Македонија
„Северна Македонија нема пат кон назад“, пишува „Бгнес“
Пред почетокот на 123. седница на Собранието, на која единствена точка на дневен ред е предлогот за пристапување кон измена на Уставот на Република Северна Македонија, бугарската новинска агенција „Бгнес“ објави анализа за патот на РС Македонија кон ЕУ.
Во текстот се посочува дека Македонија е на прагот на еден од најважните настани во модерната историја на државата, да ја почне својата интеграција во ЕУ или, како што пишува „Бгнес“, да остане во изолација. Тие заклучуваат дека „Северна Македонија нема пат кон назад“ во смисла на тоа дека или ќе почне преговори со ЕУ или ќе биде изолирана.
Пренесуваме дел од анализата:
„Дали е можно донесувањето измени во Устав да стане процес што трае повеќе од една генерација?
Македонија е на прагот на еден од најважните настани во нејзината модерна историја – заедно со Албанија да ја почне својата интеграција во Европската Унија, и генерацијата ново одложување и потрага по непостојни непријатели, каде што ги нема, во најмала рака е штетна за самата млада Република Северна Македонија.
Македонија измина долг пат кон ЕУ. Почна со деценискиот спор со Грција за името Македонија.
Вистинскиот пробив и отстранувањето на меѓународната изолација се случи благодарение на договорот за пријателство и добрососедство, кој го потпишаа Бојко Борисов и Зоран Заев на 1 август 2017 година. Ефектот од тоа беше впечатлив.
Грција беше првата што ја сфати длабоката промена. На брегот на Преспанското Езеро, на 17 јули 2018 година, Зоран Заев и Алексис Ципрас потпишаа договор за промена на името од Република Македонија во Република Северна Македонија. Тогаш грчкиот премиер Алексис Ципрас рече: „Денес, во Преспа почнуваме да пишуваме нова среќна песна. Договорот е патриотски!“ и ги повика граѓаните на двете земји да го прифатат без предрасуди.
Со активната улога на Софија, РСМ многу бргу стана членка на НАТО. Ова членство, очигледно на странските сили, се сметало за доволно да предизвика властите во Скопје да почнат со саботирање на спроведувањето на договорот со Бугарија.
Следните недели се одлучувачки за иднината на РСМ, што може да се покаже како вистинска пресвртница за Република Северна Македонија, која со крената глава ќе излезе од процесот и заедно со Албанија ќе ги отвори преговорите за приклучување кон европското семејство или, за странски геополитички интереси, да остане во изолација.
18 август 2023 година ќе биде историски датум за Република Северна Македонија, кој ќе означи исклучително важен момент за земјата. На 18.8.2023 година – предлогот со уставни измени, кој е услов за отворање на преговорите со ЕУ, влегува во македонскиот парламент.
Како што изјави премиерот на РСМ, Димитар Ковачевски: „Ако досега ветото на Северна Македонија за евро-атлантските интеграции доаѓаше однадвор, денес првпат ветото може да дојде однатре. Од политичките партии, кои наводно велат дека се за интеграција, но историски докажале дека се против“.
Но, овој пат нема време за политиканство и политички шегобијки бидејќи до втората меѓувладина конференција на ЕУ има неполни 2 месеца. Ќе се решава дали Македонија ќе влезе во преговори заедно со Албанија или не!
За да се случи тоа на 18 август, Собранието на РСМ најпрво треба да го изгласа дневниот ред со една точка – „Предлог да се пристапи кон измена на Уставот на Република Северна Македонија“, за што се потребни 61 глас.
Потоа почнува дискусијата за предлогот. Како што е наведено во член 196 став 1 од Деловникот, предлогот да се пристапи кон измена на Уставот ќе се расправа на седница на Собранието, која може да трае најмногу десет работни дена.
Интервенциите во Уставот се однесуваат на додавање делови од народи во преамбулата и членовите 49 и 78 од Уставот кога се наведува бројот на народи во државата.
Во формулацијата: „Граѓаните на Република Северна Македонија, македонскиот народ, дел од албанскиот народ, турскиот народ, влашкиот народ, српскиот народ, ромскиот народ, босанскиот народ и други“ се става запирка по зборот босански народ и се додаваат: „бугарскиот народ, хрватскиот народ, црногорскиот народ, словенечкиот народ, еврејскиот народ и египетскиот народ“.
