Македонија
Професионална ориентација – клучни фактори при изборот на факултет
Клучна дилема со која средношколците се соочуваат по завршувањето на средното образование е што и каде понатаму? Професионалната надградба е еден од значајните животни предизвици. Оттука, изборот на факултет обично е поврзан со две клучни прашања:
Што можам најдобро да направам за својата иднина? и „Кој е вистинскиот избор за мојот факултет?“
Одговорот на овие исклучителни важни прашања треба да се најде во нашите способности, кои се збир на нашите внатрешни и природни таленти, нашето досегашно искуство и достигнувања и на тоа што силно го посакуваме.
Психолошкото тестирање на природните и внатрешните способности и таленти, кои силно го одредуваат начинот на кој пристапуваме и решаваме проблеми и нашиот вроден стил на размислување и расудување, ни помага полесно да ги одвоиме важните од ирелевантните фактори при изборот на факултет.
Во согласност со променетите потреби на современиот пазар на труд, се променија и очекувањата од факултетот. Со оглед на големата динамика на варијабилност на современиот свет на работа, очигледно е дека универзитетското образование не може да обезбеди готови решенија за проблемите со кои ќе се сретнете во текот на долгиот работен век.
Но, она што може да ви обезбеди е поставување на добра основа за дефинирање на проблемот, како и знаење на кои начини можете да одите во потрага по решение.
Универзитетското образование ќе ви ги развие вештините за наоѓање квалитетни извори на информации, оценување на нивната вредност и извлекување заклучоци.
При изборот на идна професија, повеќето студенти не се запознаени кои професии или занимања се најплатени, ниту пак имаат податоци за тоа кои професии се дефицитарни или се премногу на македонскиот пазар.
Ваквата состојба придонесува за неспојливост на образовниот систем со состојбите на пазарот, произведувајќи ги оние кадри кои веќе ги има премногу, а така доведувајќи ги илјадниците дипломирани студенти во состојба на невработеност по дипломирањето.
Како еден од подобрите во нашата земја, Американскиот универзитет на Европа – ФОН, во континуитет ги следи светските трендови, а акцентот го става на професии за различни интереси, истовремено гарантирајќи им светла иднина на студентите.
За да постигнете успешна кариера, АУЕ-ФОН нуди:
· Квалитетни студиски програми за образование на основни академски студии во согласност со вашите интереси преку акредитирани студиски програми;
· Можност за примена на стекнатото знаење во текот на студирањето во најуспешните домашни и странски компании преку организирана и задолжителна студентска пракса; · „Еразмус“ програма, во траење од еден или два семестри на некој од странските универзитети;
· Вклучување во работата на студентските организации и учество во бројни воннаставни активности кои развиваат креативност, снаодливост, натпреварувачки и претприемачки дух, способност за тимска работа и други квалитети неопходни за успешни деловни луѓе;
· „Work and study“ програма за практична обука која им овозможува на студентите да стекнат практично искуство и директна соработка со различни индустрии и реномирани компании.
На факултетите кои се дел од АУЕ-ФОН ќе се стекнете со вештините за презентирање и добро аргументирање на сопствените идеи, како и тимската работа, а тоа се клучни вештини во деловниот свет.
Изложеноста на современите трендови и можностите за примена на знаењата за време на студиите се уште еден важен аспект на студирањето.
АУЕ-ФОН нуди можност да стапите во контакт со претставници од различни компании и да се испробате во некоја област, а со тоа ќе може да се запознаете себеси, своите можности и способности.
Тие исто така ве насочуваат кон сегментите на знаења и вештини кои треба да ги подобрете, со цел да се премости јазот помеѓу студиите и светот на работата.
Од исклучителна важност за вашите време на вашите студии, е да имате добар однос со професорите. Наставниот кадар на АУЕ-ФОН е секогаш достапен за студентите, па така ќе имате одговор на секое поставено прашање, во било кое време.
Професионалниот пат станува се пофлексибилен, така што изборот на факултет повеќе не ве одредува цврсто како порано. Затоа, обидете се да гледате на тој избор повеќе со возбуда од започнување ново истражување, отколку со страв дека ќе направите непоправлива грешка.
Преку достапната линија за консултации на АУЕ-ФОН, може да ги дознаете сите информации поврзани со факултетите кои се дел од универзитетот. Нека вашето ново поглавје биде АУЕ-ФОН !
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски за Венецуела: Апсолутно стоиме до потезите на САД
Ние како Влада апсолутно стоиме до аргументите и потезите на нашиот стратешки партнер – Соединетите Американски Држави. Мене најмногу ме зaгрижува громогласната тишина на истите тие европски и светски земји во минатото кога меѓународното право се кршеше на грбот на Македонија и македонскиот народ.
