот живее тешко и тоа е факт, порача вечерва претседателот на СДСМ, Венко Филипче, од граѓанската трибина „Се бориме за нашиот дом“ која се одржа во Гевгелија.
„Годишната инфлација е 4%. И тоа е факт. Ама излегува денеска податок за септември, цитирам од месец на месец се намалила инфлацијата -0,2%. Со статистички финти и спинови се обидуваат да ги убедат луѓето дека се како што треба. Па народот знае дека тоа не е вистина, секој ден во маркет, на пазар во продавница, граѓаните знаат колку чини млекото, лебот, знаат колку тешко живеат“, рече Филипче.
Филипче потенцираше дека граѓаните ја изгубиле вербата затоа што власта не испорачала резултати кои ги ветувала и ја повика владата конечно да, како што рече, престанат да лажат тука да преземат нешто и го подобрат стандардот за да може народот нормално да живее.
„Народот не живее од статистички финти и бројки. Престанете да лажете и земете нешто направете. Државата, Владата не е тоа пи-ар агенција на Мицкоски. На народот му е потребна вистинска помош“, рече Филипче.
Претседателот на СДСМ, Филипче, рече дека економијата е во колапс, индустријата опаѓа, малите бизниси се борат за опстанок, земјоделците се пред банкрот, додека работниците немаат со што да го дочекаат крајот на месецот. „Но тука се и лекарите, наставниците, пензионерите кои сите се оставени сами на себе“, рече Филипче.
Македонија
Српски медиуми го објавија идентитетот на Македонецот кој загина во експлозијата во Белград
Македонскиот државјанин Мартин Сипковски (21), модел по професија, е убиен во експлозијата што се случи минатата недела во стан на улицата Косовска во центарот на Белград, дознава Курир.рс.
Вишото јавно обвинителство во Белград го сослуша Филип В. (26) во врска со експлозијата во која загина Сипковски под сомнение дека на 30 септември нелегално го стекнал, а потоа го носел експлозивот „пентрит“, кој го предал на државјанин на Северна Македонија на аголот од улиците Косовска и Нушиќева истиот ден.
Курир.рс објавува дека Мартин Сипковски, како што е утврдено од досегашната истрага, следниот ден, 1 октомври, околу 21:45 часот, несмасно го активирал експлозивот и починал на самото место.
„По обдукцијата, беше идентификувано дека починатиот е Мартин Сипковски, државјанин на Северна Македонија, кој, според неофицијални информации, немал криминално досие. Сè уште не е познато како завршил во мафијашките кругови, со оглед на тоа што, според познаници, тој бил модел кој си направил добро име на турскиот пазар и направил голем напредок на модната писта“, рекол изворот за Курир.рс.
Експлозивната направа наводно била подготвена за убиство на човек со криминално досие, кој е поврзан и со навивачки групи.
Истрагата што ја води надлежното Вишо јавно обвинителство во Белград сè уште е во тек.
Македонија
Мицкоски: СДСМ имаат слоган со кој велат се бориме за домот, на кој дом мислат на Халкидики или во Дубаи
Претседателот на ВМРО-ДПМНЕ, Христијан Мицкоски, се обрати од денешниот народен митинг во Маврово-Ростуше, во рамки на изборната кампања за локалните избори 2025 година, со слоган ,,Вистинскиот избор! Твојот човек! Твоето место! За твојата иднина!
Мицкоски зборуваше за политичките опоненти за локалните избори кои се ближат и истакна дека коалицијата СДСМ, ДУИ, Левица ги врзува желбата за власт и омразата кон ВМРО-ДПМНЕ.
„СДСМ тврдат дека се борат за нивниот дом, според нивниот слоган за изборната кампања, но не се знае за кој точно дом зборуваат дали оној на Халкидики ли оној во Дубаи, додека ДУИ зборува за теми од пред неколку децении, наместо за иднината. На овие избори имаме две опции. Секој кој што мисли дека има трета опција се лаже. Нема трета опција. Едната опција се една коалиција. која што во некои од општините делува формално, односно јасно е профилирана, во некои од општините е полуилегална или би рекол неформална. А, во некои од општините делува повеќе стихидно. Но, во суштина, се заедно и нив ги поврзаа две работи на овие локални избори“, рече Мицкоски.
