Македонија
Присуството на Филипче на политичката мапа е стратегија за опстојување на кланот Заеви, велат од ВМРО-ДПМНЕ

„Заев го избра Филипче за да ги стави под закрила и под тепих сите криминали кои ги направи изминатите години. Заев го избра Венко Филипче за да му чува место во партија, за да може слободно да му течат бизнисите и зделките дури и по цена на слабеење на партијата и продлабочување на распадот на партијата, до ниво на самоуништување“, велат од ВМРО-ДПМНЕ.
„Заев го избра Филипче и за да ја избегне одговорноста за сите скандали афери и криминални дејствија во изминатите 7 години, за да може кланот Заеви слободно да продолжи да функционира.
Во СДС ништо не се менува, во СДС се е „како и до сега“. И додека Филипче се обидува да наметне авторитет и да се факторизира со непознати личности за јавноста во „новото“ раководство и личности кои се на клучни позиции, а немаат ниту ден партиски стаж, во позадина се всушност верните слуги на Заев.
Филипче неврохирургот и потрчко на Заев не се дистанцира од Заев а со тоа не се дистанцира и со политичката траекторија која ја исцрта Заев, а ја донесе Македонија на дното и економски и политички. Со тоа Филипче не се дистанцира од предавствата, аферите, скандалите и криминалите како тие во РЕК Битола и ЕСМ.
СДС е во идеолошка криза, а тимот на Филипче е континуитет на политиките на Заев и за тоа се свесни и членовите на СДС, а очигледно е со кадровската криза и проблемите со екипирањето во СДС.
Под превезот нови лица кои ги продаваат за јавноста а кои не ги познава партиската структура и членовите, Заев и Филипче го користат НВО секторот како инструмент за продолжување на скриените агенди а всушност се нивни блиски соработници уште од шарената револуција и нивни верни слуги“, соопшти ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајот низ државата се одвивa непречено, по наместа влажни коловози

Сообраќајот на државните патишта се одвивa непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја Шуто Оризари и Зелениково

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 12.00 часот, дел од корисниците од ул. Гарсија Лорка (општина Шуто Оризари)
– во периодот од 09.00 до 16.00 часот, корисниците од Градовци, Тисовица, Гумалево, Пакошево, Спектар Комерц, Добрино, Дејковец, Ново Село и Пакошево (општина Зелениково)
Македонија
Прекинато водоснабдување во делови од Карпош

Од ЈП Водовод и Канализација известуваат дека денеска (четврток) поради уличен дефект на ф 1000 мм на ул Копенхагенска, на раскрсница со Стокхолмска,бб, прекинато водоснабдување ќе имаат корисниците на улиците Копенхагенска, Стокхломска, Софиска, Његошева, Гаврил Лесновски и Петар Драганов од 09:00 часот до завршување со работните обврски. ( општина Карпош ).