Македонија
(Видео) Рангелова му замери на Заев што неговите братучеди не аплицирале за грант за ајвар

Пратеничката од редовите на ВМРО-ДПМНЕ, Даниела Рангелова, на денешната собраниска седница го праша премиерот Зоран Заев дали СДСМ нема други луѓе кои можат да ги заменат функционерите во Фондот за иновации, додавајќи дека не сака да слуша за работењето на ексвладата бидејќи СДСМ треба да учи од нејзините грешки.
Според неа, ако скандалот не излегол во јавност, никој немало да ги врати парите. Рангелова му замери на Заев што не дозволил неговите братучеди да аплицираат за грант за производство на ајвар.
„Судир на интереси е ако биде во комисијата и одлучи да додели средства на својата фирма. Овде се работи за етичкиот кодекс. Можам да потврдам и со компанијата ‘Мамас’, која е на моите братучеди. Другите компании за производство на ајвар аплицираат и добиваат средства. Тие не. Тука е етичкиот кодекс. Не аплицирале, нема да аплицираат. Ако треба некого да разрешам, веднаш ќе го направам тоа без да чекам судски одлуки. Овде нема криминал. Законот мора да важи за сите, ама и сите мора да го почитуваат етичкиот кодекс“, рече Заев.
Рангелова се заблагодари на искреноста што премиерот ја покажал во одговорот.
„Мислам дека не сте во право што не сте им дозволиле на роднините да аплицираат за ајварот, но мислам дека фирмата на Анѓушев не требала да аплицира”, рече пратеничката на ВМРО-ДПМНЕ, Даниела Рангелова.
Заменик-претседателот Горан Мисоски, кој ја води седницата, даде пауза. Потоа, продолжува седницата за пратенички прашања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Првиот ден од септември ќе биде сончев со мала облачност

Првиот ден од септември, како и неделата, ќе биде сончев со мала до умерена облачност и слаб до умерен ветер од северозападен правец, соопшти Управата за хидрометеоролошки работи (УХРМ).
Минималните утрински температури ќе се движат од 8°C во Маврово до 18°C во Гевгелија, додека максималните дневни ќе достигнат од 24°C до дури 34°C во Скопје.
Во главниот град утре се очекува сончево време со мала до умерена облачност. Температурата ќе се движи од 18°C во утринските часови до максимални 34°C во текот на денот.
Од вторник, метеоролозите најавуваат уште потопло време – сончево со мала до умерена локална облачност и температури кои ќе се движат од 30°C до 37°C.
Во среда пак ќе настапи промена – времето ќе биде променливо облачно, со слаб до умерен западен ветер. Попладне на повеќе места ќе има појава на пороен дожд и грмежи. Температурите ќе се движат меѓу 29°C и 36°C.
Македонија
Се врати во функција бројот 192 на МВР

Отстранети се техничките проблеми и повторно е во функција телефонскиот број 192, кој граѓаните на Скопје можат да го користат за било каква пријава или информација, информира Секторот за внатрешни работи Скопје.
За истата намена, како што велат, редовно функционира и телефонскиот број 112, како и телефонските броеви на полициските станици во населбите каде граѓаните живеат.
Македонија
Пожарот во Вардариште е под контрола, дел по дел Скопје добива струја

Пожарот во депонијата Вардариште е ставен под целосна контрола, информираат од Дирекцијата за заштита и спасување.
Поради големиот пожар повеќе населби во Скопје беа без електрична енергија, а од ДЗС информираат дека набргу дел по дел, ќе биде пуштена електричната енергија.