Македонија
СДСМ: Конфузното антинародно раководство на ВМРО-ДПМНЕ останува заглавено во шемите на Хидро-Мицкоски и Груевски

Речникот на антизападното раководство на ВМРО-ДПМНЕ предводено од антинародниот Христијан Мицкоски покажува дека врвот на опозицската партија е во длабока конфузија, без политички компас и без правец на политичко делување, реагираат од СДСМ.
„Портпаролот на антизападното и антинародното раководство на ВМРО-ДПМНЕ денеска ја промаши адресата, седиштето на оние кои го погазија правото и правната држава е во нивниот скапоцен дворец, симбол на криминалот, изграден во време на најголема сиромаштија и урнисана економија, во кој сега е сместено антизападното раководство предводено од Мицкоски, пионот на носителот на криминалот, Никола Груевски.
Прашањата за концесии, тендери и киловати, портпаролот на ВМРО-ДПМНЕ треба да ги упати до неговиот шеф Христијан Хидро Мицкоски и да го праша како преку судир на интереси, од Владата на неговиот ментор Никола Груевски добивал државно земјиште за да гради хидроцентрали.
Антизападното раководство на ВМРО-ДПМНЕ не може да се помири со волјата на мнозинството граѓани кои се определија за иднина во ЕУ и НАТО. Огромно мнозинство на пратеници ја следат волјата на граѓаните и во Собранието започнаа процес што води кон интеграција во ЕУ и НАТО.
Останатите пратеници на ВМРО-ДПМНЕ треба да престанат да ги следат погубните политики на Груевски и пионот Хидро Мицкоски, да дадат поддршка за да се заокружи процесот во Собранието што води кон членство во НАТО и започнување преговори за членство во ЕУ“ порачаа од партијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Прекинато водоснабдување во дел од Карпош

Од ЈП Водовод и Канализација известуваaт дека денеска на ул. Будимпештанска 26А поради дефект во шахта (промена на вентил од ф 3/4), со прекинато водоснабдување ќе бидат ул. Осло, Хашка, Будимпештанска и дел од Женевска.
Водоснабдувањето ќе биде прекинато од 09:30 часот до завршување на работните активности.(општина Карпош)
Македонија
Денес втора седница на Советот за безбедност

Претседателката Гордана Сиљановска-Давкова ја свика втората седница на Советот за безбедност што ќе се одржи денес, 1 август, со почеток во 12 часот.
Членови на Советот за безбедност по функција се: Африм Гаши, претседател на Собранието; Христијан Мицкоски, претседател на Владата; Панче Тошковски, министер за внатрешни работи; Владо Мисајловски, министер за одбрана; Тимчо Муцунски, министер за надворешни работи и надворешна трговија и тројцата членови, именувани од претседателката: Џевдет Хајредини, Малинка Ристевска-Јорданова и Владо Спиридонов.
На втората седница на Советот за безбедност, на покана на претседателката Сиљановска-Давкова ќе присуствуваат и директорот на Агенцијата за национална безбедност, Бојан Христовски; директорката на Агенцијата за разузнавање, Габриела Јаковлева и директорот на Дирекцијата за заштита и спасување, Стојанче Ангелов.
Македонија
Сончево време со температура до 34 степени

Времето денес ќе биде потопло со мала до умерена локална облачност. Ќе дува слаб до умерен ветер од северен правец. Попладне ќе има услови за изолирана појава на нестабилност со краткотраен пороен дожд и грмежи. Минималната температура ќе биде во интервал од 12 до 19, а максималната ќе достигне од 26 до 34 степени.
Во Скопје, сончево со мала до умерена облачност. Ќе дува слаб до умерен ветер од северен правец. Минималната температура ќе се спушти до 18, а максималната ќе достигне до 33 степени, јавува УХМР.
Во деновите од викендот ќе преовладува сончево и потопло време со мала до умерена облачност. Ќе има услови за локална појава на пороен дожд и грмежи. Во понеделник на повеќе места ќе биде нестабилно со пороен дожд и грмежи, а од вторник се очекува стабилизирање на времето.