Македонија
СДСМ: Изградба и реконструкција на водоводни и канализациски мрежи

Владата и Министерството за транспорт и врски влегуваат во реализација на значајни инвестиции во комуналната инфраструктура низ целата држава, со цел здрава животна средина и здрава и чиста вода за пиење.
„Во почетна или завршна фаза се вкупно 31 проект за изградба или реконструкција на водоводи, канализации и пречистителни станици, проекти во вредност од скоро 17 милиони евра. Ниту една општина нема да биде запоставена. Владата работи на рамномерен развој и изградбата на планираните канализациони и водоводни системи ќе овозможи подобрување на животот и здравјето на граѓаните. Битола, Гевгелија, Велес, Гостивар, Струга, Куманово, се дел од 31 општина, односно населено место кадешто оваа година ќе бидат завршени изградби и реконструкции на водоводи, канализации и пречистителни станици, преку кои ќе се подобри квалитетот на живот на граѓаните“ велат од СДСМ.
Целта активностите, како што велат од партијата, е процентот на покриеност со канализација од сегашните 18% да достигне 40%.
„По инвестицискиот циклус од 270 милиони евра за изградба и реконструкција на 60 патни правци низ државата, инвестициите во комуналната инфраструктура се уште еден сериозен проект на Владата предводена од СДСМ преку кои се унапредува квалитетот на живот, се поттикнува развојот на општините, а истовремено се заштитува животната средина“ се наведува во соопштението на СДСМ.
Од таму порачуваат дека обезбедувањето на чист воздух, здрава животна средина и чиста вода за пиење за сите граѓани останува врвен приоритет за Владата предводена од СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Пронајдени двете девојки од Португалија кои се изгубија во реонот на Водно – Матка

Денес околу 17.00 часот од страна на Центарот за управување со кризи бевме известени за две изгубени туристки во реонот од врвот на Водно кон Матка, извести директорот на ДЗС, Стојанче Ангелов.
Како што информираше Ангелов, Дирекцијата за заштита и спасување итно извршила мобилизација на тимот за спасување на планина од Тетово и истиот веднаш бил упатен во пребарување на теренот.
Во 18.40 двете девојки од Португалија беа пронајдени и однесени до ресторанот Матка каде ги пречека Конзулот на Република Португалија, додава Ангелов.
Македонија
Дел од Ѓорче Петров утре без струја

Од ЕВН Македонија АД известуваат дека утре без електрична енергија ќе останат:
– во периодот од 09.00 до 15.00 часот, корисниците од улиците Веле Марков, Ибе Паликуќа, Воин Драшковиќ, Рафаел Батино. (општина Ѓорче Петров)
Македонија
Меџити прими жители од Страчинце: Анализите на експертите јасно покажаа дека отворањето на каменоломот ќе има сериозни последици врз животната средина

Првиот заменик-претседател на Владата и министер за животна средина и просторно планирање, Изет Меџити, денес ги прими во својот кабинет жителите од селото Страчинце, со кои одржа отворен состанок за одлуката за одбивање на барањето за отворање на каменолом во оваа скопско село.
Министерот Меџити ги информираше жителите за професионалните и институционалните причини што доведоа до оваа одлука. Анализите на експертите јасно покажаа дека отворањето на каменоломот ќе има сериозни последици врз животната средина, ризик од поплави и негативно влијание врз јавното здравје, велат од Министерството.
На состанокот беше истакнато дека приоритет е заштитата на животот и благосостојбата на граѓаните над секој економски интерес.
Меџити истакна дека следниот чекор е конечно поништување на концесијата во Влада, со што ова прашање ќе добие трајно решение.
Жителите на Страчинце се заблагодарија за одлуката и за приемот што го оствари министерот Меџити, нагласувајќи дека овој состанок е пример за владеење со отворен дијалог и чесна соработка со граѓаните.