Македонија
Сајкоски: Историјата не може да биде предмет на договор помеѓу две држави
Историјата не може да биде предмет на договор помеѓу две држави, напиша на својот фејсбук-профил Ѓорѓија Сајкоски од ВМРО-ДПМНЕ.
Сајкоски пишува дека во неколку наврати апелирал за штетноста од Договорот за добрососедство, укажувал дека вакви договори имало, но тие се правеле на рамноправна основа. Денес имаме историска Комисија која повикувајќи се на Договорот од наша страна се труди на секој можен начин да го прекине континуитетот на постоење на македонскиот народ на овие простори.
Затоа се бара момент во средновековието каде ќе може да се направи ваков преседан за да може да се негира целокупното постоење на македонскиот народ. Ова е главна и основна цел на бугарската страна и не е нешто ново, туку со формирањето на бугарската држава главна задача е негирањето на македонскиот народ.
Тој додаде дека денес, ние како држава со штетноста на Договорот и работата на Комисијата ги доведовме во прашање суверенитетот што го добивме од народот. Бидејќи суверенитетот на државата е да ги регулира своите внатрешни работи како што се јазикот, националноста, образованието, учебниците.
Историјата не може да биде прашање за преговори меѓу две држави, од потписите на државите не зависи вистината за историјата.
Вистината за историјата ја граделе генерации наши претходници кои со својот живот со борбата за самостојност ја докажале нашата посебност, напиша Сајкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Топло со умерена облачност, температурата до 25 степени
Времето денеска ќе биде сончево и топло со мала до умерена локална облачност. На североистокот ќе има услови за појава на краткотраен дожд.
Ќе дува слаб до умерен, а по должината на Повардарието краткотрајно засилен ветер од југоисточен правец. Минималната температура ќе биде во интервал од 6 до 12, а максималната ќе достигне од 20 до 25 степен.
Во Скопје сончево и топло со мала до умерена облачност. Ќе дува слаб до умерен ветер од југоисточен правец. Минималната температура ќе се спушти до 11, а максималната ќе достигне до 23 степени.
Ќе настапи преодно стабилизирање на времето со позначителен пораст на дневната температура. Од сабота кон крајот на денот повторно се очекува нестабилно време со локален пороен дожд и грмежи, локално во форма на невреме. Повремена претежно попладневна нестабилност со пороен дожд и грмежи, со променлив интензитет, ќе има сѐ до средината на следната недела.
Скопје
108 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територијата на град Скопје изречени се вкупно 108 мерки, меѓу кои девет мерки за возење без возачка дозвола, четири санкции за минување на затворен сигнал – црвено светло, седум мерки за користење мобилен телефон при возење, осум санкции за некористење на сигурносен појас…“, извести МВР.
Од таму додаваат дека сообраќајните контроли продолжуваат и во наредните денови.
Македонија
Нема подолги задржувања за влез и излез од државата
Сообраќајот на државните патишта се одвива непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.