Македонија
Родителите на Јана: Ако докторката, сопруга на судија, сака да се испере од злоделото, нека го стори тоа јавно
Обдукцијата е готова, но што стои во неа ние не знаеме, се жалат родителите на петгодишната Јана Христовска која почина пред повеќе од еден месец откога прими инфузија со гликоза во болницата во Битола. Тие вечерва испратија реакција до „Макфакс“ во која велат дека се оставени без одговори од институциите, но најавуваат дека нема да се откажат од барањето правда.
„Обдукцијата е готова…. испратена во судска медицина, после неколку дена судска медицина се уште не го добила наодот од обдукцијата на Јана. Поминаа цели 2 месеци, а вие уште не вртите.. За 7 дена за 10 дена, најкасно за 2 недели обдукцијата ќе биди готова…ни мачкате очи за да го прикриете нејзиното злодело.Ако дотичната докторка, инаку сопруга на судија од основен суд Битола… ќе ги користи контактите на сопругот за да го испери злоделото која е крива за целата ситуација нема вина нека се изјасни јавно како што ние јавно излеговме и кажавме се до детал. Сега, кога веќе обдукцијата е готова, ние уште ништо не знаеме. Работата е очигледна, зошто толку се одолговлекува? Но ние нема да се откажиме!! Што и да пишува на наодот од обдукцијата одговорност ќе се сноси по било која цена!! За најголемата загуба што ни е нанесена нас како родители, за претрпениот стрес и вечната болка која ќе ја носиме со нас цел живот.!! Но ние нема тука да застаниме, тоа е едно, и сигурно ќе одиме до Крај!! Излегувате со изјаснување дека ќе работите најсовесно и најбрзо заради голем интерес на јавноста, но кој ќе ви поверува?? Ни ја зедовте ќерката од раце!! Се додека дишиме нема да се откажиме!!!“, велат роителите за „Мафакс“.
Битолското обвинителство извести дека ги добило наодите од обдукцијата, но за конечена одлука ќе чека да се изјасни Институтот за судска медицина каде ја испратиле целопкупната документација за случајот на Јана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Без струја делови од Гази Баба и Ѓорче Петров
Од ЕВН Македонија АД известуваат дека денеска без електрична енергија ќе останат:
· во периодот од 08.00 до 14.30 часот, корисниците на обејкт на Меркур Македонија. (општина Гази Баба)
· во периодот од 09.00 до 14.30 часот, корисниците на дел од улицата Радушка (општина Ѓорче Петров)
Македонија
Променливо облачно со повремени локални врнежи од дожд
Променливо облачно со повремени локални врнежи од дожд. Ќе дува умерен, а долж Повардарието повремено засилен ветер од северозападен правец. Минималната температура ќе биде во интервал од 3 до 6, а максималната ќе достигне од 10 до 17 степени.
Во Скопје, променливо облачно, претпладне со повремени локални врнежи од дожд. Ќе дува умерен ветер претежно од северен правец. Минималната температура ќе се спушти до 6, а максималната ќе достигне до 16 степени.
Времето во наредните денови
Под влијание на стабилна воздушна маса следува период на суво и стабилно време. Утринската температура ќе се спушти под нулата, а во одредени котлини ќе има услови за појава на магла.
Македонија
Центар наскоро ќе стане првата општина во земјава со систем за мерење на бучава, рече Герасимовски
Општина Центар наскоро ќе стане првата општина во земјава со систем за мерење на бучава во реално време, најави градоначалникот Горан Герасимовски. Според него, јавната набавка е завршена, а веднаш по изборите ќе бидат поставени 30 мерни единици на различни локации.
„Заврши јавната набавка, чекаме да поминат изборите за да ги поставиме мерните единици – првично 30. Преку мобилна апликација, секој граѓанин ќе може да провери каква е фреквенцијата на бучава на одредена локација“, изјави Герасимовски.
Системот, како што објасни, ќе им овозможи на граѓаните докази при пријавување во Министерството за внатрешни работи или до општинските инспекциски служби. Целта е брза и ефикасна реакција на прекршителите, особено во зони каде што постојат проблеми со прекумерна бучава од угостителски објекти и сообраќај.
Во вториот дел од изјавата, Герасимовски зборуваше за следниот голем проект на општината – постепено затворање на Дебар Маало за моторен сообраќај, со што ќе се намали хаосот со паркирањето и ќе се создаде подобар квалитет на живот за жителите.
„Имаме ревидиран проект за затворање на Дебар Маало. Тој е доставен до Министерството за внатрешни работи и веќе имавме два состанока со МВР за да го подобриме и да добиеме одобрување. Така и беше договорено на последниот состанок“, рече Герасимовски.
Планот е Дебар Маало да се затвора дел по дел, почнувајќи веднаш по завршувањето на изборниот процес, а првата рампа веќе е поставена.
„Веќе поставивме рампа на почетокот на Боемска улица. Разговараме за начинот на кој таа зона ќе функционира, и тоа ќе биде пример за затворање и на други населби каде што сообраќајот и паркирањето се хаотични“, додаде градоначалникот.

