Една недела, СДС и Филипче молчат и се кријат, за потеклото на златната виза на чиракот на Заев, Венко Филипче. Откако на Венко му се испушти дека поседува златна виза, за која не го наведе потеклото, го снема од јавноста, а според нашите информации, тој пред 6 дена на граничниот премин Богородица, ја напуштил државата, истакна на прс-конференција Валентин Манасиевски, член на ЦК на ВМРО-ДПМНЕ.

Праша, дали Филипче, кога ја напуштил државата, се упатил кон Солунскиот аеродром и заминал во Дубаи со златната виза, да се најде со неговиот ментор Заев, за да ги проверат градежните активности на 50 катницата.

„Венко Филипче, со оглед на тоа дека не негира, се поставува теоријата дека нашите тези се вистинити.

Венко Филипче, должи одговор на јавноста, доколку навистина заедно со Заев имаат бизнис во Дубаи, од каде му се парите? Дали Венко парите ги има заработено на нелегален начин, бидејќи сума од 500 илјади долари не се заработува така лесно?

Филипче не ја покажа ниту нострифицираната диплома, бидејќи по се изгледа ја нема, ниту одговори за тоа со која болница преговарал за да добие златна виза?

Филипче и СДС, останаа неми на нашите прашања. Денес повторно прашуваме, каде е Венко Филипче?

Дали планира да се врати во Македонија или ќе остане во Дубаи“, праша Манасиевски.

Според него, СДС и Филипче, тонат во бездна.

Како што додава, неискреноста, манипулативноста и корупцијата, се темелите на кои се поистоветуваат и СДС и Филипче.

„Додека тука глумат загрижени, истовремено во Дубаи ги трошат украдените пари, на нас граѓаните.

СДС и Филипче се прочитана приказна, тие се синоним, за неспособност, криминал и корупција“, оценува Манасиевски.

Општина Центар објави Јавен повик за финансирање проекти за воннаставни активности наменети за ученици, наставници и родители во општинските основни училишта, на тема „Улогата на наставниците и стручните соработници во пренесување на вредностите и моралните норми кај младите“.

Градоначалникот Горан Герасимовски информира дека право на учество имаат здруженија на граѓани и други организации од областа на образованието, со седиште на територијата на Општина Центар – Скопје, кои ги исполнуваат утврдените критериуми како: досегашно искуство во реализација на воспитно-образовни проекти, проширување на активностите во сите општински основни училишта, вклучување на обучувачи со високо научно звање (доктори на науки) од релевантни области, родова и старосна рамноправност и детален финансиски план.

„Нашите училишта не се само места за настава, туку и средини каде што се градат вредности и се развиваат карактери. Со овој повик вложуваме во образованието како темел на одговорно и морално општество, каде наставниците и стручните кадри имаат клучна улога во воспитувањето на младите“, вели Герасимовски.

Проектните активности треба да се реализираат во периодот мај – јуни 2025 година, а избраниот проект ќе добие финансиска поддршка во износ од 250.000 денари, еднократно исплатени од Буџетот на Општината.

Рокот за поднесување на пријави е до 20.05.2025 година до 15:00 часот. Пријавите се доставуваат лично во архивата на Општина Центар или по пошта на адреса:
ул. „Михаил Цоков“ бр. 1, 1000 Скопје.

Целокупната документација треба да содржи: пријава со опис на проектот и план на активности, портфолио на здружението, биографии на обучувачите, ажурирана тековна состојба или решение за регистрација (не постаро од 6 месеци).

Проектите ќе ги разгледува стручна комисија формирана од Градоначалникот на Општина Центар, а сите пријавени ќе бидат писмено информирани за резултатите.

Повеќе информации за јавниот повик: https://www.centar.gov.mk/?p=25251

По два месеца лекување во Солун од трагедијата во дискотеката „Пулс“ во Кочани, се огласи познатиот музичар и член на групата ДНК, Горан Тонев.

„Му благодарам на Бога што ми даде втора шанса, му благодарам на целиот персонал од болницата ‘Папаниколау’ во Солун за неизмерната грижа и за негата што ми ги дадоа. Исто така, сакам да му се заблагодарам и на персоналот во Кочани и во Скопје. Голема благодарност за сите мои роднини и пријатели што се молеа за мене“, напиша Тонев на социјалните мрежи.

Додава дека чувствата му се измешани.

Колку што сум среќен, толку сум и тажен за загубата на сите деца, а особено за моите драги колеги и другари. Сочувство до сите фамилии“, пишува Тонев во објавата.