Според Мицкоски, опозициските СДСМ, ДУИ и Левица, на овие избори ги врзува желбата за власт и омразата кон ВМРО-ДПМНЕ.
,,Нив ги поврза најпрво желбата за власт, силна желба за власт и втората работа е голема омраза кон ВМРО-ДПМНЕ. Тоа се двете работи коишто коалицијата СДСМ, ДУИ и Левица ги собра заедно да ни бидат противници на овие политички локални избори“, истакна Мицкоски.
Мицкоски истакна дека политичката партија СДСМ, имала можност 7 години да се бори за нивниот дом, како што вели и нивниот слоган за изборната кампања за локалните избори годинава, но освен жестоки грабежи и предавства, како што рече, ништо друго не испорачале додека биле власт.
,,Оваа коалиција, ако се вратиме назад имаше можности. Еден субјект во оваа коалиција тоа е да настапува со слоганот “Да се бореле за домот“. Тие имаа 7 години можности да се борат за својот дом, наречен нашата татковина Македонија. Освен жесток грабеж, предавство и понижување на македонскиот народ, на граѓаните во Македонија, на Македонија како држава буквално ништо друго, ниту испорачаа, ниту направија“, кажа Мицкоски и додаде:
,,Затоа сега се прашуваме, на кој дом мислат, дали мислат можеби на онаа вила на егејското крајбрежје, на Халкидики, дали мислат на хациендата во Дубаи, или пак мислат на оние скапи глисери коишто ги видовме летоска како уживаат, во еден раскошен елемент. Граѓаните се збунети. И не знаат сега конкретно за кој дом зборуваат. Секоја нивна порака е порака исполнета со лага, порака исполнета со невистина, порака исполнета со црна кампања, ад хоминем напади, ниски страсти. Така впрочем тие ја водат целата кампања“.
Мицкоски рече дека лидерот на ДУИ имал повеќе од две децении можност да направи било што за граѓаните, и според Мицкоски, тој не успеал да испорача ништо освен да придонесе за иселување на граѓаните од земјата.
,,Тој имаше повеќе од две децении можност да направи, за граѓаните, но и еве и за народот албанскиот народ којшто го гласа најчесто него и неговата политичка партија. А што направи за возврат. Пред очи гледаше како се празнат селата, тоа е веќе стара вест, сега се празнат градовите. Повеќе од 100-тина илјади негови граѓани се иселија. Залудни се хациендите во Зајас, залудни се замоците во Зајас. Затоа што соседите ги нема“, заклучи Мицкоски.
Во вооружениот напад во Куманово е повреден докторот Зекирија Шаини, од Здравство велат дека е во стабилна состојба
Министерството за здравство со вознемиреност ја прими веста за вооружениот напад во Куманово при кој беше повреден нашиот колега, доктор...
Нема индиции на политички мотиви зад оружениот инцидент во Куманово
Првичните индиции не упатуваат на политички мотиви зад оружениот инцидент во Куманово, соопштија од Јавното обвинителсто. „Во однос на настанот...
Поради сериозни пропусти, Владата го раскина договорот за концесија на каменоломот во Страчинци
Првиот заменик на претседателот на Владата и министер за животна средина и просторно планирање, Изет Меџити, информира дека Владата еднострано...
Претреси во домови за стари лица во Скопје под сомненија за нехуман третман: две лица уапсени
По добиени сознанија за можен нехуман третман на стари лица – корисници на услуги за вон-семејна заштита, Основното јавно обвинителство...
