Македонија
Сашо Милошeвски по вторпат го фати крстот во општина Кисела Вода
Празникот Водици и оваа година беше најсреќен за Сашо Милошевски, кој денеска, меѓу педесетина други верници, успеа по вторпат да го извади Светиот крст од осветените води на базенот “Расадник”.
Истакна дека е многу среќен и дека минатата година му била многу успешна на сите полиња во животот и нему и на неговото семејство.
Ова го посакува и оваа година и за себе и за сите присутни, за кои се радува што ги има во уште поголем број од лани.
Се заблагодари и на црквата и на Општина Кисела Вода, како и на општествено одговорните компании за организацијата и за наградите, кои како и минатата година, во духот на христијанството, ќе ги донира на социјално загрозени семејства.
Манифестацијата “Водици” ја возобнови Општина Кисела Вода минатата година. Годинава, одбележувањето започна со литија од храмот “Св. Ѓорѓија”, од каде верниците и свештенството од “Св. Ѓорѓија” и од ‘Св. Петка”, придружувани со песна од КУД ‘Китка”, се упатија кон базенот “Расадник”.
На чинот на положување на крстот му претходеше и света литургија со која чиноначалствуваше отецот Томе од црквата Св. Петка. Градоначалникот Ѓорѓиевски, му честиташе на среќниот Милошевски и им се заблагодари на сите кои зедоа учество во денешната манифестација.
-Денес, за мене и за сите православни верници е многу голем и значаен ден, кога го славиме крштевањето како една од светите тајни на христијанството, го чествуваме зачетокот на човековото живеење во верата и прочистување на неговата душа. Масовноста која денес ја гледаме е само потврда за исправноста на одлуката што ја донесовме минатата година –да ја возобновиме традицијата во Кисела Вода за положување на крстот во осветената вода. Ги поздравувам сите кои денес најпрво беа дел од литијата што започна од храмот Св. Ѓорѓија, да се заблагодарам и на КУД “Китка” кои со својата песна овозможија настанот да има уште потрадиционална и посвечена нота, на свештенството од двата храма, “Св. Ѓорѓија” и од “Св. Петка”, како и да им честитам на сите кои имаа храброст и се обидоа да го фатат крстот. Посебна честитка до најсреќниот, Сашо Милошевски, кој по втор пат е најуспешен. Му посакувам добро здравје, среќа и радост за него и за неговото семејство, а ние како Општина заедно со неколку општествено одговорни компании се потрудивме да го запамети овој ден и по повеќе награди. Бог се јави и секогаш да бидеме вака обединети! Да сте ми живи и здрави-изјави градоначалникот Ѓорѓиевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Дурмиши ќе учествува на конференција на министри за економија во рамки на Берлинскиот процес во Берлин
Министерот за економија и труд Бесар Дурмиши утре ќе учествува на конференција на министри за економија во рамки на Берлинскиот процес која се одржува во Берлин, Сојузна Република Германија.
Дурмиши со колегите министри за економија од земјите од Западен Балкан на бизнис формум ќе дискутираат на тема “10 години Берлински процес-Западен Балкан како економска област на патот на ЕУ“.
На конференцијата на министри покрај Дурмиши ќе присуствуваат министрите за економија на Албанија, Србија, Косово, Црна Гора, Босна и Херцеговина.
Берлинскиот процес беше воспоставен во 2014 година како платформа за соработка на високо ниво меѓу високи официјални претставници на шест земји од Западен Балкан и нивните колеги во Земјите домаќини на Берлинскиот процес.
Процесот ги вклучува и институциите на ЕУ, меѓународните финансиски институции и граѓанското општество во регионот, Регионалната канцеларија за младинска соработка RYCO и бизнисите.
Македонија
Тошковски од Охрид: Имплементација на научните достигнувања овозможува подобро да се справуваме со предизвиците на безбедноста
Денеска министерот за внатрешни работи се обрати на 15. Меѓународна научна конференција на тема „Современи безбедносни предизвици и зајакнување на отпорноста на земјите од Југоисточна Европа“ која се одржува во Охрид 23-24 септември, во организација на Факултетот за безбедност – Скопје и фондацијата „Фридрих Еберт“. Тошковски ја упати својата благодарност до организаторот за можноста да се обрати пред реномираниот собир на експерти од областа на безбедносните науки и истакна дека конкретната тема посебно погледната од аспект на моменталните глобални трендови и случувања бара сериозно експертско анализирање со цел проекција на решенија кои имплементирани ќе ја гарантираат безбедноста и отпорноста на регионот.
„Унапредување на науката и академското истражување на степен на којшто заслужува е нужно не само за научната фела, туку и за практиката како таква. Ако сакаме да зборуваме за безбедно општество, борба против сите видови сериозен криминал, нужно е да ги дискутираме темите и на ова академско и експертско ниво со цел заклучоците и научните факти кои ќе произлезат од ваквите настани, да ги имплементираме во институциите со што ќе го зголемиме нивното ниво за да се борат со сите предизвици како што се организираниот криминал, сајбер криминалот и високата корупција. Научната мисла мора да го даде својот придонес во секој од овие пилари во кои институциите како МВР ќе треба да се развиваат во иднина.“, потенцираше Тошковски.
На крајот на своето обраќање Тошковски нагласи дека со имплементирање на научната мисла и достигнувања создадени на вакви конференции и форуми овозможува подобро да се подготвиме за сите предизвици кои не очекуваат во иднината и кои се клучни за безбедноста на државата, регионот и пошироко.
Македонија
Средба Муцунски – Гераптеритис во Њујорк: почитувањето на меѓународното јавно право е од суштинско значење за обезбедување на иднина заснована на заеднички просперитет
На маргините на Генералното собрание на ОН, денеска министерот за надворешни работи и надворешна трговија, Тимчо Муцунски, се сретна со министерот за надворешни работи на Република Грција, Јоргос Герапетритис.
Оваа средба претставува важен чекор напред во зајакнувањето на регионалната соработка и значајно унапредување на дипломатските односи. Во текот на конструктивната дискусија посебно внимание беше посветено на можностите за развој на трговијата, инфраструктурата и инвестициите во енергија, како клучни области, каде постојат реални можности за проширување на соработката.
Почитувањето на меѓународното јавно право е од суштинско значење за обезбедување на иднина заснована на заеднички просперитет и одржлив мир. Заемната посветеност на овие принципи е основа за успешна реализација на идни корисни иницијативи и проекти, нагласуваат од МНР.