Македонија
Сајкоски: Пендаровски пет години беше статист и ги премолчи сите штетни процеси, Силјановска-Давкова ќе биде заштитник на Македонија
Веќе се чувствува дека доаѓаат промените во Македонија, но мора да потенцирам дека изминативе 7 година тука во овој регион ништо не се инвестираше, не само што имаме пад на институциите, ние имате руинирана инфраструктура, нула инвестиции, распад на системот и тоа мора да го смените, затоа повикуваме на 24 април и на 8 мај, приклучете се кон промените и големата победа на ВМРО-ДПМНЕ и Коалицијата, изјави генералниот секретар на ВМРО-ДПМНЕ, и носител во ИЕ 5, Ѓорѓија Сајкоски на вечерашниот митинг во Ресен.
Сајкоски истакна дека тоа ќе биде победа на народот против неправдите, но „за да донесеме силни институции и претседател каков што заслужува Македонија, мора да се избориме и да излеземе максимално на овие избори“.
„Сакам да направам една споредба, сегашниот претседател велат дека надлежностите му биле ограничени или ги немал и затоа се однесувал вака или така. Сакам да порачам дека Македонија памети дека имала претседатели, но изминативе 5 години немаме претседател, туку имаме статист кој ги премолчи сите процеси изминатиот период и кој наутро зборува едно, после пладне друго, а навечер ги демантираше двете работи“, рече Сајкоски.
Сајкоски нагласи дека неопходно е да се напраат промени кои ќе ја носат земјата кон подобра иднина.
„Секој ден на Пендаровски му е Европа во устата, а нема посета на европски лидери, не посети ниту еден европски лидер, а од друга страна, Македонија не ја посети ниту еден европски лидер. Затоа ние се стремиме и мора да донесеме претседателка која ќе ја води државата и која ќе биде заштитник на интересите на народот, интересите на македонските граѓани тука и ќе ја промовира Македонија надвор. Мора да донесеме голема победа, победата за ВМРО-ДПМНЕ е победа за Македонија“, потенцираше Сајкоски.
Сајкоски нагласи дека иден претседател е Гордана Силјановска Давкова, а иден премиер Христијан Мицкоски затоа што ВМРО-ДПМНЕ ја има народната поддршка.
„Останаа уште неколку недели до големата победа која ќе донесе раст, развој, правда, ќе донесе борба против криминал и корупција и надеж дека во Македонија може да се работи“, изјави Сајкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сиљановска Давкова со честитка до Бајден по повод Денот на независноста: Ние сме горди на традиционалното пријателство со американскиот народ
Претседателката Гордана Сиљановска Давкова, по повод Денот на независноста на Соединетите Американски Држави, упати честитка до претседателот на САД, Џо Бајден.
„Овој 4 Јули, американските граѓани ја прославуваат 248-годишнината од усвојувањето на Декларацијата за независност и ги слават принципите на слобода и на еднаквост, коишто се вградени во овој документ, што претставува инспирација за многу народи во светот. Стремежот на татковците на американската нација да формираат влада, којашто го застапува и ја црпи својата моќ од народот, е подеднакво валиден до денешен ден и за многу други народи и концепти на управување, вклучувајќи го и македонскиот. Споделувајќи и негувајќи ги овие вредности, ние сме горди на традиционалното пријателство со американскиот народ и сме посветени на неговото натамошно зацврстување, како и на унапредување на соработката во сите сфери од заемен интерес.
Како стабилен партнер и докажан сојузник на Соединетите Американски Држави во НАТО Алијансата, остануваме фокусирани на заедничките определби за безбедност, слобода и демократски просперитет со учество во заедничките активности во борбата против заканите врз стабилноста и мирот во Европа и во светот“, пишува Сиљановска Давкова во писмото до Бајден.
„Ја користам оваа пригода да се заблагодарам за поддршката од страна на Соединетите Американски Држави во спроведувањето на нашите реформски процеси, нагласувајќи дека ќе продолжиме посветено да работиме на нивната реализација. Нашата крајна цел е унапредување на благосостојбата на македонските граѓани, полноправно членство во ЕУ, а со тоа и подигнување на нашиот статус и зголемување на нашата сила како сојузник во НАТО.
Повторувајќи ги моите срдечни честитки и надежта дека цврстите врски помеѓу нашите две земји и пријателски народи ќе продолжат да јакнат и во иднина, Ве молам, господине Претседателе, да ги примите изразите на моето највисоко почитување“, додава претседателката.
Македонија
120.000 Македонци имаат бугарско државјанство, со документирано бугарско потекло, тврди Радев
Претседателот на Бугарија Румен Радев на работна средба со грчкиот премиер Киријакос Мицотакис во Атина, разговарале за итно интензивирање на работата на стратешките билатерални планови, но и за проблемите со Република Северна Македонија по доаѓањето на новата власт.
„За жал, државното раководство на Северна Македонија очигледно не е подготвено за функцијата. Неопходно е да се знае меѓународното право. Откако ќе се потпише меѓународен договор, тој мора да биде имплементиран од сите наредни влади, а не да се ревидира“, рече Радев и додаде:
„Неопходно е и познавање на статистиката, бидејќи сега 120.000 Македонци имаат бугарско државјанство, со документирано бугарско потекло“.
Радев на брифинг со новинарите објасни дека важен стратешки проект за Грција и Албанија е терминалот за течен природен гас во Александруполи, кој треба да биде пуштен во употреба најдоцна до октомври.
– Терминалот сè уште има технички проблеми, кои се решаваат. Во проектот учествува Бугарија, која има стекнато 20 отсто од него – потсети Радев.
Македонија
Герапетритис со порака до Скопје и Тирана: Дејствата со иредентистички тенденции не помагаат на патот кон европското семејство
Грчкиот министер за надворешни работи, Јоргос Герапетритис, ги нападна Скопје и Тирана во средата, за време на состанокот со неговиот австриски колега, Александар Шаленберг, во Атина, пренесуваат грчките медиуми.
Герапетритис, според написите, ги предупредил владите на Северна Македонија и Албанија дека нивните неодамнешни активности ги загрозуваат перспективите на нивните земји за европска интеграција.
„Дејствата што укажуваат на иредентистички тенденции не помагаат на патот кон европското семејство“, рече тој.
Герапетритис ги истакна неодамнешните прекршувања на Договорот од Преспа од страна на Северна Македонија и изрази загриженост за интегритетот на неодамнешниот попис во Албанија, повикувајќи да се почитува европското право.
Во однос на односите со Австрија, шефот на грчката дипломатија ги истакна силните билатерални врски меѓу двете земји, притоа нагласувајќи ја важноста на соработката во рамките на ЕУ.