Македонија
СДСМ: Ковачевски во САД, силна поддршка за земјата и за членството во ЕУ

Според владејачката партија, САД остануваат најважниот и најголем сојузник на нашата држава.
Потврда за тоа, како што велат, е и последната посета на претседателот на СДСМ Димитар Ковачевски на САД и бројните средби со претставници од државниот врв.
„На средбите со Државниот секретар на САД, Ентони Блинкен, со специјалниот претставник на САД за Западен Балкан и заменик помошник државен секретар на САД, Габриел Ескобар, со, советникот на државниот секретар на САД, Дерек Шоле, со специјалниот пратеник и координатор на Центарот за глобален ангажман на Стејт департментот на САД, Џејмс Рубин, како и со повеќе сенатори и конгресмени недвојбена беше поддршката што Македонија ја добива од САД.
Заеднички беше заклучено дека САД сериозно го ценат придонесот на Северна Македонија и ја сметаат како силен НАТО сојузник, упатувајќи порака дека САД ќе продолжат да ја поддржуваат Северна Македонија во нејзините следни чекори на обезбедување членство во ЕУ“, соопштуваат од СДСМ.
Американскиот државен врв, појаснуваат во нивниот допис, го поздрави и лидерството на Северна Македонија во зачувувањето на мирот и стабилноста во регионот, како и успешното претседавањето со ОБСЕ, во време кога на европскиот континент беснее војна.
Сето тоа, како што оценуваат, е потврда за успешните државнички политики на СДСМ и претседателот Ковачевски и мотив плус, соработката со стратешкиот партнер САД, дополнително да се интензивира.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Средба Исени – Филипиду: Со заеднички сили во управување со миграциите и борбата со илегалната миграција

Заменик Министерот за внатрешни работи Астрит Исени денеска оствари работна средба со делегација од Амбасадата на Република Грција во Скопје, Н.Е. Софија Филипиду. Во придружба на почитуваната Амбасадорка беа и Димитрис Каиридис, поранешен министер за миграција и азил, и полициското аташе на Република Грција во земјава, Димитриос Лиаскос.
На средбата Заменик Министерот Исени ја подвлече важноста, но и посветеноста на Министерството за внатрешни работи на Република Северна Македонија за продлабочување на меѓусебната соработка и на стратешко и на оперативно ниво, истакнувајќи притоа дека единствено со заеднички сили и волја можеме да постигнеме успех и да бидеме ефикасни во борбата против илегалната миграција и воопшто во управувањето со миграциите.
Двете страни воедно ја потврдија и неопходноста за соработување и содејство не само на билатерална основа, туку и во рамки на регионални и меѓународни иницијативи, каде што токму можноста за разменување на искуства, приоритети и предизвици може да даде голем придонес во управувањето со миграциите и во борбата со сите форми на криминал, истовремено овозможувајќи воспоставување и зајакнување на нови и постоечки партнерства.
Средбата заврши со уверување од двете страни за натамошна интензивна соработка во сите области на дејствување на Министерството за внатрешни работи.
Македонија
Словенија ја поддржува реформата на јавната администрација во Македонија

Министерот за јавна администрација на Република Словенија, Франк Пропс, во рамки на својата официјална посета на Скопје, одржа интензивни работни состаноци со претставници на Министерството за јавна администрација, со цел продлабочување на соработката и размена на успешни практики во јавниот сектор.
Во фокусот на разговорите беа реформата на јавната администрација, професионализацијата на административните службеници и европската интеграција.
Состаноците со Секторот за реформа на јавната администрација и Секторот за Академијата за стручно усовршување на административни службеници резултираа со конкретни заклучоци и чекори за соработка во следните области:
-Подобрување на системот за управување со човечките ресурси – усвојување на мерит-системот и најдобрите европски практики за селекција, напредување и обука на административните службеници.
-Јакнење на капацитетите на Академијата за обука – воведување на нови, практично ориентирани програми за стручно усовршување и професионален развој.
-Следење и евалуација на реформите – воведување механизми за мерење на ефектите од реформските политики и нивно прилагодување согласно европските стандарди.
Министерот Минчев нагласи дека реформата на јавната администрација не е само техничко, туку и суштинско политичко прашање кое ја одредува иднината на европската интеграција на државата.
„Професионална и ефикасна администрација е клучна за изградба на функционална држава. Нашата цел е создавање модерен јавен сервис кој ќе одговара на потребите на граѓаните, а не на партиските интереси. Во тој процес, поддршката од Словенија и од ЕУ е од суштинско значење“ – истакна тој.
Министерот Пропс ја потврди поддршката на Словенија за реформите, нагласувајќи дека Република Македонија треба да остане на европскиот пат и дека модернизацијата на администрацијата е клучна во тој процес.
„Реформите во јавната администрација се меѓу најсложените, но и најважните чекори во секоја држава што се стреми кон членство во ЕУ. Република Македонија има политичка волја и капацитет да успее во овој процес, а Словенија е подготвена да ја поддржи со своето искуство“ – рече министерот Пропс.
Официјалната посета на словенечката делегација испраќа јасна порака дека реформите се стратешки приоритет на Владата и дека нашата држава е подготвена да ја зајакне својата администрација во согласност со европските вредности.
Македонија
(Фотогалерија) Расцветаа јапонските цреши во Градскиот парк во Скопје

Пролетта ја донесе својата најубава страна во Градскиот парк во Скопје, а најголемо внимание кај посетителите привлекуваат расцутените јапонски цреши.
Овие елегантни дрвја, кои се препознатлив симбол на јапонската култура и традиција, и оваа година расцветаа во полн сјај, предизвикувајќи восхит кај граѓаните.
Јапонската цреша, чие оригинално име е Сакура, цути кон крајот на март или почетокот на април.
Расцветувањето на јапонските цреши се смета за симбол на почеток на еден нов живот.
Доколку сè уште не сте го посетиле Градскиот парк, сега е вистинското време.