Македонија
Се одржа првата национална конференција за проектен и ИТ-менаџмент во Скопје

На конференцијата беа претставени многу новитети од овие области, најновите трендови во управувањето со проекти и успешното воведување промени што зависат од работата на ИТ, проектните и програмските менаџери. Говореа повеќе влијателни експерти од разни земји кои имаат долгогодишно искуство со Business Analysis, PMP, SCRUM, ITIL, DevOps и ISTQВ, а присуствуваа и многу менаџери на компании, проект-менаџери од ИТ и од бизнис-секторот, бизнис-аналитичари итн.
Се обработија неколку важни теми, меѓу кои: 5 тренда во проектен менаџмент во 2018; Бизнис-анализа во корпоративен Value Stream; PMP во пракса; Зошто SCRUM?; SCRUM хибридна методологија во пракса; ITIL – Back to the Future; DEVOPS; ISTQB – Планирање и управување на тестирање со Team Foundation Server.
„Сè уште сме под импресии од целата конференција, од говорниците, од предавањата, од продуктивната панел-дискусија која се разви на крајот… Навистина ни е драго што што имаше огромен интерес, влезниците беа распродадени за многу кусо време и оттука се гледа големата потреба од одржување на овој настан со фокус на проектниот и ИТ-менаџментот. Се надеваме дека ова ќе биде почеток на низа успешни настани од ваков тип преку кои индивидуалците и компаниите постојано ќе ги надградуваат своите вештини и знаења“, изјавија организаторите.
Милан Шмигиќ, кој воедно беше и модератор на настанот, говореше за најважните новитети кои доаѓаат од развиените пазари од овие области, и тоа: подобрување на перформансите на работење на компанијата со примена на портфолио на управување; како да се примени бизнис-анализата за развој на портфолио и стратешка приоритизација на проектите; како да се зголеми пазарната вредност на компанијата преку успешно управување со проекти; како да се намали неизвесноста и да се создаде нова вредност на проектот преку развој на нови барања итн.
За тоа колку е релевантен ITIL во дигиталната трансформација, говореше Словенецот Рок Сајовиц: „Дигитизираните бизнис и ИТ-процеси се основа за дигитална трансформација. Првиот чекор кон дигитална трансформација се добро дефинирани процеси и потоа вториот чекор е да се дигитизираат овие процеси. Овде е местото каде што ITIL доаѓа во игра. Компаниите може да го користат ITIL како упатство за процесирање на дигитизацијата. Комплетираниот ITIL потоа игра важна улога помагајќи им на сите бизнис и ИТ-услуги да работат без проблеми“, вели Сајовиц.
Тој истакна дека е потребно да се применуваат современите технологии и методологии на работа и да се следат светските трендови кои значително ќе го подобрат работењето на организацијата.
„Континуирана едукација и надградба на знаењата е нешто што ние во ‘Макпетрол – Центар Дел“ редовно го практикуваме со цел да можеме да се справиме со предизвиците. Токму затоа ја препознавме и ја поддржавме првата национална конференција за PM и IT-менаџмент како настан што ќе едуцира и ќе овозможи нови погледи на голем број проектни и ИТ-менаџери“, изјавија од „Макпетрол – Центар Дел“.
„Во ова динамично општество ако не ги имплементирате и применувате практиките од светски рамки, вие останувате чекор назад. Затоа и ја поддржавме оваа конференција која ќе овозможи поширок спектар на знаење и ефективност на менаџерите имајќи ја предвид и заштитата на видот поради проблемите што настануваат како резултат од предолгото работење на електронските уреди и зрачењето на сината светлина од нив. Во светот веќе се воведени редовни очни прегледи што фирмите им ги овозможуваат на своите вработени како дел од грижата на вработените, а наша намера е таа свест да ја развиеме и во Македонија“, изјавија од „Систина офталмологија“.
Во Македонија се отвори и разгранок од меѓународниот Институт за управување со проекти. Како што вели Мирослав Аничин, претседател на Институтот за управување со проекти во Србија, со тоа Македонија е запишана на светската карта за најдобри пракси, така што ќе продолжи и понатаму споделувањето на знаењето како пракса.
Конференцијата е во организација на „Клир вју“, бизнис-тренинг центарот и „Семос едукација“, тренинг-центар за ИТ-едукација. Настанот го поддржаа повеќе компании, меѓу кои: „Макпетрол – Центар Дел“, „Систина офталмологија“, Стопанска банка АД Скопје, Кариерниот центар на „Семос едукација“, PMI – Macedonia Chapter, „Бела“, „Тиквеш“ и „Вис вендинг“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
За да помине граница преку ред, на полицајците од ФРОНТЕКС им кажал дека е дипломат, а на нашите полицајци им рекол дека им е колега, уапсени двајца скопјани на Табановце

