Македонија
Ракометната федерација на Македонија со донација за СОС „Детското село“

„Ви благодариме од срце! 460 деца и млади без родителска грижа растат во семејство благодарение на вас“, пишува на врамениот дрес, кој Ракометната федерација на Македонија го доби од организацијата СОС „Детско село“ по повод примопредавањето на донацијата.
Вкупниот износ, кој е собран од продажбата на билети за хуманитарниот ракометно-музички спектакл, одржан на 3 јануари 2023 година, во организација на РФМ, изнесува 1.372.550 денари, сума што ќе ѝ биде донирана на организацијата СОС „Детско село“.
Трошоците за реализација на настанот се покриени од страна на Ракометната федерација на Македонија и нејзините спонзори. Особена благодарност во оваа насока македонската куќа на ракометот би сакала да упати до: „Триглав осигурување“, „Алкалоид“ АД Скопје, Халк банка, „Пивара“, „Никоб“, Македонската телевизија, ТВ „Телма“, „Проевент“ и КЛС; како и до сите македонски уметници, компании и индивидуалци, кои сесрдно ја прифатија поканата за учество во настанот без авторски или друг вид надоместоци.
Ракометната федерација на Македонија во оваа пригода би сакала особено да ѝ се заблагодари на многубројната публика во арената „Борис Трајковски“. Спектаклот „Сите ѕвезди за СОС Детското село“ го славеше ракометот, го славеше спортот. Победија човечноста и хуманоста. Заедно покажавме дека македонската нација е хумана, а спортот има посебна моќ да нè вивне во височините и да ни овозможи уникатна доза среќа.
Сакајте го и негувајте го македонскиот спорт!
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нормализиран сообраќајот од и кон Граничниот премин Блаце

Министерството за внатрешни работи ја известува јавноста дека вечерва е нормализиран сообраќајот на патниот правец Стенковец-ГП Блаце.
Граѓаните можат непречено да се движат во двата правци, а нормално функционира и граничниот премин Блаце, велат од МВР.
Македонија
(Видео) Повеќе од 45 тони вода исфрли полицискиот хеликоптер во гаснењето на пожарот во Чучер Сандево

Полициски хеликоптер Бел-412 денеска повторно се вклучи во гаснење на пожарот во општина Чучер Сандево, соопшти МВР.
„И покрај тешките услови за гаснење непристапен терен и непрегледност поради чад, полицискиот хрликоптер исфли над 45 тони вода во подршка на екипите на терен за ставање под контрола на истиот“.
Македонија
(Видео) Сè уште активен и надвор од контрола пожарот кај Чучер Сандево, со интервенција од воздух ќе се продолжи во утринските часови

Пожарот кој е активен на територија на Чучер Сандево и покрај интервенциите од воздух, за жал сè уште е надвор од контрола, информираат од ЦУК.
Во текот на денешниот ден, на терен, како што појаснуваат надлежните, интервенирале сите расположливи сили и средства — општински служби, физички и правни лица, како и екипи од БППЗ, ДЗС, МВР и ЦУК.
„Сите капацитети се ангажирани, но условите на теренот се исклучително тешки.
Голема е вознемиреноста кај населението, бидејќи чадот се проширува низ целата општина и селата Чучер, Мирковци, Глуво, Бразда, сè до Бутел. Истовремено, регистриран е и нов пожар во атарот на село Кучевиште, кој зафаќа голема површина и се наоѓа во близина на куќи“, според објавеното на социјалните мрежи.
Во раните утрински часови, како што појаснуваат, беше пружена воздухопловна поддршка со три летала, а попладнето со уште еден воздухоплов.
Поради временските услови, се очекува пожарот во текот на ноќта делумно да се стиши, што би овозможило поефикасно дејствување на теренот утре.
За утре е планирано акциите да започнат уште во 5:00 часот, со ангажирање на сите институционални и општински сили на целата зафатена површина, со поддршка од два воздухоплова на МВР. Во вечерните часови, екипите ќе останат на терен и ќе интервенираат согласно приоритетите и потребите, соопштија надлежните.