Македонија
СДСМ негира каква било вмешаност во боењето на штабот на ВМРО-ДПМНЕ

СДСМ ги отфрли обвинувањата на ВМРО-ДПМНЕ и негира каква било вмешаност во боењето на штабот на опозициската партија за време на вчерашниот протест. Од партијата бараат ВМРО-ДПМНЕ да престане да го инволвира СДСМ во сопствените внатрепартиски поделби.
„Нема прес-конференција на ВМРО-ДПМНЕ на која не се соопштени измислици, лажни обвинувања, конструкции и невистина. Притоа, самата ВМРО-ДПМНЕ се повикува на „непотврдени“ и неофицијални информации. Не е точно она што го тврди ВМРО-ДПМНЕ. Ниту имало некакви средби како што измислива ВМРО-ДПМНЕ ниту пак СДСМ има било каква поврзаност со случајот“, велат од владејачката партија.
Од СДСМ повторно го осудија нападот на централниот штаб на ВМРО-ДПМНЕ и секаков друг вид на насилства коишто ја загрозуваат безбедоста.
„Очекуваме институциите, согласно нивните законски надлежности, да го расчистат овој случај, по што ќе паднат во вода сите денешни лажни тврдења на ВМРО-ДПМНЕ. Наместо ВМРО-ДПМНЕ да вмешува други политички субјекти во своите внатрепартиски процеси, треба да ги реши внатрешните проблеми“, велат од СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајот низ државата се одвивa непречено, по наместа влажни коловози

Сообраќајот на државните патишта се одвивa непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја Шуто Оризари и Зелениково

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 12.00 часот, дел од корисниците од ул. Гарсија Лорка (општина Шуто Оризари)
– во периодот од 09.00 до 16.00 часот, корисниците од Градовци, Тисовица, Гумалево, Пакошево, Спектар Комерц, Добрино, Дејковец, Ново Село и Пакошево (општина Зелениково)
Македонија
Прекинато водоснабдување во делови од Карпош

Од ЈП Водовод и Канализација известуваат дека денеска (четврток) поради уличен дефект на ф 1000 мм на ул Копенхагенска, на раскрсница со Стокхолмска,бб, прекинато водоснабдување ќе имаат корисниците на улиците Копенхагенска, Стокхломска, Софиска, Његошева, Гаврил Лесновски и Петар Драганов од 09:00 часот до завршување со работните обврски. ( општина Карпош ).