Вчера на Граничниот премин „Табановце“, на влез во државата, полицијата ги упаси С.С. (59) и Б.А. (55), двајцата од Скопје поради сомневање за алсиикување исправа.
„Во обид да влезат со приоритет, С.С., кој го управувал возилото ’голф’ со скопски регистарски таблички, во кое се превезувале, на полициските службеници од ФРОНТЕКС им рекол дека е дипломат, приложувајќи патна исправа наводно издадена од Европски полициски комитет, а на македонските полициски службеници им рекол дека е вработен во МВР, но не ја носел службената легитимација. При дополнителна контрола на лицето и возилото биле пронајдени патни исправи, една биометриска страна за патна исправа, два пластични печати, четири лични карти и други предмети. Поради основано сомнение за сторено кривично дело „фалсификување исправа“ по чл.378 од КЗ, пронајдените предмети се одземени, а лицата лишени од слобода“, соопшти МВР.
Против двете лица ќе бидат поднесени соодветни ријави по расчистување на случајот.
Македонија
Овој ден буди тага, но ќе се памети и по човечноста и хуманоста, Град Скопје оддаде почит на жертвите од земјотресот

Делегација на Град Скопје предводена од градоначалничката Данела Арсовска, оддаде почит на жртвите од катастрофалниот земјотрес кој пред 62 години главниот град го остави во урнатини. Скопје се сеќава на 26 јули 1963 година, ден кој засекогаш го промени ликот на градот, трагедија која одзеде над илјада животи.
„Овој ден буди чувство на тага, но секогаш ќе се памети и по човечноста и хуманоста на сите кои помогнаа во најтешките моменти“, велат од Град Скопје.
Во рамки на одбележувањето 62 години од земјотресот, вечерва во 20:00 часот во Музејот на Град Скопје ќе биде отворена изложбата „Скопје за време на земјотресот и потоа“.
Македонија
На граничните премини Табановце и Пелинце се чека по 45 минути

Интензитетот на сообраќај на патните правци надвор од градските средини е зголемен, јави АМСМ. Поради летните одмори се бележи зголемена фреквенција на возила на граничните премини Табановце и Пелинце, а времето на чекање е околу 45 минути.
На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Сојузот потсетува дека од 1 јули до 31 август на државните патишта во Македонија на сила е летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури. Термините се следни:
петок од 17:00 – 22:00 часот,
сабота од 09:00 до 18:00 часот и
недела од 09:00 до 22:00 часот.
Во деновите со екстремно високи температури, определени од Министерство зa здравство, забранaта ќе важи и од понеделник до четврток во период од 11:00 до 17:00 часот.
Ограничувањето не се однесува на возила кои превезуваат животни, цвеќе, хуманитарна помош, жито и житни култури и леснорасиплива стока, нафта и нафтени деривати, превоз на опасни материјали и возила кои вршат превоз за компании кои имаат склучено договори за изведување на проекти на државните патишта со ЈП за Државни патишта.
На магистралниот пат А2 делница: Скопје – Охрид – Скопје (со важност до 01 септември) се забранува движење на тешки товарни возила чија вкупна маса преминува 7,5 тони за време на викендите, во следните интервали:
петок од 15:00 – 22:00 часот,