Македонија
Рикер до Шекеринска: Храбрите чекори на Северна Македонија заслужија да бидат наградени веднаш

Министерката за одбрана, Радмила Шекеринска, во Братислава се сретна со помошник- државниот секретар на САД, Филип Рикер, и со сенаторот Рон Џонсон. Американскиот помошник-државен секретар Рикер, кој е добар познавач на Балканот и поранешен амбасадор на САД во нашата земја, ја потенцира поддршката на САД на европската перспектива на нашата земја.
„Северна Македонија со своите решителни чекори и храбри решенија заслужи членство во НАТО и јасна европска перспектива“, рече Рикер и најави дека САД се активни во разговорите со европските сојузници за потребата од позитивна реакција и од ЕУ на покажаниот успех. Рикер изрази надеж дека летово Северна Македонија ќе добие позитивен одговор од Европскиот совет, односно отворање на преговорите со ЕУ.
Сенаторот Џонсон ја поздрави и поддршката на граѓаните за храбрите чекори на Владата и најави дека очекува брзо и ефикасно заокружување на процесот за ратификација на протоколот за членство на Република Северна Македонија во американскиот сенат. Севкупниот процес на ратификација, рече тој, е на брза трака и очекуваме да се заврши успешно до крајот на годината.
Министерката Шекеринска се заблагодари за поддршката од САД како стратешки партнер на државата.
„НАТО навистина го одржа зборот. Имаме брз и ефикасен процес, ратификациите се одвиваат одлично. Се надевам дека Европската Унија ќе го следи овој пример и ќе ги почне преговорите. Членството во НАТО и почетокот на преговорите со ЕУ беа главните мотиви за решенијата на проблемите што стоеја на патот кон овие стратешки цели“, истакна минситерката.
Средбите со помошник-државниот секретар Рикер и сенаторот Џонсон се одржаа на маргините на форумот ГЛОБСЕК во Словачка, каде што се дискутира за иднината на ЕУ и НАТО.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ѓорѓиевски и Тошковски на пешачење во Градски парк: секој чекор е здравје

Градскиот парк денеска беше изборот на градоначалникот на Кисела Вода и кандидат за градоначалник на Скопје, Орце Ѓорѓиевски, и министерот за внатрешни работи, Панче Тошковски. Двајцата утрото го започнаа со пешачење низ алеите на паркот, во спортска опрема и ведро расположение.
„Најубаво е денот да започне со утринско пешачење низ Градскиот парк, свеж воздух, мир и позитивна енергија. Секој чекор е здравје, секој здив е нова сила. Започни го денот со природа, а денот ќе ти врати со радост“, напиша Ѓорѓиевски во својата објава на социјалните мрежи.
Македонија
За влез и излез од државава на граничните премини се чека до 15 минути

Сообраќајот на државните патишта се одвива непречено, по суви коловози.
Интензитетот на сообраќајот на патиштата надвор од градските средини е зголемен. Поради летните одмори, се бележи зголемена фреквенција на возила, на ГП Табановце времето на чекање за влез и излез е околу 10-15 минути.
На останатите гранични премини од македонска страна нема подолги задржувања при влез или излез од државата.
Македонија
Свежо утро, а преку ден до 33 степени

Времето денеска ќе биде сончево со мала до умерена локална облачност. Ќе дува слаб до умерен, а вдолж Повардарието повремено засилен северен ветер.
Минималната температура ќе биде во интервал од 9 до 19, а максималната ќе достигне од 25 до 33 степени.
Во Скопје, сончево со умерена облачност. Ќе дува слаб до умерен северен ветер. Минималната температура ќе се спушти до 16, а максималната ќе достигне до 30 степени.
До средината на следната седмица ќе преовладува претежно стабилно време со дневни температури малку под просекот за овој период од годината. Потоа времето ќе биде сончево и потопло со пораст на дневната температура.