Македонија
СДСМ: Најголемите лаги на Мицкоски се искажани во 2022 година, затоа никој не му верува
Во 2022 година Христијан Мицкоски шири лаги во јавноста, изнесува манипулации и конструкции затоа никој не му верува. Меѓу најголемите лаги на Мицкоски е дека ВМРО-ДПМНЕ не била во коалиција со Данела Арсовска. Факт е дека таа беше нивен кандидат за градоначалник, дека токму Мицкоски и раководството на ВМРО-ДПМНЕ бараа поддршка од граѓаните за Арсовска, факт е дека таа победата ја славеше во белиот дворец. Коалицијата Мицкоски – Арсовска – Левицата и натаму функционира. Кавгите меѓу Арсовска и Мицкоски биле само заради тендери, се вели во соопштението од СДСМ.
Од партијата додаваат дека во својство на шпицен градоначалник Мицкоски најавуваше набавка на 100 електрични автобуси за јавен превоз во Скопје и отворање фабрика за производство на електрични автобуси, која ќе вработи минимум 500 луѓе. Не само што нема 100 нови електрични автобуси, туку и тие што ги има веќе не возат, ја нема ниту фабриката за автобуси.
Мицкоски го лажеше народот дека со прифаќањето на европскиот предлог ќе следува асимилација и бугаризација. Лажеше дека македонскиот јазик ќе бил прогласен за бугарски дијалект, дека нема да почнеме преговори со ЕУ. Преговорите почнаа и тоа со заштитен идентитет и јазик.
Најголемите лаги на Мицкоски се искажани во 2022 година, сè што кажа – излажа, затоа никој не му верува, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДС се исплашени од Божиновска, затоа што почна да открива каков се криминал правеле во РЕК Битола, ЕСМ и МЕПСО, велат од ВМРО-ДПМНЕ
Според ВМРО-ДПМНЕ, СДС се исплашени од Божиновска, затоа што почна да открива каков се криминал правеле во РЕК Битола, ЕСМ и МЕПСО.
„СДС знаат колку ја ограбиле државата и народот и затоа ја напаѓаат Божиновска, мислејќи дека така никогаш нема да се дознае.
СДС лажеше дека владата ги субвенционира сметките за струја, за на крај да излезе дека 60 милиони евра од Владата кон ЕВН не се платени.
СДС свесно манипулира. Во нивно време од МЕПСО парите наместо за енергетската мрежа се трошеа за донации и спонзорства на фитнес клубови“, се истакнува во соопштениетот на ВМРО-ДПМНЕ.
СДС, како што додаваат од партијата на власт, жали по времето кога камиони со струмички таблици „вртеа во РЕК Битола по 27 часа на де“н.
СДС знае, велат од ВМРО-ДПМНЕ, дека следува одговорност и затоа се во страв и сеат лаги за Божиновска, неспособноста заврши со нив.
Македонија
Вазалитетот на албанските партии во Владата ги поттикна судиите да го укинат Балансерот, според Алијанса за Албанците
Одлуката на Уставниот суд за укинување на Балансерот е само потврда за антиалбанската политика на нелегитимната Влада, велат од Алијанса за Албанците.
Според нив, со таквата одлука се докажува и покорноста и сервилноста на албанските партии во Владата кон ВМРО, ЗНАМ и Стоилковиќ кои уште од првите денови на Владата, како што велат, почнаа со реализација на проектот за деалбанизација на државата.
„Покорувањето на вазалите во оваа Влада ги надмина дури и очекувањата на нивните господари. Времената мерка воведена пред неколку недели беше само мерење на пулсот, дали ќе има реакција и последици од албанските партнери во Владата. Но, неодговорното однесување и често образложението на одлуката, од страна на претставниците на ВЛЕН, ги тешеше сите заинтересирани фактори за укинување на Балансерот“, истакнуваат од Алијанса за Албанците.
Македонија
АД ЕСМ: СДСМ е главен виновник за катастрофалните состојби во енергетиката
Најмалку што е потребно во моментов е СДСМ да ја коментира енергетската состојба во земјава, реагираат од ЕСМ.
„Дереџето во кое се наоѓа севкупниот енергетски систем денеска, вклучувајќи ги актуелните состојби во РЕК Битола се резултат токму на работењето на нивните менаџерски кадри поставени од претходните влади на СДСМ. Тие немале умешност, ниту одговорност за одржување на производните капацитети. Наспроти тоа, покажале целосна негрижа за електроенергетскиот систем, за што зборува и неодговорното однесување кон државните производни капацитети и природните ресурси како јагленот и количините на вода во хидроакумулациите.
Кога СДСМ зборува дека РЕК Битола не работел, да го потсетиме дека токму до пред неколку недели нивни кадри управуваа со најголемиот енергетски комбинат“, велат од ЕСМ.
Тие како што додаваат, имале обврска да се однесуваат професионално до последниот ден кога биле на одговорни позиции и да ги подготват капацитетите за претстојната грејна сезона.
Како што е наведено во нивната реакција, долга е листата што сè затекнаа новите раководства на АД ЕСМ и РЕК Битола.
„Уништени и нестручно експлоатирани рудници, оставени без откривки на јаглен од кои може да се обезбеди континуиран и безбеден ископ за потребите на термоблоковите за стабилно производство на РЕК Битола. Нелогично долги застои на клучните машини за ископ на јаловина и јаглен. Лошо изведени, незапочнати или ненавремено завршени ремонти на термоблоковите. За само две години од 2022 до првата половина на 2024 година „успеале“ двојно да ја зголемат производната цена на електричната енергија од РЕК Битола, сега на неверојатни 133 евра за мегават-час. Неодговорно управување со опремата на АД ЕСМ. Несоодветни вработувања и прераспределување на стручни лица на неадекватни
позиции. Потрошени милиони евра за набавка на јаглен со лош квалитет, несоодветен за употреба во термоелектраните и со специфики кои се во спротивност со пропишаните за работа на термоцентралите, поради кој е направена огромна штета врз еден од термоблоковите и
како загадување на животната средина. Прескапи договори за набавка на јаглен. За седум години на власт не е изграден ниту еден државен капацитет за производство на електрична енергија. АД ЕСМ оставена со огромна финансиска дупка“, се наведува во соопштението.
Токму купувањето на електрична енергија на слободниот пазар, како што посочуваат од компанијата, е последица исклучиво на нивното нестручно и дилетантско однесување за лошата состојба во рудниците, термо блоковите и празните хидроакумулации во АД ЕСМ. Затоа, како што нагласуваат, очекуваат да следи одговорност за нивните постапки.