Македонија
Рамо до рамо во Кочани, Берово и Штип: Градиме стабилна и развојна економија
Теренските активности на СДСМ, „Рамо до рамо до победа“ продолжија и денеска со средби на тимовите на СДСМ со граѓаните во општините Кочани, Берово и Штип.
И во време на светска економска криза покажавме дека преку успешни политики можеме да градиме стабилна и развојна економија, атрактивна за странските компании и економија која гарантира подобар живот за нашите граѓани, истакна потпретседателот на СДСМ Фатмир Битиќи, кој заедно со Кети Василевска оствари средби со граѓаните на Кочани.
Битиќи нагласи дека добрите политики за креирање на предвидлива бизнис клима која е важна за инвеститорите, доверлив партнер кој го имаат во Владата, членството во НАТО кое носи дополнителна стабилност и сето ова без скапи роад шоа, лани резултираше со историски рекорден износ на странски директни инвестиции во државата во износ од 753,8 милиони евра.
СДСМ е рамо до рамо до секој еден, заедно до подобри и подобро платени работни места и добар живот за сите, порача Битиќи пред граѓаните на Кочани.
Членот на ЦО на СДСМ, Љупчо Николовски и портпаролката Богданка Кузеска денеска беа во Берово, како дел од караванот „Рамо до рамо до победа“.
Николовски пред пристуните зборуваше за политиките на СДСМ во земјоделството и нагласи дека субвенциите се исплатуваат редовно и навремено, за првпат се воведува авансна исплата на дел од субвенциите.
ИПАРД е нашата успешна приказна, со која сите треба да се гордееме. Една мала земја како нашата успеа да се избори за лидерското место во регионот, имаме инвестиции колку Срвија, Црна Гора и Албанија заедно. Имаме искористеност на европската програма ИПАРД 2 од 98%, со склучени 2.369 договори, кои значат зголемено производство, нови вработувања поголем рурален туризам и зголемена домашна економија, нагласи Николовски.
Пред граѓаните на Берово, Николовски најави дека започнува програмата ИПАРД 3, со која во модернизација на македонското земјоделство ќе влезат 128 милиони евра, а 17 милиони евра во општините за развој на руралната инфраструктура.
Ова е потврда и најсилен доказ зошто сме и зошто треба да останеме на европскиот пат, порачаа Николовски и Кузеска во Берово.
Рамо до рамо со граѓаните на Штип денеска беа претседателот на СДММ Марко Михаиловски, заедно со Даниела Рендевска. Михаиловски по повод денешниот Ден на македонскиот јазик се осврна на одговрните, државнички политики, со кои СДСМ меѓународно го заштити и го негува, развива и афирмира македонскиот јазик.
СДСМ преку одговорни, државнички политики меѓународно го заштити македонскиот јазик, а потврда за тоа е и Договорот со Фронтекс, прв договор потпишан со ЕУ, на официјален македонски јазик без додавки и фусноти, рамноправен со сите останати јазици на Унијата, рече Михаиловски, додавајќи дека додека ВМРО-ДПМНЕ лажеше и ширеше хистерија дека македонскиот јазик ќе стане бугарски дијалект, СДСМ, не само што го заштити јазикот, туку воведе и Ден на македонскиот јазик – 5 мај.
Како надополнување на досегашните активности, Владата иницира донесување на нов Закон за употребата на македонскиот јазик, за уште повеќе да го чуваме јазикот како скапоцено културно наследство, да остане аманет за идните генерации, рече Михаиловски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На Клиниката за неврологија отворен ден за граѓаните за подигнување на свесноста и превенција од мозочен удар
По повод Светскиот ден на мозочниот удар – 29 октомври, Универзитетската клиниката за неврологија, утре организира отворен ден за граѓаните за подигнување на свесноста за превенција, препознавање на симптомите рана дијагностика и навремено лекување на мозочниот удар, под мотото „Мозочниот удар се лекува“.
Во рамките на настанот, на 28 октомври 2025 година (вторник), ќе се врши бесплатен доплер на каротидни артерии за сите заинтересирани граѓани, без потреба од упат, во периодот од 10:00 до 12:00 часот, во просториите на Клиниката за неврологија.
Со овој настан, Клиниката велат од таму, испраќа порака за важноста на редовните прегледи и контролата на ризик факторите кои можат да доведат до мозочен удар, како што се покачен крвен притисок, шеќер во крвта, зголемени масти, пушење и седечки начин на живот.
Македонија
Уапсени двајца полицaјци осомничени за разбојништвото на златарницата во Гостивар, се трага и по други лица
Министерството за внатрешни работи до Основното јавно обвинителство Гостивар поднесе кривична пријава против две лица поради сомнение дека како соизвршители учествувале во извршување на кривично дело „разбојништво“ по член 237 став 4 во врска со став 1 од Кривичниот законик.
Осомничените се лишени од слобода во текот на вчерашниот ден, соопшти полицијата.
Тие на 10.10.2025, заедно со други засега непознати лица, влегле во златарница во Гостивар и со сила и закана со огнено оружје одзеле 18 килограми злато.
Двајцата осомничени се полициски службеници од ОВР Кичево, кои се договориле и направиле план за грабежот заедно со другите лица за кои интензивно се преземаат дејствија за пронаоѓање. Осомничените учествувале во подготовките со извиди на локацијата и на работата на златарницата два дена пред грабежот. На самиот ден, тие со службено возило на МВР го обезбедувале патот на двете возила искористени за грабежот во Гостивар, од кои едното потоа е пронајдено запалено на магистралниот пат Гостивар-Дебар, додека другото е пронајдено напуштено во Кичево, во близина на сточниот пазар.
„МВР во координација со ОЈО Гостивар презема мерки и активности за целосно расчистување на случајот“.
Македонија
Општина Центар: Отстранети двете паднати дрвја
Општина Центар известува дека екипите на ЈП „Паркинзи на Општина Центар“ и ЈП „Паркови и зеленило“ навремено интервенираа и ги отстранија двете дрвја кои паднаа во близина на ООУ „Киро Глигоров“.
Благодарение на нивната брза реакција, улицата е целосно расчистена и повторно ставена во функција, додаваат од општината.

