Аферата „Криминални парцели“, во која се проневерени речиси 1,6 милиона евра, ја тресе ВМРО-ДПМНЕ. Последните информации објавени во медиумите покажуваат дека некои  од осомничените во аферата „Криминални парцели“ се донатори на ВМРО-ДПМНЕ, како и на кампањата на градоначалничката Данела Арсовска, се вели во соопштението од СДСМ.

Од партијата наведуваат дека Христијан Мицкоски како прв човек на оваа партија треба да одговори каде завршиле 1,6 милион евра од аферата „Криминални парцели“ и дали е тоа ВМРО-ДПМНЕ?

Овие сомнежи се базираат на информациите што излегоа во јавноста дека станува збор за криминална шема.

Меѓутоа, неоспорен факт е дека речиси сите осомничени и обвинети во оваа афера имаат поврзаност со ВРО-ДПМНЕ и Христијан Мицкоски.

Осомничениот Влатко Илиевски бил телохранител на Христијан Мицкоски и се појавува како донатор на ВМРО-ДПМНЕ.

Орце Тодоровски е негов партнер во бизнисот со хидроцентралите. Една од неговите донации изнесува 1 милион денари или околу 16.000 евра.

Дарко Тодоровски бил поранешен советник во ВМРО-ДПМНЕ и се јавува како донатор на партијата.

Еден од донаторите, кој е и осомничен во оваа афера, е Мирослав Митроски, син на ексградоначалник од ВМРО-ДПМНЕ.

Осомничениот Игор Гиевски е поранешен претседател на УМС на ВМРО-ДПМНЕ.

Од СДСМ велат дека во аферата „Криминални парцели“  направена е проневера на приближно 1,6 милион евра.

Клучно прашање е каде завршиле овие 1,6 милион евра? Дали со нив е финансирана кампањата на ВМРО-ДПМНЕ за локалните избори или со нив бил спроведен поткуп?

Очекуваме истрагата да ги даде одговорите на овие прашања, се вели во соопштението.