Македонија
СДСМ: Укинато е спојувањето на концесиите за „Иловица“, ДПМНЕ со рудниците ја стави државата во судски лавиринти

Владата предводена од СДСМ донесе Одлука за престанок на одлуката за спојување на концесиите за рудникот за бакар и злато во „Иловица“.
Од СДСМ преку соопштение утрово коментираат дека со тоа, Владата им излегла во пресрет на граѓаните од овој крај кои со години се противат на отворањето рудници во нивните населени места.
Партијата обвинува дека правниот лавиринт околу рудниците во кој е заглавена државата е единствено поради неодговорноста на ДПМНЕ и владите предводени од оваа партија.
„Во 2012 Владата предводена од ДПМНЕ дава концесија за рудникот Иловица и уште 85 концесии за други локации.
Никола Груевски, Зоран Ставревски, Миле Јанакиески, Паско Кузман се само дел од функциониерите на ДПМНЕ кои учествуваат во процесот на давање концесии за рудникот во Иловица.
Во 2016 година рудниците се најголемо ветување на ДПМНЕ пред изборите, а тогаш Христијан Мицкоски му е десна рака на Груевски.
Затоа ДПМНЕ и Мицкоски денес се последните што имаат право да зборуваат за отворање рудници.
СДСМ, како од првиот ден, така и сега, е против рудниците и останува заедно со граѓаните да се бори против нивно отворање“, велат од СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода делови од Центар и Аеродром

Од ЈП Водовод и Канализација известуваат дека денеска поради уличен дефект на улицата Питу Гули бб, општина Центар (во близина на Тинекс), прекинато водоснабдување ќе имаат следниве улици: Питу Гули, дел од Загребска, Ганчо Хаџипанзов, Капештец, Димитар Пандилов, Караорман, висока зона Козле и Ловќенска-крак 1,3,5 и 7.
Водоснабдувањето ќе биде прекинато од 08:30 часот до завршување со санација на дефектот.
Денеска поради уличен дефект на 3-та Македонска Бригада бб, прекинато водоснабдување ќе имаат објектите на Вива, Метро, Центро, Спорт М и Форд, во општина Аеродром.
Водоснабдувањето ќе биде прекинато од 08:00 часот до завршување со санација на дефектот.
Македонија
Делови од Аеродром, Центар и Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат:
· во периодот од 08.10 до 15.00 часот, корисниците на дел од село Долно Лисиче.(општина Аеродром)
· во периодот од 08.10 до 15.00 часот, корисниците на објектите спроти Ист Гејт населба Крњево.(општина Центар)
· во периодот од 08.10 до 12.00 часот, корисниците од улица Божидар Рајковиќ, дел од ул. Горноврановска и дел од улицата Горно Лисиче (општина Аеродром)
· во периодот од 08.10 до 16.00 часот, корисниците на улиците Ибе Паликуќа, Воин Драшкоци, Веле Марков (општина Ѓорче Петров)
Македонија
Претежно облачно со повремен дожд

Времето денеска ќе биде променливо облачно со повремени локални врнежи од дожд. Кон крајот на денот врнежите насекаде ќе престанат. Ќе дува умерен до засилен ветер од северен правец (локално над 60 km/h). Минималната температура ќе биде во интервал од 6 до 13, а максималната ќе достигне од 8 до 16 степени.
Во Скопје, претежно облачно со повремен дожд. Ќе дува умерен, во делови од котлината повремено засилен ветер од северен правец. Минималната температура ќе се спушти до 12, а максималната ќе достигне до 14 степени.
Времето во наредните денови
Од четврток времето ќе биде стабилно и суво со слаб до умерен северен ветер. Дневната температура ќе биде во пораст.