Македонија
СДСМ: Со нашите политики и членство во НАТО ние сме безбедна и сигурна земја
Со исправните политики на СДСМ и членството во НАТО земјата е безбедна и сигурна, велат од владејачката партија.
„Одржувањето на неформалниот состанок на лидерите на државите членки на НАТО од регионот е уште една потврда дека нашата земја е препознаена како ценет НАТО-сојузник и фактор на стабилноста во Западен Балкан.
Безбедносната стабилност носи економски просперитет. Странските инвеститори ја препознаваат Северна Македонија како сигурно место за вложувања, со што се обезбедуваат подобри работни места за нашите граѓани, повисоки плати и раст на животниот стандард.
СДСМ со храбри и решителни одлуки ја внесе државата во НАТО“, истакнуваат во нивното соопштение.
Додаваат дека продолжувањето на европскиот пат сега зависи само и единствено од сите нас и од одлуките што треба да се донесат во Собранието.
„Членството во ЕУ е стратешка цел, друга алтернатива нема.
Граѓаните заслужуваат подобра иднина, подобар животен стандард, млади што ќе работат во својата држава членка на ЕУ и ќе придонесуваат за нејзиниот просперитет“, велат од СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Поминаа 24 часа, СДС уште не им се извини на граѓаните што ги нарече ,будали“, велат од ВМРО-ДПМНЕ
„Поминаа 24 часа, а СДС уште не им се извини на граѓаните што ги нарече „будали“. СДС упорно продолжува да ги понижува граѓаните“, велат од ВМРО-ДПМНЕ.
„Очигледно е дека СДС се нервозни од најновата анкета во која нивната партија има дополнително ослабнато споредено со изборите, но тоа не е и не може да биде оправдување за да ги вреѓаат граѓаните.
СДС не смее да го навредува народот, тоа што се спречени да крадат и затоа се најмногу нервозни треба да го земат за лекција, да се реформираат и да се исчистат од криминалци, а не да мечтеат за да продолжат по истите патеки каде што застанаа.
Очекуваме извинување од СДС до граѓаните и осуда од сите чинители во државата. Ваквиот однос на политичка партија која претендира да биде најголема опозициска партија не смее да биде пракса“, соопшти ВМРО-ДПМНЕ.
Македонија
Сончево и постудено, со засилен ветер од северен правец
Времето денеска ќе биде сончево и постудено со мала до умерена локална облачност. Ќе дува засилен, а долж Повардарието и во источните делови силен северoзападен ветер (наместа над 70км/ч.).
Минималната температура ќе биде во интервал од 6 до 15, а максималната ќе достигне од 13 до 22 степени.
Во Скопје сончево со мала локална облачност и со засилен ветер од северен правец. Минималната температура ќе се спушти до 10, а максималната ќе достигне до 22 степена.
Денеска ќе продолжи да дува засилен, а долж Повардарието и во источните делови силен северен ветер повремено со брзина над 70 km/h. Потоа во следните два дена времето ќе биде сончево со ниски утрински температури, а дневните ќе бидат во постепен пораст.
Од четврток се очекуваат нови врнежи од дожд повремено пообилни.
Скопје
Без струја дел од општините Ѓорче Петров и Сопиште
Регионалниот центар за управување со кризи на Град Скопје, по добиеното известување од ЕВН, информира дека поради планирани зафати во електро дистрибутивната мрежа денеска без напојување со електрична енергија ќе останат:
• Во период од 08:30 – 13:00 часот, дел од улицата Ѓорче Петров од бр.115 до бр.141 (општина Ѓорче Петров)
• Во период од 08:30 – 12:00 часот, ОУ Тихомир Милошевски и дел од корисниците во Ново Село (општина Ѓорче Петров)
• Во период од 08:30 – 15:30 часот, дел од ул.1 од Општина Сопиште патот кон Ракотинци.