Татко ги допирал по телата неговите 16-годишни ќерки во Кавадарци
ОВР Кавадарци поднесе кривична пријава против Д.Г.(40) од Кавадарци. Тој, како што соопшти полицијата, се сомничи за сторено кривично дело...
Од наредната година, првиот извод на бебето родителите ќе го добиваат во болница
Од наредната година, првиот извод на бебето родителите ќе го добиваат во болница, најавија Владата и Министерството за дигитална трансформација....
Македонија од денес и официјално дел од СЕПА: полесни и побрзи плаќања во евра
Министерството за европски прашања информира дека од денес, 7 октомври 2025 година, Република Северна Македонија официјално започнува со примена на...
Две Италијанки уапсени на Табановце, кај нив се пронајдени семки од канабис, ЛСД, кесичка со суви печурки
Вчера во 20:20 часот на Граничен премин Табановце, на влез во државата, полициски службеници ги лишија од слобода 33-годишните Џ.П....
Уапсен маж од скопско Мирковци, фатен како краде нафта од училиште
Вчера во 21:25 часот полициски службеници од СВР Скопје поради сомнение за сторено кривично дело согласно член 236 од Кривичниот...
Полициска потера на патот Скопје – Велес: испукан предупредувачки куршум, криминалците со возило излетале од коловозот
Вчера во близина на населбата Нова Колонија полициски службеници од Одделот за специјални полициски операции, постапувајќи по план од СВР...
Орбан: Зеленски ја користи својата вообичаена тактика, но унгарскиот народ одлучи
Унгарскиот премиер Виктор Орбан го обвини украинскиот претседател Володимир Зеленски за „користење на неговата вообичаена тактика на морална уцена“. „Се...
(Видео) Украински напад на 2000 километри од фронтот: рафинерија погодена во далечниот Сибир
Украински беспилотни летала наводно го нападнале сибирскиот град Тјумен доцна синоќа, на повеќе од 2.000 километри од линијата на фронтот,...
(Видео) Трамп: Грета е луда, треба да оди на лекар
Американскиот претседател Доналд Трамп беше прашан од новинарите во Овалната соба за депортацијата на Грета Тунберг и други пропалестински активисти...
Сиљановска-Давкова: Цинизам и хипокризија е да барате од некого да биде отпорен на трети влијанија, оставајќи го пред портите на Европската Унија
Претседателката Гордана Сиљановска-Давкова денеска се обрати на годинешната средба на земјите учеснички во „Процесот Брдо-Бриони“, којашто се одржа во Драч,...
За пет дена 2.267 сообраќајни прекршоци, уапсени се 22 лица
Од почетокот на месец октомври полицијата констатирала 2.267 сообраќајни прекршоци, а 22 лица се уапсени за безобзирно управување на возило,...
(Видео) Николоски: Јасно е дека Заев ги влече конците во СДСМ
Јасно е дека Заев ги влече конците и во време на претходниот претседател на СДСМ и премиер, Димитар Ковачевски и...
Жител на Кочани пронајден мртов во Љубљана, од МНР велат дека случајот го истражува полицијата
До македонската амбасада во Љубљана е доставено известување дека во текот на ноќта на 2 октомври, животот го загубил македонски...
Помошник на министерот за внатрешни работи незаконски зел надоместоци за прекувремена работа и бонус плата
Полицијата поднесе кривична пријава против помошник на министерот за внатрешни работи, раководител на Одделот за дисциплински и судски постапки, затоа...
Меркел: Дали Путин ќе ја нападнеше Украина ако не се случеше пандемијата на коронавирус?
Поранешната германска канцеларка, Ангела Меркел, даде интервју за унгарскиот медиум „Партизан“. Меѓу другото, таа зборуваше за конфликтот во Украина. „Во...
Заев: Најостро и категорично ги отфрлам лагите и клеветењата од Мицкоски за наводни „куферчиња со пари од поранешен премиер од Бугарија“
„Небулози, клевети и навреди се методите на Мицкоски со кои сака да се оправда за катастрофата која и ја нанесува...
