Македонија
Радев за одлуката на ЕУ да преговара за прием на Албанија: Логични последици од она што се случува во Скопје и Тирана

Бугарскиот претседател Румен Радев ја дефинира одлуката на Европската Унија за почеток на пристапните преговори со Албанија, но не и со Република Северна Македонија, како логични последици на она што се случува во Скопје и Тирана и на политиката на Владата на Северна Македонија и патот што го избраа, пренесува „БНР.бг“.
Пред новинарите во Њујорк, каде што учествуваше на годишната сесија на Генералното собрание на ОН во Њујорк, Радев вчера изјаснувањето на Националното собрание го дефинира како разумен став и апелира до бугарските политичари на воздржаност и разум.
„Во никој случај не треба да се спуштаме на нивото на кое се развија настаните и коментарите за Албанија и Северна Македонија“, рече Радев.
Според него, власта во Скопје оди во спротивна насока на евроинтеграциите.
„Преговарачката рамка од 2022 година многу јасно кажува дека кога РСМ ќе ги запише Бугарите во Уставот, дури тогаш ќе почнат преговорите за пристапување“, изјави Радев.
Премиерот Христијан Мицкоски вчера рече дека уште кога бил во посета на Брисел, било најавено дека, најверојатно, Албанија ќе ги почне преговорите и ќе се одвои од нашата земја. Тој ѝ посака многу успех на соседна Албанија бргу да го заврши преговарачкиот процес и, како што рече, можеби еден ден „нашите патишта повторно ќе се сретнат на таа траекторија кон полноправно членство во ЕУ“.
„Ние сме единствениот случај во кој билатералните договори се услови во преговарачката рамка. Жалам што претходната влада егизбиционистички прифаќаше сè, мавташе со европското знаме додека го ограбруваше сопствениот народ. Гледаме дека состојбата е таква каква што е и го делам впечатокот со огромен број македонски граѓани дека не треба повеќе на сметка на национални отстапки, идентитетски остапки, без гаранции, да прифаќаме услови“, рече Мицкоски одговарајќи на новинарско прашање.
Нагласи дека сегашната поставеност на работите во однос на нашето членство е диктат и оти својот став тој го пренел и на средбите во Брисел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Меџити: Буџетот на Чаир, Бујар би го потрошил за една недела, државниот ревизор му ги извади валканите алишта на виделина

Кандидатот за градоначалник на Чаир од коалицијата „Вреди“, Изет Меџити, денеска реагираше на начинот на кој поранешниот министер Бујар Османи ги менаџирал јавните пари, предупредувајќи дека злоупотребите и вештачки надуените цени во тендерите се директна опасност за секоја институција и за буџетот на граѓаните.
„Ако само замислиме дека со вакви цени, со вакви рекетирања, Бујар ќе ја косеше тревата во Чаир исто како во салата ‘Борис Трајковски’, тогаш е јасно дека буџетот на општината ќе се проголта за една недела. Со таков начин на лошо менаџирање, наставниците ќе останеа без плати, а граѓаните без основни услуги“, изјави Меџити.
Тој се повика на последниот извештај на Државниот завод за ревизија, кој како што оцени, констатирал сериозни злоупотреби при организацијата на дводневен самит, за кој биле потрошени околу два милиони евра државни пари.
„Овде не станува збор за мои зборови или политички обвинувања. Овде зборуваат фактите, документите и официјалните извештаи. А кога еден министер троши два милиони евра за дводневен самит, додека граѓаните се мачат со инфраструктура, образование и основни услови, тоа е непростливо“, нагласи Меџити.
Тој потсети и на времето кога Османи беше министер за здравство, споменувајќи дека во Гинеколошката болница во Чаир тогаш добил прекар „пациентот“ – што според него е симболичен показател за неуспешното раководење со институциите.
Меџити кој денес оствари посета на ОУ “Васил Главинов” порача дека Чаир заслужува транспарентно управување, реални инвестиции и грижа за граѓаните, а не злоупотреби и тендери со рекетирање.
„Граѓаните имаат право да знаат каде завршуваат нивните пари. Моја обврска како иден градоначалник е да ја вратам довербата и да го заштитам буџетот на Чаир од вакви злоупотреби“, заклучи тој.
Македонија
На Табановце се чека околу 30 минути

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Табановце времето на чекање за излез од државата е околу 30 минути, додека на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Утре ќе се прска против комарци во Скопје

Од Градот Скопје известуваат дека утре (петок), во раните утрински часови ќе се изврши авионска дезинсекција на подрачјето на градот Скопје против ларви од комарци.
Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин.
Се известуваат пчеларите навреме да ги преземат потребните мерки за заштита на пчелите.