Македонија
СДСМ: Градоначалници на ВМРО-ДПМНЕ правеле измами со струјата на граѓаните
![](https://makfax.com.mk/wp-content/uploads/2017/12/struja.jpg)
Градоначалниците на ВМРО-ДПМНЕ се најголемо разочарување, не сработеа ништо во интерес на граѓаните и оштините. Во секоја општина предводена од градоначалниците на ВМРО-ДПМНЕ има назадување и неработа, се вели во соопштението од СДСМ.
Од партијата наведуваат дека деновиве граѓаните сведочат и дека некои од градоначалниците на ВМРО-ДПМНЕ направиле злоупотреба формирајќи јавни претпријатија преку кои електричната енергија за улично осветление од ЕВН ја добиваат по цена за домаќинствата.
Мицкоски, наместо да измислува оправдувања, да каже кои градоначалници од ВМРО-ДПМНЕ правеле измами со струјата на граѓаните.
Голема е нервозата во белата палата по откривањето дека неговите градоначалници правеле злоупотреби да обезбедат поевтино улично осветление кога неговите блиски луѓе направиле малверзации со земјиште, каде што се проневерени 1,6 милион евра.
ВМРО-ДПМНЕ не се менува, останува партија на криминал, малверзации и дејствување на штета на граѓаните и државата, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Променливо облачно, во текот на денот на повеќе места ќе биде нестабилно со пороен дожд и грмежи, локално во форма на невреме
![](https://makfax.com.mk/wp-content/uploads/2017/05/oblacno-2.jpg)
Времето денеска ќе биде променливо облачно, во раните утрински часови со услови за изолирана појава на краткотраен пороен дожд, грмежи и засилен ветер.
Во текот на денот на повеќе места ќе биде нестабилно со пороен дожд и грмежи, локално во форма на невреме со интезивен пороен дожд, силен ветер (над 70 км/час) и град. Минималната температура ќе биде во интервал од 14 до 23, а максималната ќе достигне од 27 до 35 степени. UV=7
Во Скопје, ќе биде променливо облачно со повремен пороен дожд и грмежи, во делови од котлината во форма на невреме со интезивен пороен дожд, силен ветер (над 70 км/час) и град. Услови за краткотраен пороен дожд, грмежи и засилен ветер ќе има и во раните утрински часови. Минималната температура ќе се спушти до 20, а максималната ќе достигне до 31 степен.
Во среда и во четврток времето ќе биде променливо облачно и посвежо со повремен пороен дожд и грмежи и ќе дува умерен до засилен северен ветер. Потоа се очекува стабилно и потопло време.
Македонија
Без вода, делови од Општина Ѓорче Петров
![](https://makfax.com.mk/wp-content/uploads/2024/05/voda-chesma.jpg)
ЈП Водовод и канализација известува дека денеска поради уличен дефект од Ф-400мм на ул.1670 во Ново Село, прекинато водоснабдување од 09,00 часот ќе имаат корисниците од ул.Лука Геров, Ново Село, Стопански двор, Кисела Јабука, Волково, Орман, Никиштани Општина Ѓорче Петров.
Македонија
(Видео) Со два хеликоптера на МВР изгаснат пожарот во Крушевско
![](https://makfax.com.mk/wp-content/uploads/2024/07/Screenshot-2024-07-01-215151.jpg)
Денеска, два хеликоптера од Одделот за воздухопловни единици го изгаснаа шумскиот пожар кој попладнево изби во атарот на крушевското село Пуста Река.
„По добиено барање од ЦУК, на пожарот двата хеликоптера исфрлија над 40 тона вода и во координација со пожарникарите, пожарот е целосно изгаснат“, соопшти МВР..