Американскиот универзитет на Европа – ФОН, денескa, за студентите од Факултетот за правни и политички науки и од Факултетот за детективи и безбедност организира предавање на тема What the Russian invasion of Ukraine Means for the Western Balkans: It is Not as Bad as You Think. Предавач беше д-р Крис Ноланд, професор и директор на магистерската програма за разузнавање и безбедносни студии на колеџот Lebanon Valley од Пенсилванија, САД.

Во своето предавање професорот Ноланд потенцира дека иако светот во глобални рамки ќе се соочува со повисоки цени на нафтените деривати и со недостиг на храна, сепак руската инвазија на Украина ќе помогне да се забрза пристапот на земјите од Западен Балкан кон НАТО и ЕУ. Во овој контекст Соединетите Американски Држави се усогласуваат со Европската Унија и повторно се ангажираат да се спречи дестабилизацијата на Западен Балкан, но и да се обезбеди позитивен пат напред на земјите од регионот за нивна побрза интеграција во ЕУ и НАТО.

„Соединетите Американски Држави во минатото посветуваа помалку внимание на Западен Балкан. На регионот не му се даваше приоритет со оглед на годините на хиперфокусирање на САД кон Азија и Кина. Во меѓувреме, политичкиот екстремизам во Западен Балкан е во пораст, особено на посредниците. Треба да сè има предвид дека во моментот слаби точки во регионот се Босна Херцеговина и Косово, каде што лидерството на САД сега е најпотребно. За да го направи ова, САД мора да се ангажираат повеќе и да работат со Република Србија“, истакна Крис Ноланд пред студентите на АУЕ – ФОН.

Според него, Соединетите Американски Држави, но и светот во целина, ќе мора да ја реконципираат безбедноста во смисла на хибридно војување и да посветат поголемо внимание на сајбер-нападите, дезинформациите и на операциите на влијание.

Професорот Крис Долан пред почетокот на предавањето одржа и работен состанок со менаџментот на Американскиот универзитет на Европа – ФОН, каде што споделија искуства за начините за подобрување на квалитетот на високото образование, при што се посочи можноста сите заинтересирани студенти и професори од Македонија да аплицираат за целосно стипендирање преку Фулбрајт-програмата.

Инаку, Долан е член на одборот на Советот за светски прашања и на Здружението за надворешна политика и проектот за транзиција на Белата куќа. Негов фокус на интерес се американската национална безбедност, разузнавачка анализа, хибридна војна, сајбер-безбедност, дезинформации и операции на влијание.

(ПР)