Ако Бугарите не бидат прифатени во Уставот, Македонија отпаѓа и преговорите ќе се отворат само со Албанија.
„Бгнес“ потсетува дека во време кога сите заборавија на тоа, Бугарија ја стави интеграцијата на Западен Балкан во фокусот на своето претседавање со ЕУ – тоа беше поддршка од наша страна за влез на РСМ во ЕУ.
Исто така, соодветно е накратко да се потсетиме на некои значајни настани кои ја одредуваат важноста на тоа што ќе одлучи Северна Македонија на 18 август.
Спор на Бугарија со РСМ
Што заклучува? Прво, нефер пристапот на РСМ кон Бугарија, иако Бугарија беше првата земја што ја призна независноста на Македонија. Благодарение на Софија, Македонија беше призната од клучните земји во светот, како Турција, Русија и САД. Бугарија ја спаси Македонија за време на грчкото ембарго. Властите во Софија ги поништија плановите на српскиот диктатор Милошевиќ за нејзина поделба.
Француски предлог
Кога беше усвоен францускиот предлог, многу спорови меѓу партиите во Република Северна Македонија излегоа не само од контрола, туку и од општоприфатениот добар тон во меѓудржавните и меѓуинституционалните односи. Покрај споровите, националистичката хистерија во РСМ доведе до тоа претседателката на ЕК, Урсула фон дер Лајен, да се нарече „кучка“, а францускиот претседател Емануел Макрон – „фашист“.
Вклучувањето на Бугарите во Уставот е најважниот дел од преговарачката рамка, а тоа не треба да го заборават партиите и парламентот во РСМ.
Од РСМ постојано тврдат дека се загрозени нивниот национален идентитет и јазик. Интересно – од што, имајќи предвид дека додавањето на делови од народи во преамбулата и членовите 49 и 78 од Уставот ги опфаќа, покрај „бугарскиот народ“ и „хрватскиот народ, црногорскиот народ, словенечкиот народ, еврејскиот народот и египетскиот народ“?
Недостиг на комуникација
Зошто властите во РСМ не бараа разбирање со пратениците за да ги добијат потребните гласови за уставните измени, туку се фокусираа на спорот со ВМРО-ДПМНЕ, чиј лидер отворено ги брани не националните, туку странските интереси?
Елегија за Македонија
До кога Македонија ќе покажува слабост кон таканаречената „длабока држава“, до кога ќе се блокира и до кога ќе бара изговори и ќе се правда дека нејзиниот идентитет и јазик се загрозени наместо да ги прифаќа европските и ЕУ-вредностите? До кога ќе биде слепа пред фактот дека во лицето на Бугарија отсекогаш имала пријател и поддржувач, а не непријател? Сето тоа зависи исклучиво од волјата и храброста на локалните политичари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Во домот на судија од Апелација пронајдени соѕидани 350.000 евра
Во рамките на опсежна истрага на Основното јавно обвинителство за гонење организиран криминал и корупција иницирана откако на 14 декември беше осомничен адвокат поради сомненија за кривично дело – Примање награда за противзаконито влијание, во континуитет интензивно се преземаат дејствија што резултираа со проширување на постапката и кон судија, осомничен за Противправно стекнување и прикривање имот за кој постојат сомненија дека е прибавен меѓу другото со дејствија на корупција и трговија со влијание. Според информациите, се работи за судијата Ѓоко Ристов од Апелацискиот суд во Скопје.
„Врз основа на наредба што јавниот обвинител ја побара и обезбеди од надлежниот суд денеска беше извршен детален претрес на локација во Неготино, во домот на родителите на сега осомничениот судија, каде соѕидани во простор во ѕидот до овој момент се пронајдени 350.000 евра за кои постои сомнение дека биле незаконски стекнати и прикриени. Претресите и другите истражни дејствија продолжуваат, а јавноста ќе биде известена за натамошниот тек на постапката“, велат од Обвинителството.
Станува збор за една од најопсежните истраги поради сомненија за висока корупција во нашата држава до сега, која е поткрепена со информации и известувања од Агенцијата за национална безбедност.
Од Обвинителството додаваат дека дејствијата координирани од јавниот обвинител ги преземаат припадници на Одделот за борба против организиран криминал при Министерството за внатрешни работи и Управата за финансиска полиција, чија посветеност и професионален интегритет придонесе за успешно разоткривање и обезбедување докази за еден од најсериозните и најсложените облици на криминал.
