Македонија
Пристигна првиот лет од Атина во Скопје
Првиот директен лет од Атина пристигнa вечерва на Меѓународниот аеродром „Скопје“. Денеска, од страна на Aegean Airlines и „ТАВ Македонија“ се отвори новата авионска линија Атина-Скопје-Атина и ова претставува прв лет по пауза од 10 години.
Директната линија ќе сообраќа во текот на целата година, два дена во неделата, односно секој вторник и четврток. Првиот лет денеска од Меѓународниот аеродром „Елефтериос Венизелос“ во Атина до Меѓународниот аеродром „Скопје“ слета во 18.55 часот, а полета назад кон Атина во 19.25 часот. Летовите што ќе сообраќаат секој вторник ќе слетуваат на Меѓународниот аеродром „Скопје“ од Атина во 9.15 часот, а ќе се враќаат назад за Атина во 9.45 часот.
Од „ТАВ Македонија“ потенцираат дека се среќни што ја додаваат Атина на долгата листа со градови што се поврзани со директни летови од Скопје.

„Среќни сме што го најавуваме повторното воведување на директната линија меѓу Атина и Скопје. Веруваме дека ова понатаму ќе придонесе за развивање и подобрување на економските односи меѓу двете земји. Директната авиолинија меѓу Скопје и Атина ќе биде кориснa не само за бизнис-патниците, туку и за туристите, како и за целокупната туристичка индустрија, бидејќи двете земји имаат многу да понудат во поглед на природни убавини, занимливи и атрактивни места што туристите треба да ги посетат, откријат и истражат“, изјави Алпер Ерсој, генералниот директор на „ТАВ Македонија“.
Официјалните лица од Aegean Airlines исто така го изразија нивното огромно задоволство за повторното воведување на оваа авиолинија.
„Оваа нова линија доаѓа со цел да ја задоволи побарувачката на пазарот и не само за да ја опслужи бизнис-заедницата, туку и за грчката заедница со седиште во Скопје. Се надевам дека оваа услуга ќе биде успешна и новите директни летови ќе ја постават сцената за нови можности за трговија, туризам и културна размена меѓу двете земји. Сигурен сум дека новите летови исто така ќе придонесат за проширување на соработката меѓу двете земји на начин од кој придобивки ќе имаат двете економии“, изјави Панос Николаидис, директор за земски операции во Aegean Airlines.
Заменик-претседателот на Владата задолжен за европски прашања, Бујар Османи, кој денеска престојуваше во работна посета на Атина, каде што оствари и средба со алтернативниот министер за надворешни и европски работи на Грција, Георг Катругалос, во Македонија се врати токму со привот лет од Атина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Влен“: Со еден глас, Албанците го запечатија крајот на ерата на Ахмети!
„Изборите што ги нарекоа „референдум“ завршија како политички суд против оние што го држеа албанскиот народ како заложник 23 години со лаги и измами. Граѓаните јасно проговорија дека времето на манипулаторите е завршено“, велат од „Влен“.
„Двата круга од овие избори докажаа дека Демократската Унија за Интеграција е избришана од политичката карта на Северна Македонија. По две децении манипулација, оваа партија стана мала структура, без поддршка и без политички легитимитет.
Ова не го кажува ВЛЕН, го кажува слободниот глас на Албанците.
Во првиот круг, ВЛЕН убедливо победи во Чаир, Сарај, Арачиново, Желино и Теарце. Во вториот круг, Албанците ја запечатија промената во Боговиње, Дебар, Струга, Долнени и Тетово. Овие победи не се случајности, тие се отворено отфрлање на старата политика и потврда на вербата во новата политика.
Албанците точно знаат кој работи, а кој измамува, кој дели, а кој обединува.
Ова јасно гласање е крај на една ера и почеток на нова визија за албанската политика.
ВЛЕН го чита овој резултат како почеток на политика на одговорност, мерена со работа, понизност и почит кон граѓанинот. Нема да зборуваме за губитниците бидејќи Албанците веќе проговорија“, соопштија од „Влен“.
Македонија
Делови од пет скопски општини денеска без струја
Од ЕВН Македонија АД известуваат дека денеска без електрична енергија ќе останат:
· од 08:00 до 14:00 часот, корисниците од дел од село Долно Лисиче. (Општина Аеродром)
· од 08:30 до 12:30 часот, корисниците од дел од ул. Димче Милошевски. (Општина Гази Баба)
· од 09:00 до 12:00 часот, корисниците од дел од ул. 1 во с. Сопиште. (Општина Сопиште)
· од 09:00 до 13:00 часот, корисниците од дел од ул. Димитар Мирсачев. (Општина Кисела Вода)
· од 09:00 до 15:00 часот, корисниците од објектите во околината на ул. Леринска бр. 3. (Општина Карпош)
Македонија
Променливо облачно, претпладне слаба магла, попладне повремени врнежи од дожд
Променливо облачно, претпладне по одделни котлини со појава на магла. Попладне и во текот на ноќта ќе има повремени локални врнежи од дожд и услови за ретки грмежи. Ќе дува слаб до умерен ветер од јужен правец. Минималната температура ќе биде во интервал од 1 до 8, а максималната ќе достигне од 16 до 21 степен.
Во Скопје, променливо облачно, претпладне во делови од котлината со појава на слаба магла. Попладне и во текот на ноќта ќе има повремени врнежи од дожд. Ќе дува слаб ветер од југоисточен правец. Минималната температура ќе се спушти до 5, а максималната ќе достигне до 18 степени.
Времето во наредните денови
Следува период на променливо облачно време, по одделни котлини со појава на утринска магла. Во вторник ќе има повремени локални врнежи од дожд и ќе дува умерен, повремено засилен северен ветер. Дневната температура ќе опадне за неколку степени. Во среда и четврток ќе преовладува претежно стабилно време, а локални врнежи од дожд повторно се очекуваат во деновите од следниот викенд.

