Македонија
СДСМ: ВМРО-ДПМНЕ поттикнува говор на омраза, злоупотребувајќи го трагичниот настан со Никола Саздовски

Тоа што ВМРО-ДПМНЕ бесрамно злоупотребува трагични настани и подгрева тензии меѓу граѓаните говори за немањето свест и совест во врвот на оваа партија, велат од СДСМ како реакција на пресот на Димче Арсовски од ВМРО-ДПМНЕ, кој обвини дека СДСМ и Оливер Спасовски се обиделе да го скријат, како што рече, убиството на Никола Саздовски.
„ВМРО-ДПМНЕ 11 години подгреваше поделби меѓу граѓаните и наместо да осуди, поттикнуваше говор на омраза, а сега преку ширење лажни вести и неосновани обвинувања се обидува да разгорува тензии меѓу граѓаните. Апелираме на смиреност кај сите граѓани. Институциите постапуваат соодветно и во рамки на нивната законска надлежност“, се наведува во соопштението на владејачката партија.
Оттаму истакнуваат оти јавноста знае дека Министерството за внатрешни работи за еден ден ги пронашло осомничените за стореното кривично дело.
„Случајот и преквалификацијата на кривичното дело сега се во рацете на надлежното обвинителство. Очекуваме дека низ законска и транспарентна постапка виновниците за овој чин ќе сносат соодветна одговорност во согласност со тежината и во согласност во законите на Република Македонија“, стои во партиското соопштение.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ѓорче Петров и Аеродром денеска без струја

Од ЕВН Македонија АД известуваат дека поради технички зафати во електродистрибутивната мрежа денеска без електрична енергија ќе останат:
· Во периодот од 09:00 – 10:00 часот дел од корисниците од село Кучково кон Манастир, општина Ѓорче Петров;
· Во периодот од 09:00 – 12:00 часот дел од корисниците на улицата Гаврил Констатиновиќ (околу бр.57), општина Аеродром;
· Во периодот од 09:00 – 10:00 часот корисниците од улицата Алексо Демниевски 17, 11 и други куќи во близина, општина Ѓорче Петров.
Македонија
Променливо облачно со сончеви периоди, попладне нестабилно со пороен дожд

Времето денеска ќе биде променливо облачно со сончеви периоди. Попладне наместа ќе биде нестабилно со пороен дожд и грмежи, локално во форма на невреме. Ќе дува слаб до умерен ветер од северен правец. Минималната температура ќе биде во интервал од 5 до 12, а максималната ќе достигне од 17 до 25 степени.
Во Скопје, променливо облачно со сончеви периоди. Попладне во делови од котлината ќе биде нестабилно со пороен дожд и грмежи. Ќе дува слаб до умерен северен ветер. Минималната температура ќе се спушти до 9, а максималната ќе достигне до 25 степени.
Времето во наредните денови
Во следните денови времето ќе биде променливо облачно и посвежо со повремен локален дожд.
Македонија
Предложен притвор за кичевецот кој утрово со секира си го уби таткото и тешко ја повреди мајка си

Основното јавно обвинителство Кичево поведе истражна постапка против кичевец осомничен за кривични дела убиство и обид за убиство.
„При вршење семејно насилство рано утрово, во дворот на семејната куќа во селото Србјани, осомничениот 47-годишник го лишил од живот својот татко, а се обидел да ја убие и својата мајка. При вербална расправија, со нож и секира најпрво го нападнал таткото, прободувајќи го по телото и удирајќи го со секирата по главата. Потоа и нанел убоди со нож во вратот и на неговата мајка. Од многубројните повреди оштетениот маж починал при укажување прва помош, а жената е пренесена на Ургентниот центар во Скопје во тешка состојба“, извести вечерва Обвинителството.
Јавниот обвинител до судијата на претходна постапка од Основниот суд во Кичево вечерва достави предлог за определување мерка притвор за осомничениот. Осомничениот беше уапсен откога самиот пријавил во Итната медицинска помош дека ги нападнал родителите.