Македонија
Реорганизација, штедење и решавање на статусот на вработените, најави директорот на ЈСП

Подобри услови за работа и вистинско вреднување на трудот на возачите на автобуси. Ова го истакна директорот на јавното претпријатие, Иван Илиевски, на денот на обележувањето 74 години од постоењето на ЈСП „Скопје“.
„Проблемот со лицата што повеќе години биле ангажирани преку привремени вработувања мора да се реши и да добијат статус на вработени на неопределено време. Трудот мора соодветно да се вреднува и ЈСП, конечно, да стане претпријатие каде што вработените ќе се гордеат дека се дел од него“, истакна Илиевски.
За директорот на ЈСП, оваа година ќе биде година на закрепнување на претпријатието што со години не е добро менаџирано.
„Оваа година ќе се направи реорганизација и штедење на средствата. Ќе биде тешка година поради цените на енергентите, но мора да успееме да направиме ова претпријатие, конечно, да биде вистински сервис на граѓаните. Проблемот е што минатите 4 години се таложеле долгови, а притоа никој не водел сметка за тоа како работи ЈСП. Затоа почнуваме со поставување на работите во систем што ќе функционира“, додаде директорот на ЈСП, Иван Илиевски.
На настанот присуствуваше и градоначалничката на град Скопје, Данела Арсовска, а по повод обележувањето 74 години на ЈСП, им беа доделени награди и благодарници за стаж над 40 години на Весна Апостоловиќ, Ајтен Хазир, Трпе Костадиновски, Ванчо Стојчевиќ, Зоран Спасовски, Момчило Додевски и Душко Димовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Зголемени утринските температури во државата, најстудено било во Крушево и Пожаране

Најстудено утрово било во Крушево и Пожаране каде што се измерени -2 степени, -1 било во Берово и Попова Шапка, 0 во Виница, Тетово и Крива Паланка, 1 во Струмица, Штип, Маврови Анови, Прилеп и Кавадарци, 2 во Скопје-Зајчев Рид и Велес, 3 во Гевгелија, Крушево, Скопје-Петровец, Демир Капија, Скопје-Петровец и Претор, 5 во Охрид.
Висината на снежната покривка утрово во седум часот изнсувала 31 сантиметар на Попова Шапка и 8 во Маврови Анови.
Времето денеска
Умерено до значително облачно со услови за слаб дожд, на планините и на повисоките места слаб снег, претежно во крајните источни и западни делови. Ќе дува слаб до умерен ветер од југоисточен правец.
Максималната температура ќе биде во интервал од 3 до 9 степени.
Во Скопје претежно облачно, со услови за слаб краткотраен дожд. Ќе дува слаб до умерен ветер од југоисточен правец. Максималната температура ќе достигне до 7 степени.
Македонија
Претежно облачно со услови за дожд и снег

Времето денеска ќе биде умерено до значително облачно со услови за слаб дожд, на планините и на повисоките места слаб снег, претежно во источните делови. Ќе дува слаб до умерен ветер од југоисточен правец.
Минималната температура ќе биде во интервал од -5 до 3, а максималната ќе достигне од 3 до 9 степени.
Во Скопје претежно облачно, во раните утрински часови во делови од котлината ќе има услови за врнежи од слаб дожд и снег. Ќе дува слаб до умерен ветер од југоисточен правец. Минималната температура ќе се спушти до 1, а максималната ќе достигне до 7 степени.
Времето во наредните денови
Следува период на променливо облачно време. По одделни котлини ќе има појава на магла и ниска облачност, а локални врнежи од дожд се очекуваат во четврток. Утринските и дневните температури ќе бидат во постепен пораст.
Македонија
Дел од Центар денеска без вода

ЈП Водовод и Канализација известува дека денеска поради изведување на водоводен приклучок од ф 80мм на улицата Васил Стефановски бр 2. без вода ќе останат корисниците на дел од улиците Васил Стефановски, Костурски Херои, Борка Талевски, Петар Поп Арсов, 9-ти Мај, Роза Луксенбург, Христо Смирненски во општина Центар.
Водоснабдувањето ќе биде прекинато од 09:00 часот до завршување на интервенцијата.