Македонија
СДСМ: Лефков како папагал повторува лаги, стравот од Филипче во ВМРО-ДПМНЕ е голем
Очаен е Лефков кој секојдневно добил задача да лаже и измислува за претседателот Венко Филипче. Човекот како папагал во глува соба секојдневно држи прес конференции и ги повотрува истите лаги кои со години ги пласира ДПМНЕ за претседателот Филипче, велат од СДСМ.
„Ништо ново не кажува, ниту нешто од наведените напади кои се повторуваат се вистина. Овие бескрајно повторувани приказни имаат една единствена цел, лагата да ја направат вистина. Имаме само една порака до Лефков и ВМРО-ДПМНЕ, не глумете опозиција. Повелете докажете, приложете докази, поведете постапки. Во спротивно затворете ја устата и почнете нешто да работите, почетокот на мандатот ви е епски дебакл. Многу брзо граѓаните ќе видат со кој си имаат работа. Веќе тоа за неполн месец го гледаат а разочарувањето кај оние кои гласаа за ВМРО-ДПМНЕ е огромно“, дополнуваат од СДСМ и додаваат:
„Затоа стравот е голем, затоа се обидувате да го оцрните Филипче. Оној кој не може да докаже обивнување за криминал е самиот криминалец и лажго. Оној кој е на власт а не може да поведе постапка е неспособен. ВМРО-ДПМНЕ е неспособно, лаже и живее во страв заради катастрофалниот почеток на својот мандат. Граѓаните да не подлегнуваат на лагите“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Герасимовски: Воведуваме „Центарска картичка“ со попусти за културни, спортски настани, локали и продавници
Кандидатот за градоначалник на Општина Центар, Горан Герасимовски, денеска најави дека се воведува „Центарска картичка“ со попусти за културни и спортски настани, локали и продавници.
„Секој центарец добива еднаш годишно бесплатна карта за театарска претстава, а за секоја следна купена карта добива 20% попуст. Со картичката, овоможуваме и 20% попуст за натпреварите на нашиот најтрофеен клуб „Работнички“, како и попусти за влез на базен. На нашите центарци, на децата и возрасните им овозможуваме подобри услови и поволности“, рече Герасимовски.
Македонија
Почина Агим Јонуз
Политичкиот анлитичар, Агим Јонуз, почина во Скопје на 63 години по боледување.
Јонуз беше активен во политичкиот живот во Македонија не само како аналитичар и колумнист, туку и како поранешен советник и портпарол на поранешниот претседател на Собранието, Лупчо Јордановски и на поранешниот премиер Бучковски.
Во 2021 година Јонуз беше носител на листа на советници за Град Скопје предложен од „Твоја Партија“.
Јавноста го познаваше како чест гостин во политичките дебатни емисии на телевизиите.
Погребот на Агим Јонуз ќе се одржи утре, 26 октомври 2025 година, на гробиштата во Бутел.
Македонија
ВМРО-ДПМНЕ веќе има 35 градоначалници, рече Мицкоски по повлекувањето на опонентите од Могила и Македонски Брод, очекува 59
Премиерот и претседател на ВМРО-ДПМНЕ, Христијан Мицкоски од денешниот митинг во Неготино изрази увереност дека кандидатката од ВМРО-ДПМНЕ која има предност пред нејзиниот опонент од СДСМ, ќе биде следниот градоначалник на општината.
Мицкоски нагласи дека граѓаните јасно ја изразиле својата волја и доверба кон ВМРО-ДПМНЕ и Коалицијата, која во првиот круг освоила 33 градоначалници, наспроти тројца од СДСМ, а во вториот круг влегла во 26 општини.
„Веќе во две општини противниците на нашите кандидати се откажаа – Македонски Брод и Могила – така што во овој момент коалицијата има 35 градоначалници и уште во 24 општини е во втор круг. Тоа се 59 потенцијални градоначалници“, рече Мицкоски, додавајќи дека тоа ќе биде историски најголем триумф на македонската политичка сцена.
Тој посочи дека ВМРО-ДПМНЕ е апсолутен победник на овие избори, имајќи мнозинство и во 58 општински совети, а го истакна и водството на кандидатот за градоначалник на Град Скопје, со предност од над три спрема еден во однос на противкандидатот.
Мицкоски ги повика граѓаните масовно да излезат на гласање на 2 ноември и да го заокружат бројот 9, за, како што рече, да се потврди „најголемата победа во историјата на Македонија“.

