„Социо-економската состојба на граѓаните е наш главен приоритет. Одкога станавме дел од власта, почнавме да преземаме конкретни чекори за подобрување на економската благосостојба на граѓаните, докажувајќи дека промената е повеќе од ветување, тоа е реалност заснована на дела“, велат од ВЛЕН.

„Ветувањата се свети за нас кога граѓаните ви даваат одговорност да ги застапувате во извршната власт. Затоа, откако коалицијата ВЛЕН стана дел од извршната власт, нејзин приоритет е економската благосостојба на граѓаните, како и обврските дадени за истата. Како резултат на тоа, со задоволство ги известуваме граѓаните дека во буџетот за наредната година се предлага минималната плата да се зголеми за 2000 денари, односно 24.500 денари. Ова уште еднаш докажува дека за коалицијата ВЛЕН општото добро е на пиедесталот на владеењето.

Промената не е само ветување, туку реалност заснована на конкретни дела. Со ВЛЕН работниците во Северна Македонија ќе можат да имаат подостоинствени плати за да не гледаат на можноста за заминување како во времето на претходната влада. Напорот за подобрување на условите на работниците се забележува, но не е доволен. ВЛЕН уверува дека за време на целосниот владејачки мандат платите постепено ќе се зголемуваат, а со тоа ќе се зголемува и квалитетот на животот на работниците.

Албанците и сите граѓани заслужуваат подостоинствен живот, заслужуваат повеќе и подобро. Уверуваме дека ќе соработуваме со сите синдикати за да ги слушнеме нивните барања и да ги спроведеме.

ВЛЕН е гаранција за благосостојбата на граѓаните и за поинаков живот. Како што ги зголемивме пензиите и платите на наставниците, така ќе ги зголемиме и минималните плати, така како дел од Владата ќе продолжиме со определбата за спроведување на економските мерки за квалитетен живот и заштита на семејниот буџет на граѓаните“, соопшти ВЛЕН.

„СДС и ДУИ ја заробија правосудната власт и ја претворија во алатка за политички клиентелизам, што резултира со институционална инерција. СДС и ДУИ предизвикаа ерозија на довербата во јавните институции и судскиот систем“, соопшти ВМРО-ДПМНЕ.

„СДС и ДУИ го повредија владеењето на правото и ја поткопаа јавната верба во способноста на државата да обезбеди правда без да има присуство на пристрасност, особено кога политичките елити на СДС и ДУИ се вклучени.

Врхушката на СДС и ДУИ се исплашени за милионите кои што ги спечалија на грбот на обичниот народ и поради тоа што се плашат дека доаѓа време за правда тие посегнаа по примитивни методи, со што ја уназадуваат државата.

Обвинителите и судиите избрани во Струмица и Зајас не смогнаа сили да се издигнат над ситуацијата и да делуваат професионално.

Само обвинителите на кој Коцевски им е одговорен и Коцевски не постапуваат по наводите за криминал во РЕК Битола, ТЕЦ Неготино, МЕПСО, Онкологија, ЈПДП, Државна лотарија и многу други.

Обвинителите и судиите на Заев и Ахмети за стотици предмети кога треба да се одлучува и да стави потпис на налог за увид, претрес или лишување од слобода, тие се трудат со сите средства да ги опструираат процесите.

Републичкиот јавен обвинител, Љупчо Коцевски не презема мерки за значајни предмети и покрај јавните докази за криминални активности и корупција.

Неактивноста на Јавниот обвинител доведува до незадоволство кај граѓаните од правосудниот систем, со тоа што се обидуваат да ги заштитат своите разбојници од правни последици, а на тој начин ја прошируваат корупцијата како да е нормална појава и комплетно го блокираат правосудството. Поради таквите постапки довербата на граѓаните во судскиот систем е 2 проценти.

СДС и ДУИ ги окупираа институциите со нивните функционери за да ги заштитат нивните интереси и да ја задржат власта.

На тој начин СДС и ДУИ ја лишија јавноста од правичност и отчетност.

ЈО да се разбуди и почне да работи, граѓаните очекуваат правда и владеење на правото“, се наведува во соопштението на ВМРО-ДПМНЕ.

„Денес, Министерот за образование се заканува со санкции за едно училиште во Челопек, бидејќи децата албанци на културен настан носеле униформи кои ја симболизираат историјата и гордоста на албанскиот народ. Ова е продолжение на антиалбанските политики што се спроведуваат во последните месеци, каде што секое изразување на албанскиот идентитет и историја се напаѓа и се третира како провокација“, велат од ДУИ.

„Но, кога во едно македонско училиште во Аеродром децата носеа униформи на Комитите и изведуваа воени поздрави, немаше никаква реакција. Тогаш, Демократската унија за интеграција не дозволи, како што нема да дозволи , ваквите активности да се злоупотребат за создавање меѓуетнички тензии или поделби во општеството. Во тоа време, сметавме дека е важно децата да не бидат вовлечени во политички и етнички конфликти.“, стои во соопштението на ДУИ.

„Но денес, оваа влада избра да ги напаѓа децата Албанци и нивниот идентитет, отворено демонстрирајќи дискриминација. Ако во минатото покажавме толеранција кон слични активности во духот на соживотот, тоа не ѝ дава право на оваа влада денес да ги казнува Албанците за исти или слични постапки.

Бараме Министерот за образование веднаш да се повлече од заканите против училиштето во Челопек и да престане со политизација на културните активности на децата. Секој обид за создавање поделби и дискриминација нема да биде толериран. Албанците не се граѓани од втор ред и нема да дозволат нивниот идентитет и национална гордост да бидат омаловажувани.

Демократската унија за интеграција секогаш ќе застане во одбрана на достоинството и правата на Албанците, докажувајќи дека нашиот идентитет не е провокација, туку заедничко богатство за целото наше општество“, посочуваат од ДУИ.