Македонија
Производи што ќе ви помогнат да се заштитите од вируси
Живееме во време кое е бурно, интензивно и непредвидливо. Ние луѓето сме преоптоварени по разни основи, а секако најмногу во поглед на нашето здравје. Затоа, длабоко сме свесни дека е тешко да се обраќаме на здравствената публика, од две причини: затоа што пазарот на лекови и додатоци во исхраната, визуелен и аудитивен е преплавен со буквално се и сешто, каде што високо интегриран здравствен и научен субјект буквално ќе се чуди како воопшто пазарот може ова да го издржи и довербата во препарати што треба се земаат е драстично намалена.
Сепак се работи за здравје и едноствно со здравјето нема компромис. Можете да купите што било со калкулација, но кога се работи за здравје нема компромис.
Хелиос Медикал е претставништво за Балканот и Југоисточна Европа за врвни германски производи од Гелита и Допелхерц.
Веќе култниот бренд CH Alpha ја освои јавноста со квалитет. И покрај сите обиди за фалсификување таа стана бренд број 1 во ортоопедијата и трауматологијата, за коскено-зглобни заболувања.
Допелхерц, веќе е извесно дека во светски рамки претставува компанија која што не ние туку свесткиот пазар ја рангира како една од светски водечките и е број 1 во Германија во областа на додатоците во медицината и фармацијата.
Во овие моменти на борба со вирусите сакаме да ви препорачаме производи кои се многу потребни во овој период.
Doppelherz Имуно актив директ
За јак имунитет! Јакиот имунитет е основа на целокупната борба за здравје. Активни компоненти – Цинк, селен, витамин Ц, хистидин. За поддршка на нормалната функција на имунолошкиот систем во сојуз со амино-киселината Хистидин.
Doppelherz Магнезиум
Витален минерал што телото не може само да го создаде. За нормално функционирање на мускулите, срцето, нервите и коските. Состав – магнезиум, фолна киселина, витамин Б1, витамин Б6, витамин Б12.
Doppelherz Витал Тоник
За целокупно витално здравје! Уникатна комбинација на полифеноли, ресвератрол и биофлавоноиди, збогатени со Б витамини, магнезиум и железо. Примена – кардиоваскуларен систем, нервен систем, јакнење на имунитетот, стрес, хроничен замор, несоница, анемија, намалување на холестеролот, снижување на високиот крвен притисок, зголемува еластичност на крвните садови.
Doppelherz Брусница + pumpkin seeds
За здрав имунолошки систем. Капсули со екстракт од брусница и семе од тиква, со витамин Ц и селен. Ја помага нормалната функција на имунолошкиот систем. Идеално решение за уринарни инфекции и воспаленија, како и при проблеми со простата.
Омега-3 масните киселини играат важна улога во здравата исхрана на срцето, за функцијата на мозокот и мрежницата.
Омега-3 масните киселини во комбинација со фолна киселина, витамин Б6 и витамин Б12 имаат позитивно влијание врз нивото на хомоцистеин и функцијата на садовите.
Doppelherz® aktiv Омега-3 има дополнителен витамин Е за заштита на омега-3 масните киселини од оксидација.
Во ера кога сме сериозно нападнати и треба да го штитиме имуниот систем по повеѓе основи, здравјето на детето мора да биде императив.
Киндер мултивитамински сируп поседува уникатна комбинација на најважните, највиталните витамини и минерали, есенцијална амино киселина Л Лизин, многу важни за растот и развојот на детето.
Значењето на овој производ што го разликува од останатите е во комбинацијата и поседувањето на Л лизин есенцијалната амино-киселина. За правилен раст и развој на детето, го зајакнува имунитетот и подобрува апетитот.
(ПР тест)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сајкоски: Вчера докажавме дека Македонија не толерира некој да ја тероризира– граѓаните во нас препознаа луѓе кои ќе донесат правда во државата
„Вчера докажавме дека само заеднички, единствени како никогаш досега можеме да успееме. Можеме да успееме заеднички и да прегазиме секој противник, секој оној којшто прави штета на нашата држава и затоа ќе го снајде она што го снајде овој наш противник вчера. Ќе го снајде истото и на 8 мај. Голема победа на ВМРО-ДПМНЕ и коалицијата „Твоја Mакедонија“, голема победа на македонските граѓани и македонскиот народ. Почитувани кичевчани вие го покажавте револуционерниот дух. Тој никогаш не згаснал во вас. Покажавме дека можеме и дека ќе направиме се, дека имаме храброст, дека имаме елан да се спротивставиме и дека ние сме победнички расположени. Победнички за да ја донесеме Македонија онаму каде што и е местото Им дадовме јасно до знаење дека Кичевчани не толерираат повеќе изживување врз нив. Дека Македонија не толерира повеќе некој да ја тероризира! Ние не толерираме да лажат и крадат. Ние таквите ги казнуваме“, истакна на вечерашниот митинг во Кичево носителот на листата на пратеници на ВМРО-ДПМНЕ во ИЕ 5, Ѓорѓија Сајкоски.
Тој исто така повика на уште помасовна излезност на 8 мај за да се донесе историска победа за Македонија.
„Сакам исто така да ве повикам на 8 мај да излеземе во што поголем број и да донесеме историска победа на Македонија. Да донесеме историска победа за ВМРО-ДПМНЕ и коалицијата „Твоја Македонија“, потенцираше Сајкоски.
Тој истакна и дека оваа е историска победа бидејќи граѓаните во ВМРО-ДПМНЕ препознаа луѓе коишто можат да ја донесат правдата во Македонија.
