Македонија
СДСМ во Зелениково и Сопиште: Успешно се справивме со кризата, имаме развојна економија
![](https://makfax.com.mk/wp-content/uploads/2023/04/thumbnail_рамо-до-рамо-Зелениково.jpg)
Како дел од караванот теренски активности „Рамо до рамо, до победа“ денеска потпретседателот Фатмир Битиќи заедно со Кети Василевска беше меѓу граѓаните на општината Зелениково.
Успешно се справивме со глобалната криза, го поддржавме стандардот на граѓаните, но и компаниите. Не дозволивме да има рестрикции на струја, ниту нешто да недостасува. Го одржавме енергетскиот систем стабилен и обезбедивме социјална правда и правичност, рече потпретседателот Битиќи на маалска средба во Зелениково.
-Оваа зима за првпат во последните 15 години, од вкупните потреби на електрична енергија во Северна Македонија, дури 87% се обезбедени од домашните производствени капацитети. Дотолку повеќе, стабилниот енергетски систем отвори можност да се разгледа опцијата за враќање на дневната евтина тарифа, рече потпретседателот Битиќи.
И во време на светска економска криза покажавме дека преку успешни политики покажавме дека можеме да градиме стабилна и развојна економија, атрактивна за странските компании, додаде Битиќи
-Имаме рекорден износ на странски инвестиции, се отвораат добро платени работни места и нашите работници веќе не се претставуваат како евтина работна сила, како што тоа беше во некои други времиња. Помина времето кога нашите работници работеа за осум или девет илјади денари плата, денес минималната плата е 20.175 денари, што придонесува за раст на сите плати во државата. 205 милиони евра влегуваат во нашата држава само од една инвестиција и тоа е показател дека нашата економија веќе е атрактивна и за реномирани светски компании. Владините економски политики создаваат доверба кај компаниите и ги стимулираат во влегување во нови инвестициски циклуси насочени кон технолошки развој, внесување на иновативни и дигитални компоненти во производствени процеси, порача Битиќи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Народната банка предупредува за измами преку лажни телефонски повици, апелира до граѓаните да внимаваат
![](https://makfax.com.mk/wp-content/uploads/2024/06/narodna-banka.jpg)
Измамници мамеле граѓани преку телефон, претставувајќи се во име на Народна банка.
Од Народната банка уверуваат дека нивни претставник или вработен, во ниту еден случај нема телефонски да побара од граѓаните број на сметка, ПИН или друг вид личен податок, ниту пак да бара да се уплатат средства на одредена банкарска сметка.
– Злоупотребувајќи го идентитетот на Народната банка преку телефонски повици, непознати лица, се обидуваат противправно да остварат финансиска корист и/или да приберат лични податоци коишто потоа можат да бидат злоупотребени. Ја известуваме јавноста дека Народната банка нема никаква поврзаност со лицата коишто ги оствариле телефонските повици и апелираме до граѓаните, да не откриваат лични податоци, ниту пак да преземаат активности согласно со барањата од непознатите лица. Доколку имате добиено или ако во натамошниот период добиете, неочекувани телефонски повици, е-маил или СМС пораки од сомнителни адреси или телефонски броеви, во коишто ви се нуди нешто што не делува реално и вистинито, или од вас се бара откривање лични податоци, не започнувајте комуникација каде ќе дадете ваши лични податоци или ќе одговорите на барање за трансакција/уплата на ваши средства на некоја банкарска сметка, пишува во соопштението од Народна банка.
Доколку граѓаните добијат телефонски повик или порака преку друго комуникациско средство – електронска пошта или преку социјалните мрежи, од лице за кое се сомневаат дека лажно се претставува како вработен во Народна бaнка, се апелира веднаш да го пријават случајот во Народната банка, преку официјалната е-адреса: [email protected].
Македонија
Муцунски во Брисел на средби со европарламентарците Мекалистер, Ќучук и Стрик
![](https://makfax.com.mk/wp-content/uploads/2024/06/Mucunski_26062024_1.jpeg)
Министерот за надворешни работи и надворешна трговија, Тимчо Муцунски во рамките на својата прва посета на Брисел, оствари повеќе одвоени средби со неколку европарламентарци, членови на различни политички групации на Европскиот Парламент, Дејвид Мекалистер (EPP), Илхан Ќучук (Renew) и Тинеке Стрик (Greens).
Муцунски ја нагласи одличната соработка и односи со Европскиот парламент, а посебно со акцент на придобивките од воспоставениот процес на парламентарна соработка – „Жан Моне“. Упати благодарност за нивната работа и поддршката која што ја даваат на земјата во поглед на пристапниот процес и изрази очекување дека интензитетот на истата ќе продолжи во наредниот период.
“Значајно е да се задржи и да се зајакне позитивниот наратив во ЕП за да се одржи моментумот на проширувањето на ЕУ и да се даде силна поддршка на земјава за пристапување во Унијата. Сега, заради променетите геостратешки околности, земјите-членки на ЕУ треба вложат повеќе во соодветно забрзување на пристапниот процес за земјите од Западен Балкан, врз основа на заслуги и постигнувања на секоја земја“, нагласи Муцунски.
Истакнувајќи ги спецификите на пристапното досие на земјава, посебно од аспект на долготрајноста и фазите на процесот изминатите 20 години, Муцунски нагласи дека е потребно да се задржи кредибилитетот на процесот, што ќе придонесе за постепена интеграција пред членството, за што добра алатка е Планот за раст и неговото спроведување од сите инволвирани страни.
“Преговорите за пристапување во ЕУ се најдобар начин како да се обезбеди неповратност на општествената реформа и демократски развој во земјата, и за нас треба да се изнајде пат што ќе овозможи продолжување на преговорите со ЕУ, без одлагање кое е наметнато врз основа на билатерално барање”, порача Муцунски.
Македонија
Трипуновски на увид во штетите од невремето во Тетово и Јегуновце: Ќе ги засилиме активностите за заштита од природни непогоди
![](https://makfax.com.mk/wp-content/uploads/2022/09/thumbnail_Tripunovski-24.09.2022.jpg)
Министерот за земјоделство, шумарство и водостопанство Цветан Трипуновски денеска е во работна посета на општините Тетово и Јегуновце каде што изврши увид на ситуацијата на терен после невремето коешто го зафати овој регион.
– Денеска сум на посета и на еден краток увид на ситуацијата на терен во општините Тетово и Јегуновце после невремето што го зафати овој регион во неделата вечерта. Преземени се сите законски активности во делот на формирање комисии, рокови за пријавување на штети коишто се случија во домовите и на земјоделските посеви и веќе комисиите ќе излезат на терен и да извршат проценка на штети. – изјави Трипуновски.
Според информациите во општина Јегуновце се очекуваат 100тина апликации за штети, додека за територијата на општина Тетово се уште не се знае точната бројка.
– Сакам да упатам еден апел, ние како Министерство, како Влада, во наредниот период ќе ги засилиме активностите и афирмацијата на мерките коишто ќе ги нудиме за заштита од природни непогоди што ќе се случуваат во иднина. Оваа штета која што сега е настаната значи помалку буџет на семејствата коишто егзистираат само од оваа гранка. Ова обештетување можеби ќе ги залечи раните меѓутоа ќе биде многу тежок момент, затоа ние ќе се обидеме и ќе дадеме се од себе во наредните години да заштитиме што е можно повеќе- заврши Трипуновски.