Македонија
Радев: Бугарија треба да разговара со сите институции во Македонија

Бугарскиот претседал, Румен Радев, по средбата со претседателот Ѓорге Иванов, изјави дека Бугарија треба да бара интензивни контакти и дијалог не само со Владата на Република Македонија туку со сите други институции, како со претседателот така и со Собранието и со опозицијата.
Прашан како го коментира тоа што бугарскиот премиер Бојко Борисов ја откажа средбата со Иванов, Радев одговори дека комуникацијата со сите институции е начинот двете земји да остварат конструктивни, добрососедски и пријателски односи.
„Мислам дека кога повикуваш други да водат дијалог, самиот не треба да бегаш од него. Се надевам дека нашите приоритети за Западен Балкан нема да се сведат само на прегрнувањата. Треба да докажеме лидерство и одговорност во тешки моменти“, изјави Радев на заедничката прес-конференција со Иванов.
Од друга страна, македонскиот претседател постапката на Борисов ја оцени како заземање страна, што не придонесува за конструктивност и соработка.
Претходно, Борисов и бугарската министерка за надворешни работи, Екатерина Захариева, ги откажаа средбите со македонскиот претседател посочувајќи дека не сакаат да се мешаат во внатрешните работи на нивната соседна држава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На делницата Миравци – Демир Капија од 11 часот сообраќајот се одвива по една коловозна лента

На патниот правец А1, на делницата Миравци – Демир Капија, од 11.00 часот сообраќајот ќе се одвива по една коловозна лента во должина од 1000м. поради изведување на градежни работи на пат, (расчистување на одрон), извести АМСМ.
На самото место поставена е соодветна сообраќајна сигнализација.
„На учесниците во сообраќајот им препорачуваме внимателно управување со возилата, прилагодување на брзината спрема условите на патот, како и почитување на поставената сообраќајна сигнализација“, велат од АМСМ.
Македонија
„Дали Зоран Заев во Дубаи гради високи згради од над 50 ката и дали на тој начин ја стекнал златната виза“, прашува ВМРО-ДПМНЕ

„Времето изминува, СДС се занимава со сè и сешто, шета од тема на тема, но за темите што ги интересира цела јавност ги нема ни збор да кажат. Веќе извесен период прашуваме и ги повикуваме СДС, Венко Филипче и Зоран Заев да одговорат дали поседуваат златни визи за Дубаи? Ако поседуваат, тогаш на кој начин ги стекнале имајќи предвид дека таквите визи се стекнуваат со вложувања или инвестиции кои надминуваат и неколку милиони“, прашуваат од ВМРО-ДПМНЕ.
„Дали Зоран Заев во Дубаи гради високи згради од над 50 ката и дали на тој начин ја стекнал златната виза? Ако е така, колку милиони однесе таму и од каде му се парите?
Оттука, го поставуваме и прашањето, дали и Филипче исто така е поврзан со оваа афера, па затоа од неговиот ментор Заев е поставен на чело на СДС за да му го чува грбот?
Сите знаат дека Филипче е верна сенка на Заев и дека тие двајцата се прават заедно, па оттаму е и дилемата дека во аферата со висококатниците во Дубаи можно е и тој да е вклучен.
Овие двајца беа неразделни и за време на нивното заедничко владеење, па така се богатеа врз грбот на граѓаните местејќи тендери, посебно во ковид кризата каде што живи беа фатени како договараат милионски провизии за набавка на вакцини.
Венко Филипче и неговиот ментор Заев со години наназад ја уништуваа и ограбуваа државата, па тие пари сега ги вложуваат во приватни бизниси. Во јавноста глумеа дека ја спасуваа Македонија, но тие само се спасувале самите себеси и милиони спечалени врз грбот и здравјето на граѓаните.
Зачудувачки е нивниот молк и фактот што на сите овие прашања и дилеми Филипче, Заев и СДС, ниту реагираат ниту пак ги демантираат. Можеби затоа што немаат аргументи и затоа што сите овие дилеми се точни, одговор треба да дадат тие.
Но едно е сигурно, СДС, Заев и Филипче, се синоним за криминал, неспособност и национални предавства“, соопшти ВМРО-ДПМНЕ.
Македонија
СДС ги брани бугарските позиции, кои се од најголема штетност за македонскиот народ, велат од ВМРО-ДПМНЕ

Според ВМРО-ДПМНЕ, СДС продолжува да работи контра македонскиот народ.
Наместо, како што велат да го стават прстот на чело и да се запрашаат зошто имаат низок рејтинг, тие продолжуваат да им се додворуваат на Бугарите.
„34 години без престан, работат во корист за другите, а не за македонскиот народ и држава.
Лажеа за знамето, за името, за Уставот, за ЕУ и за што уште не. На СДС во нивната матрица им е лагата.
Денес, повторно пред јавноста, иако министерот за надворешни на Бугарија изјави Македонија да не очекува уставните измени да се последен чекор од интеграцијата во ЕУ, СДС како партија за пропаганда, продолжуваат слепо да си веруваат сами на себе, дека уште уставни измени и ете сме во ЕУ“.
Како што додаваат од владејачката партија, на СДС не му е до достоинството, на СДС важни им се тендерите, сплетките, криминалите, омаловажувањата, буквално се што не треба.
„Затоа имаат рејтинг рамен на статистичка грешка, затоа немаа доверба од народот и затоа не сме сите исти.
СДС се синоним за неспособност, криминал и предавства“, велат од партијата на Мицкоски.