Македонија
СДСМ: Заложништвото на Мицкоски кон Апасиев создаде феномен на политичката сцена
Заложништвото на Христијан Мицкоски кон Димиар Апасиев создава феномен на политичката сцена. Секогаш кога Мицкоски нешто ќе најави се случува сосема спротивното, соопшти СДСМ.
„ Мицкоски велеше дека енергетскиот систем на државата ќе колабира, дека ќе следуваат рестрикции на електрична енергија, а во реалноста домашното производство на електрична енергија бележи рекорди и не само што нема рестрикции, туку среде зима има извоз на електрична енергија.
Лажеше Мицкоски и дека цената на електричната енергија драстично ќе поскапи, а се случи сосема спротивното, цената за 72.000 компании е намалена за околу 20 отсто, а домаќинствата немаат зголемени сметки за струја.
На празниците Божиќ и Водици, Мицкоски ја уверуваше јавноста дека кон крајот на февруари Собранието ќе се распушти и ќе следуваат предвремени парламентарни избори во месец мај“ велат од владејачката партија.
Денес, како што додаваат, на два дена пред крајот на февруари, не само што нема распуштање на Собранието, туку има зголемено парламенарно мнозинство.
„ Сето ова покажува дека Мицкоски под заложништво на Апасиев е очаен а целото негово дејствување го темели на погрешни ветувања и проценки.
Затоа со години е во опозиција и уште долго таму и ќе остане“ порачаа од СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево време, попладне наместа со дожд и грмежи
Времето денес ќе биде сончево и топло со мала до умерена облачност.
Ќе дува слаб до умерен ветер од јужен правец. Во попладневните и вечерните часови ќе има локална појава на пороен дожд и грмежи. Наместа процесите ќе бидат во форма на невреме со интензивен пороен дожд, силен ветер и изолирана појава на град.
Минималната температура ќе биде во интервал од 11 до 18, а максималната ќе достигне од 28 до 35 степени. UV=8
Во Скопје сончево и топло со мала до умерена облачност и слаб до умерен ветер од јужен правец. Попладне и во вечерните часови во делови од колината ќе има услови за пороен дожд и грмежи. Минималната температура ќе се спушти до 16, а максималната ќе достигне до 31 степен.
Во следните денови ќе се задржи сончево и топло време со мала до умерена облачност. И во понеделник во попладневните и вечерните часови ќе има локална појава на пороен дожд и грмежи, а поради големата енергија во атмосферата наместа процесите ќе бидат и во форма на невреме со интензивен пороен дожд, силен ветер и изолирана појава на град.
Македонија
Според Села мал е бројот на ресори што ќе ги добие „Влен“, му одговорија дека е губитник, а иднината на албанскиот народ е сигурна
Алијансата на Албанците преводена од Зијадин Села, влезе во вербална расправија за бројот на ресори со кои ќе раководат Албанците во новата Влада предводена од ВМРО-ДПМНЕ и Влен (Вреди).
На неговите политички опоненти, од кои дел до скоро му беа сопартијци им порача дека во минатото Албанците воделе најмалку 5,6 а на крајот и 8 од 16 министерства, а сега за првпат се случува да имаат четири ресори.
„Уште полошо е што ќе направат законски измени за да бидат 4 од 19, што ќе биде политичко-институционално егзекутирање на Албанците во РСМ. Нема ресор Министерство за интеграции – не постои. Нема ресор Министерство за политики за добро владеење – не постои. Ке има двајца министри без ресор, кои ќе имаат околу 5 вработени, еден возач и еден фотограф“, велат од Алијансата.
По коментарот, следеше реакција на „Влен“. Од коалицијата на Села му порачаа дека се обидува да изгради алиби пред своите зошто ја згрешил страната, и наместо да биде победник останал со губитниците. Од тука велат декќе водат шест министерски ресори, покрај функцијата претседател на Собранието.
Според „Влен“, токму броењето ресори со кои раководат Албанци е концепт кој не донел ништо добро за нивната кауза. Напротив, велат од „Влен“, благодарение на политичката корупција на режимот на ДУИ, чии функционери ги гледаа ресорите како алатки за богатење наместо да бидат сервис на граѓаните, ВМРО-ДПМНЕ на овие избори освои 58 пратеници и преговара од позиција на апсолутен победник во македонскиот политички блок.
„Влен добива исклучително важна политичка одлука во новата Влада и ќе обезбеди сигурна иднина за Албанскиот народ. Ќе го води собранието на РСМ и шест министерски ресори, а има и целосен легитимитет од Албанците. Времето на национални понижувања заради задоволување лични амбиции и суети завршува. Кој разбере сега добро, кој нема да разбере ќе му се појасни на локалните избори, кога ќе излезе на мегдан пред гласачите без злоупотреби на институциите на извршната власт“, велат од коалицијата на опозицијата на албанските политички партии.
Македонија
Бугарските медиуми: Фондација од Бугарија купи две-третини од куќата на писателот Димитар Талев во Прилеп
Две третини од родната куќа на писателот Димитар Талев во Прилеп купила приватна бугарска фондација „Манол Пејков и пријателите“. Ова е направено за речиси 84.000 евра собрани од донаторите. Преостанатата една третина е во сопственост на лице кое нема желба да ја продаде. Ова го соопштија бугарските медиуми БГНЕС и Нова ТВ.
Претходно, на 26 мај беше објавено дека се урнал дел од покривот на куќата на Талев.
Бугарската фондација информира дека сега треба да се изврши итна поправка на покривот, подготовка на план и тим за реконструкција и реставрација со експерти и градежници од Бугарија и Македонија, назначување на лице со трајна посветеност на одржување и стопанисување со куќата, пречекување луѓе и организирање настани во родното место на Димитар Талев во Прилеп, пишува БНР.бг.
Како што се пишуваше, одлука за стекнување на имотот од страна на бугарската држава била почната уште во јуни 2023 година, но само сопственичката на двете-третини од имотот се изјаснила дека сака да го продаде нејзиниот дел, а во 2023 година цената што таа ја побарала е 100.000 евра. Останатата една-третина е на друг сопственик, кој одбива да го продаде својот дел.
Во Бугарија, Талев се смета за еден од класичните бугарски автори од XX век.