Македонија
Мицкоски: Безбеден град веќе спасува животи, прекршоците намалени од 100.000 дневно на 3.000
Системот „Безбеден град“, кој официјално треба да профункционира од 1 февруари, веќе дава резултати во тест-периодот, изјави премиерот Христијан Мицкоски. Бројот на сообраќајни прекршоци и незгоди е значително намален, а со тоа и бројот на повредени и загинати лица во сообраќајот.
„Во јануари имаме уште поохрабрувачки бројки од декември – тоа значи повеќе спасени животи, помалку сообраќајни незгоди, и побезбеден сообраќај“, рече Мицкоски.
Додека во првите денови биле регистрирани и повеќе од 100.000 прекршоци дневно, сега таа бројка е сведена на 2.000 до 3.000.
Мицкоски одговори и на прашањето за заштитата на личните податоци на граѓаните во рамки на проектот. Тој најави дека ќе бидат потребни дополнителни усогласувања и протоколи, особено во првите три до шест месеци од имплементацијата.
„Никој не бил перфектен при стартот на овој проект. Сосема логично е да се вршат прилагодувања во текот на првите месеци. Но, најважно е што веќе се гледаат резултати“, рече премиерот.
Македонија
Уставниот суд веќе ја потврди законитоста на одлуките за вонредната состојба, му одговори Пендаровски на премиерот Мицкоски
Поранешниот претседател Стево Пендаровски му возврати на премиерот Христијан Мицкоски поради неговата изјава дека има основани сомнежи за уставноста и законитоста на одлуките за вонредна состојба што беа донесени во времето на пандемијата.
„Навистина мислев да не му давам значење на господинот Мицкоски, затоа што ја разбирам неговата потреба катастрофалните резултати од своето досегашно владеење да ги покрива со коментари за работи кои не ги разбира“, наведува Пендаровски во писмена реакција, додавајќи дека „за жал, на експертот за енергетика претходно не му ги објасниле неговите големи правници“.
Тој потсетува дека Уставниот суд уште пред повеќе од пет години потврдил дека одлуките за вонредната состојба се во склад со Уставот и законите.
„Уредбите со законска сила ги носеше и ги имплементираше Владата. Дали таму имало злоупотреби, тоа државните институции, кои сега се под тотална контрола на Мицкоски, можат да го проверат кога сакаат, ако сакаат“, додава поранешниот претседател.
Тој истакна и дека сите одлуки за прогласување на вонредна состојба биле доставени до Собранието веднаш по завршувањето на секоја вонредна состојба.
„Мене ми е јасно дека и ова образложение нема да го спречи Мицковски да продолжи неосновано да обвинува и клевети, затоа што тоа е, за жал, единствениот начин на кој е научен да владее“, заклучува Пендаровски.
Изјавата на Пендаровски следи по денешниот коментар на премиерот Мицкоски, кој го повика Обвинителството да постапи по допрен глас поради наводите на хирургот Жан Митрев дека во времето на вонредната состојба, тогашната власт, предводена од СДСМ, односно премиерот Зоран Заев и тогашниот министер Венко Филипче сакале да ја преземат неговата приватна клиника. Мицкоски во таа пригода посочи дека „се случувале мафијашки упади“ и дека некои од уредбите што биле носени сè уште не се разгледани од страна на Собранието, со што, според него, има сомнежи и за одговорност на поранешниот претседател Пендаровски.
Во домот на судија од Апелација пронајдени соѕидани 350.000 евра
Во рамките на опсежна истрага на Основното јавно обвинителство за гонење организиран криминал и корупција иницирана откако на 14 декември...
Осумте земји на кои Трамп им најави царини поради Гренланд порачаа: Ќе останеме обединети и солидарни со Данска и Гренланѓаните
Осумте европски држави, кои се најдоа на мета на најавените царини од американскиот претседател Доналд Трамп поради поддршката за Данска...
Уставниот суд веќе ја потврди законитоста на одлуките за вонредната состојба, му одговори Пендаровски на премиерот Мицкоски
Поранешниот претседател Стево Пендаровски му возврати на премиерот Христијан Мицкоски поради неговата изјава дека има основани сомнежи за уставноста и...