„Ние почитувани испишуваме историја. Испишуваме историја затоа што првпат од позиција на опозиција води некој политички субјект во Македонија со 180 илјади гласови. Испишуваме историја затоа што во нас препознаа македонските граѓани луѓе коишто се чесни, коишто се трудољубиви и луѓе коишто можат да ја донесат правдата во Македонија“.
Тој упати порака и до оние кои не излегоа на гласање дека ако сакаат да живеат во подобра Македонија треба да се придружат во големата победа на ВМРО-ДПМНЕ.
„Ако сме согласни дека треба да имаме подобро здравство, подобро образование, дека инфраструктурата во ИЕ 5 е катастрофална и дека треба да направиме комплетно нова, придружете се. Придружете се во голема победа за Македонија. Придружете се и само така, само единствени може да победиме и може да донесеме влада којашто никој не може да ја уценува и може да донесеме премиер што испорачува. Да испорача да имаме одлична инфраструктура, да бидеме први во регионот наместо последни и да направиме економски бум“, истакна Сајкоски и додаде:
„Поканете го секој, разговарајте со секој затоа што ВМРО-ДПМНЕ и коалицијата „Твоја Македонија“ се политички субјекти којшто мислат добро за сите во Македонија. ВМРО-ДПМНЕ и коалицијата го заслужува вашиот глас, бидејќи ВМРО-ДПМНЕ беше и остана браник на македонската државност“.
Македонија
(Видео) Ковачевски: Нема откажувања, ги повикувам граѓаните на 8 мај да излезат масовно и да дадат поддршка за Пендаровски и СДСМ
Со исправена глава, поставени на вистински европски пат кој е единствена опција за суштинска промена во нашата држава. Во тоа име ве повикувам масовно, ги повикувам сите граѓани на Македонија масовно да излезат на избори, на 8 мај и својот глас да го дадат за нашиот претседател Стево Пендаровски и за пратеничките листи на СДСМ и коалицијата за европска иднина, рече претседателот на СДСМ, Димитар Ковачевски вечерва на митинг на коалицијата за европска иднина во Чучер Сандево.
-Сакам да ве поттикнам да разговарате со секој ваш пријател, роднина, сосед, до 8 мај, да кажете дека ДА, разбравме каде сме грешеле, дека имаме јасна програма и план како сето тоа да го поправиме и исто така да кажете дека ние сме таа партија која ги обезбеди сите овие прогресивни работи за државата и кои ја ослободија државата од канџите на само една политичка партија која имаше се во свои раце во цела една декада. Ве повикувам никогаш да не се откажете во она што веруваме и да се бориме да успееме за се она што сме го напишале во програмата да стане реалност и државата да стане многу подобра од она што е денес, рече Ковачевски.
Јас заедно со моите другари како денес, со Санела, Сузана, Оливер, Фатмир ќе бидеме секој ден меѓу граѓаните. Во секој град, секое село, секоја куќа, со секој граѓанин, додаде Ковачевски.
-Ве повикувам и вас, да ни се придружите и заедно да ја пренесеме пораката за напредна држава, пораката за држава која напредува, за држава во која сите се почитуваат и пораката за држава во која ќе имаме подобар животен стандард. Нема откажување од иднината и од борбата за напредна и прогресивна Македонија, рече претседателот на СДСМ, Димитар Ковачевски.
Македонија
Мицкоски: Разликата по вчерашниот изборен ден е цунамито кое се крева, народот се излеа и тој бран на промени ќе ја порази оваа власт
Над 180 илјади разлика е доволен показател за само едно, народот е на нозе и народот се крена против оваа власт, рече претседателот на ВМРО-ДПМНЕ, Христијан Мицкоски на вечерашниот митинг во Кичево.
„Оние кои што се удираа во гради дека ќе сме се сокриеле после изборниот ден, јас денес не ги гледам. Сокриени коваат сценарија за бојкот, на врата се пред Мала речица да ги молат за гласови, како што ги молеа за тендери. Но, народот е посилен и од тие стотина луѓе од ДУИ кои управуваат со државата и од тој артаноиден режим“, изјави Мицкоски.
Според Мицкоски разликата по вчерашниот изборен ден е толку изразена, што е поголема од вкупниот број на гласови на Пендаровски освоен на изборите.
„Ова е цунамито кое се крева и кое ќе се удри од главата на оваа власт. Народот се излеа и тоа незадоволство и тој бран на промени ќе ги порази. Сакам да предупредам дека работата не е воопшто завршена. Потребно е жолтиот картон да стане црвен. На 8 мај потребно е масовно да се излезе и да се гласа за промени“, вели Мицкоски.
Мицкоски укажа дека е многу важно разликата да биде уште поголема.
„Затоа што добивам информации за црни сценарија кои се коваат во противничките штабови и да им кажам колку и тие да планираат такви сценарија, народот уште пожестоко ќе ги казни. Излезот власта го гледа во две работи. И двете се губитнички сценарија. Првото е бојкот на изборите каде што најисправниот одговор треба да биде излезноста и масовноста на овие избори. Второто сценарио е играњето со белезите на Македонија и великодушните понуди што овој пат ги добива ДУИ за сметка на Македонија од СДСМ за еден партнерски настап и взаемна поддршка на изборите“, кажа Мицкоски.
Мицкоски кажа дека двете сценарија им се за тоа како ДУИ и СДСМ да извлечат некаква полза, за сметка на пропаста и назадувањето на државата.
„Тоа нема да го дозволам. И затоа одговорот е масовна излезност на 8 мај“, порача Мицкоски кој заклучи: „да покажеме заедно дека силата на Македонија е во нас, во сите нас заедно, и да бидеме пример на сите идни генерации“.