Македонија
СДСМ: Одобрени се првите 136 бескаматни кредити, се бориме за секое работно место
Со цел за поефикасно справување со последиците врз економијата предизвикани од глобалната пандемија од коронавирусот започна реализацијата на големиот владин пакет, првични економски мерки, во вредност од 200 милиони евра.Се бориме за спас на секое работно место, за секој работник. Се бориме да обезбедиме приход за секој човек, соопшти СДСМ.
Според партијата, првите бескаматни кредити од Развојната банка, се веќе одобрени за 136 компании со 1.737 вработени.Како одговор на големиот интерес за оваа мерка, Развојната банка обезбеди дополнителни 8 милиони евра коишто им се ставени на располагање на микро, малите и на средните претпријатија.
„Државата создаде услови за фирмите, и во оваа прилика сакаме да апелираме, да покажат одговорност и солидарност, преку користење на мерките за поддршка и да ги задржат сите вработени.Со усвоените мерки коишто веќе се усвоени, државата спасува 250.000 работни места и помага на над 35.000 фирми. Мерките ќе помогнат сите фирми погодени од кризата, поточно секој работник да добие од државата добива по 14.500 денари, плата за месеците април и мај.
Со измените на Уредбата за оваа мерка се трга условот управители и сопственици на бизнисите вработени во истите да не може да ја користат меркатаБројот на вработени треба да се задржи 2 месеци по користење на мерката односно до јули 2020 година.Оваа мерка значи поддршка и за занаетчиите, самостојните дејности, спортските работници, уметниците..
На фирмите, како поддршка, им се нуди и опција да изберат помош за покривање на 50 отсто од трошоците за придонеси за секој вработен.Во изминатите две и пол години создадовме систем кој функционира и е во служба на Вас – граѓаните и на Вашите интереси. Од -1,8%, економијата порасна на +3,6% и оваа економска криза државата ја дочекува на нозе.Продолжуваме заедно со Вас, со стопанството да создаваме мерки и политики за еднаква помош за сите. За нас, секој е важен“, се додава во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„За избор на Владата нема двојно гласање (Бадентер), тоа не е предвидено ниту со Уставот, ниту со било каков договор или закон“, вели Демократскиот сојуз
Демократскиот сојуз ги потсетува партиите, посебно ДУИ, но и сите граѓани, дека соглано член 99 од Уставот на Република Македонија, мандат за состав на Влада добива кандидатот на партијата/ партиите кои имат мнозинство (најмалку 61 пратеник).
„Владата ја избира Парламентот со мнозинство гласови од 120-те пратеници. Мнозинство се 61 пратеник. За избор на Владата нема двојно гласање (Бадентер), тоа не е предвидено ниту со Уставот, ниту со било каков договор или закон, ниту пак има таква пракса. Се работи за класична манипулација или непознавање на политичкиот систем и Уставните решенија за избор на Влада“, велат од Демократскиот сојуз.
„Сосема е извесно дека по 20 години на власт, недопирливите од ДУИ, ќе бидат испратени во долгогодишна опозиција и за грабежот што го направија и разнебитување на институциите и државата во целина ќе одговараат.
Наводната проевропска партија „ги отвори вратите на ЕУ“, при што за време на нивното владеење над 800 илјади граѓани од Македонија се иселија во земјите на ЕУ, меѓу нив и над 200 илјади Албанци.
Сите партии се изјаснија дека по изборите нема да коалицираат со ДУИ. Тоа е јасно за сите граѓани, затоа ќе гласаат за промени, а на ДУИ во опозиција ќе им се приклучи и СДСМ“, се додава во соопштението на Демократскиот сојуз.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.
Македонија
„Доколку ДПМНЕ добие преголема моќ ќе се стави крај на европските перспективи, независните медиуми и независното судство“, вели СДСМ
„Потребен е силен СДСМ во Собранието, да не се дозволи повторно инсталација на режим од страна на ДПМНЕ и играње со иднината, стабилноста и безбедноста на државата“, вели СДСМ.
„Доколку десничарска партија како ДПМНЕ добие преголема моќ, извесно е дека ќе се стави крај на европските перспективи, независните медиуми и независното судство.
Тоа ќе значи враќање назад повеќе од 20 години.
Поддршка за СДСМ и обединување на сите прогресивни сили во земјата е единствениот начин да се спречи повторно режим“, соопшти СДСМ.