Ова го изјави премиерот Христијан Мицкоски денеска прашан за позицијата на нашата држава во однос на приведувањето на венецуелскиот претседател Николас Мадуро од страна на САД, кое министерот за надворешни работи Тимчо Муцунски вчера го поздрави, наспроти воздржаноста на земјите во Европа кон оваа акција и нивниот став дека со неа се поткопува меѓународното право.
Во изјава за медиумите при посетата на Сопиште денеска Мицкоски кажа дека „таквиот коментар би им го оставил на експертите по меѓународно право“.
– И како тогаш сите тие се оглувеа и никој од нив не го коментираше сето тоа. И како сега наеднаш, сите тие коментираат дали било тоа меѓународно право или не било меѓународно право итн., имајќи предвид дека познавам голем дел од тие што коментираат, а не се меѓународноправни експерти. Јас тоа би им го оставил на експертите по меѓународно право. Но, еднаш кога во животот ќе направите исклучок, тој потоа станува пракса и е прашање на време кога ќе се удри од вашиот грб, рече Мицкоски.
На прашање дали е тоа преседан што отсега може да се случи каде било, Мицкоски повторно укажа на случајот со нашата земја и одговори дека „преседанот е направен уште кога се менуваше знамето на оваа држава за да биде земја членка на ОН“.
– Кога се менуваше Уставот, кога се менуваше уставното име и се лажеа луѓето дека за рок од три-четири години ќе станеме членка на Европската Унија, членка на НАТО итн. Тоа се вистински преседани… Имаше и Хашка пресуда дека не треба да се блокира Македонија, па се блокираше и тогаш имаше громогласна тишина од сите тие што денеска коментираат… А дали ова е преседан или не е, ние како Влада апсолутно стоиме до аргументите и потезите на нашиот стратешки партнер – Соединетите Американски Држави, изјави Мицкоски.
Македонија
Жената која го усмрти човекот во Волково воопшто не обрнала внимание на пешаците, велат од ОЈО
Јавен обвинител од Основното јавно обвинителство Скопје поведе постапка против едно лице за – Тешки дела против безбедноста на луѓето и имотот во сообраќајот член 300 став 4 во врска со член 297 став 3 во врска со став 1 од Кривичниот законик.
Осомничената 40-годишна скопјанка, на 3 јануари вечерта во Волково управувала автомобил мерцедес, задржувајќи ист правец на движење, но без притоа да обрне доволно внимание на пешаците кои се наоѓаат на коловозот или кои започнале да чекорат по коловозот.
Македонија
Нова детска градинка во Сопиште
Нова детска градинка беше отворена денеска во Сопиште. Детската градинка „Сонце“ ќе овозможи згрижување и воспитание на 84 деца од предучилишна возраст и се наоѓа на локација што ќе одговара и на жителите од Долно Соње, Горно Соње, Добри Дол и Ракотинци.
Во неа се предвидуваат јасли за згрижување дечиња од 0 до 2-годишна возраст, како и две хетерогени групи за дечиња од 2 до 4-годишна возраст и група за дечиња од 4 до 6 – годишна возраст.
Објектот е со вкупна нето квадратура од 362 метри квадратни поделена во три занимални, дел за манифестации, административен дел, како и помошно технички дел. Средствата за изградба на оваа детска градинка се обезбедени од Владата преку Министерството за социјална политика, демографија и млади во висина од 21 милион денари, појаснија надлежните.
Премиерот Христијан Мицкоски рече дека новата градинка во Сопиште е потврда за грижата за најмладите и најави нови градинки во Скопје.
– Би сакал што повеќе вакви објекти наскоро да бидат готови, работиме во таа насока. Очекувам оваа година уште неколку вакви објекти да отвориме во Скопје, истакна премиерот.

Тој додаде дека како Влада сите овие проекти ќе ги подржуваат и во иднина. – Сето она што претставува интерес на граѓаните, а посебно на најмилите, на најмладите, на дечињата, ќе биде наш врвен приоритет. Во таа насока е изградбата на ваков тип на објекти, нагласи Мицкоски.
Заменик министерот за социјална политика, демографија и млади, Ѓоко Велковски истакна дека Министерството прави максимални напори за детската заштита.
Тој информираше дека во градот Скопје се градат, доградуваат и реконструираат 16 детски градинки – четири во Гази Баба, по три во општините Ѓорче Петров и Карпош, две во Бутел, Кисела Вода и на подрачјето на Аеродром. Во завршна фаза е изградбата на градинка во Петровец, а распишана е постапка за изградба на нова градинка во општина Зелениково.
Со сево ова, како што рече тој, повеќе од 2.100 деца во рамки на скопскиот регион ќе бидат опфатени во делот на детската заштита.
– Листите на чекање ќе станат минато, подвлече Велковски.
Градоначалникот на општина Сопиште, Јане Мицевски рече дека како локална самоуправа продолжуваат да работат и во иднина за напредок на заштита на децата во претшколска возраст, како и во основните училишта. Тој додаде дека во сорабтка со Владата во моментот се реализирале проектите од вториот повик.

