Неспособното раководство на ЕСМ, за само три месеци во 2025 година, направило загуба од 45 милиони евра, или дополнителни 11 милони евра, во споредба со истиот период во 2024 година, велат од СДСМ.

„Е ова се резултатите од работењето на „Дрим тимот“ во енергетиката на Мицковски и Божиновска.

Ова е реалноста, а не нивните манипулации, и лажни вести пред своите членови на партиските трибини, за да си ги оправдаат неспособните кадри кои ги поставија.

Ова е директна последица од лошото планирање и менаџирање на најголемата енергетска компанија, која замислете првпат во историјата во првиот квартал потфрли во својот план за производство за цели 35%, во бројки видовме дека загубата е цели 45 милиони евра.

Поразително за ВМРО-ДПМНЕ и нивните „успеси“ во ЕСМ, е дека повеќе од 3 месеци немаат назначено директор за правни работи во компанијата. дополнително претседателот на надзорниот одбор си поднесе оставка, комплетно потфрлање во оваа најголема енергетска компанија.

Доказ се овие 45 милиони евра загуба, и дополнителните 110 милиони евра кредити кои токму ова раководство ги зема за нецела година.

Единствен успех им се лажните видеа и интервјуа на министерката Божиновска и ЕСМ, каде самите се фалат дека многу биле добри, а резултатите ги враќаат во суровата реалност која самите ја создадоа.

Замислете на своите статуси на социјалните мрежи пишуваат изјави од типот, “Македонија со јасна енергетска визија” а најголем успех на Сања Божиновска се нејзините видеа кои ги објавува на социјалните мрежи, и наместо да ги засука ракавите и да работи во интерес на граѓани во енергетиката, таа си мисли продуцент ќе станува, можеби ќе добие награда на некој филмски фестивал.

Очигледно од досега сработеното е следното, Визијата е да се пропадне ЕСМ најмногу што може. Доказ е поставувањето на директор без ниту ден искуство во енергетскиот сектор, а се што може во државата да им се даде да се гради на приватни странски инвеститори и уште самите да се фалат со ова. Ваква пародија досега не е видена во нашата држава.

Им порачуваме на актерите кои глумат директори во ЕСМ, дека народот не го интересираат вашите смешни соопштенија, изговори и фалби колку сте биле добри, туку резултатите кои никогаш нема да ги остварите бидејќи сте неспособни“, пишува во соопштението на СДСМ.

Реагираа од ВМРО-ДПМНЕ.

„СДС бидејќи лесно и брзо забораваат да ги потсетиме што направија за уништување на енергетскиот сектор.

Колку за поткрепа на претходното, на само два месеци пред избори, владата на СДС и ДУИ преку сомнителен тендер на ископ на јаглен се обидуваше да украде 46 милиони евра на омилената фирма Марковски компани.

Еве една лекција.

Прво, во 2017 година, ЕСМ од тогашниот генерален директор беше оставен со 20 милиони евра профит, а Владата предводена од ВМРО-ДПМНЕ по седум години го најде со минус 80 милиони евра работење.

Второ, сега Владата предводена од ВМРО-ДПМНЕ интензивно работи на стабилен енергетски сектор. Колку за илустрација. Кон крајот на минатата година се потпиша договор меѓу Европската банка за обнова и развој и ЕСМ за грант од ЕУ за изградба на две нови фотонапонски електрани – „Битола 1“ со инсталирана моќност од 20 мегавати и „Осломеј 2“ со моќност од 10 мегавати.

СДС ќе ги потсетиме што се случуваше во нивно време, освен минус кој го оставија во ЕСМ.

Прво, СДС остави низа на скандалозни и криминални договори.

Второ, но исклучително важно, Васко Ковачевски, поранешниот директор на ЕСМ од СДС е во бегство поради криминал, има истрага за набавки на мазут и адитиви, а државата плаќа 300.000 евра месечно за фактури, обврска што ќе трае 15 години.

Трето, СДС во наследство остави трансформатори набавени по нереално високи цени, кои иако треба да имаат век на траење до 50 години се расипуваат на многу краток период до две години.

Криминалните работи на СДС не само што не направија ништо за стабилен енергетски систем, туку го урнисаа истиот. Оттука СДС нека стави акцент сега на своите актуелни проблеми и нека ги остави“, стои во реакцијата на ВМРО-ДПМНЕ.