Мицкоски: Мафијашки упади во времето на вонредната состојба, случајот со Жан Митрев отвора прашања и за одлуките на Пендаровски
Премиерот Христијан Мицкоски изјави дека не е изненаден од тврдењата на хирургот Жан Митрев дека поранешниот министер за здравство Венко...
Пожар во свињарска фарма во Градско, угинаа животни, неколку лица побарале лекарска помош
Вчера во СВР Велес бил пријавен пожар што избувнал во свињарска фарма на фирма во селото Долно Чичево, општина Градско....
Втор смртен случај од грип: Почина 69-годишен пациент на Инфективна
Шеесет и деветгодишен пациент починал од компликации предизвикани од сезонски грип на Клиниката за инфективни болести во Скопје, соопшти директорот...
Храна со истечен рок, лоши хигиенски услови, недостиг на санитарни книшки затекнаа инспекторите во маркетите низ државата
Приближно четириесет илјади евра во денарска противвредност е вкупната вредност на 22 казни кои ги изрекоа инспекциските служби на Агенција...
(Видео) Поплави во Австралија, евакуации во Сиднеј
Австралиските власти соопштија дека 20 лица се спасени од надојдени води во источната сојузна држава Нов Јужен Велс, поради обилните...
„Политико“ Европскиот парламент го замрзнува трговскиот договор со САД поради најавата за царини и барањата за Гренланд
Пратениците во Европскиот парламент нема да го одобрат историскиот трансатлантски трговски договор откако американскиот претседател Доналд Трамп најави нови царини...
(Видео) Филипче и Заев сакале да му ја земат болницата на Жан Митрев, Обвинителството да истражи, порача Стојаноски од ВМРО-ДПМНЕ
Пратеникот на ВМРО-ДПМНЕ, Бојан Стојаноски, на денешната прес-конференција обвини дека поранешниот министер за здравство Венко Филипче и поранешниот премиер Зоран...
Филипче го повика Жан Митрев да оди кај обвинител и да поднесе кривична, најави и тужби: „Ова не е политика, сега ќе ги тужам“
Претседателот на СДСМ, Венко Филипче, на прес-конференција обвини дека ВМРО-ДПМНЕ спроведува, како што рече, јавен линч против него преку лаги,...
Вандализиран паркот „Бановина“ во Аеродром – искршена урбаната опрема, оштетена фонтаната, а провалено е и во чуварската куќа
Општина Аеродром најостро го осуди вандалскиот чин што се случил синоќа во паркот Бановина, каде што била сериозно оштетена јавната...
Обвинение за помагачите во бегството на 18-годишникот што со автомобил усмрти жена на Народен фронт
Обвинителството поднесе обвинение против маж и жена кои како соизвршители се товарат за помагање, во случајот со 18-годишникот од Скопје...
Предлог-законот за пушењето не е удар по угостителството, туку заштита на здравото работно место, велат од Министерството за здравство
Предлог-законот за заштита од пушењето, подготвен од Министерството за здравство, предвидува забрана за пушење во затворени јавни и работни простории,...
„Не го чепкајте Гренланд“: Масовни протести во Данска и Нуук против плановите на Трамп
Големи протести против најавите на американскиот претседател Доналд Трамп за преземање на Гренланд се очекуваат денеска во повеќе градови во...
Украинска делегација заминува во САД за појаснување на условите за можен мировен договор со Русија
Украинските преговарачи патуваат во Соединетите Американски Држави за да ги разјаснат условите за евентуален мировен договор со Русија, изјави претседателот...
Македонија со пораз од Данска го започна Европското првенство
Ракометната репрезентација на Македонија, со пораз го започна настапот на 17-то Европско првенство во Данска, Шведска и Норвешка. Во првото...
Италијански министер ги исмева европските сили во Гренланд: „15 Французи, 15 Германци – звучи како почеток на виц“
Италија одби да се придружи на европската мисија во Гренланд, а министерот за одбрана на земјата, Гвидо Кросето, отворено ја...
Трамп им се закани на сите земји кои нема да го поддржат за Гренланд
Претседателот на САД, Доналд Трамп, се закани дека ќе воведе царини на земјите кои не го поддржуваат неговиот план САД...
МВР ќе ги тестира поставените камери: од 20 до 31 јануари на местата каде ќе се вршат активностите, нема да биде дозволен сообраќај
Министерството за внатрешни работи известува дека во рамки на проектот „Безбеден град“, во периодот од 20.01.(вторник) до 31.01.(сабота) ќе се...
