Македонија
СДСМ: Паранојата на Мицкоски за светски заговори го покажува очајот во ДПМНЕ

Според СДСМ, паранојата на Мицкоски во однос на некакви светски заговори јасно го покажува очајот во антиевропската ДПМНЕ.
Прво, како што велат, зборуваше за некаква бугаризација и асимилација, за губење на јазикот, па кога тие лаги потонаа, се префрли на бугарски диктат.
„Откако стана јасно дека не може да се зборува за никаков бугарски диктат, на Мицкоски за неговиот неуспех му се виновни Европа и светот, па ја смени реториката и зборува за светски заговори и притисоци врз него и неговата партија.
Пласирање тези дека постои светска завера во ниту еден случај не им оди во прилог ни на граѓаните, ни на државата.
Станува збор само за очајот во ДПМНЕ и фрустрациите на Мицкоски, кои се далеку од реалноста“, оценуваат од СДСМ.
Македонија во овој период, според партијата на власт, има огромна поддршка од меѓународната заедница и има пријатели како што никогаш до сега немала. Тоа, како што велат, им е јасно на сите, освен на Мицкоски.
Додаваат дека реториката на Мицкоски против ЕУ и против НАТО, е иста како на неговиот претходник Никола Груевски, која ќе ја остави Македонија уште најмалку 11 години во изолација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.