Македонија
Се подготвува првиот водич кај нас, кој ќе ги објасни нередовните циклуси, анксиозноста, заморот и несоницата во перименопауза

Стручна група за перименопауза, составена од водечки експерти од рачни медицински области, односно двајца гинеколози од Универзитетската клиника за гинекологија и акушерство, матичен гинеколог, ортопед и психијатар од Универзитетската клиника, ендокринолог и матичен лекар го подготвуваат првиот водич за перименопауза кај нас. Водичот е предвидено да биде основа за системски и координиран пристап кон ова значајно животно поглавје за жените, а ќе биде наменет за матичните лекари, семејните лекари, гинеколозите и за другиот медицински кадар.
„Перименопаузата е периодот кој почнува со првите симптоми на менопауза и завршува една година по последната менструација, кој може да трае неколку години. Периодот на перименопаузата е обележан со хормонални промени, што предизвикуваат разни симптоми – од нередовни менструални циклуси, преку несоница, анксиозност, замор и проблеми со концентрација, па сè до значајни физички промени. Во Македонија овој процес не е институционално препознаен, а би можело значително да го подобри квалитетот на животот на жените“, велат од ХЕРА за оваа важна, но занемарена тема за женското здравје кај нас.
Иницијативата се реализира под координација на ХЕРА – Асоцијација за здравствена едукација и истражување и МАГО – Македонска асоцијација на гинеколози и опстетричари, со цел да се обезбеди стручна поддршка и да се изработат конкретни насоки за унапредување на здравствената грижа во период на перименопауза за жените во нашата земја.
Со формирањето на оваа стручна група се отвора простор за стручна дискусија и изработка на материјали кои се засновани на медицински докази, кои ќе им овозможат на жените во Македонија пристап до квалитетна грижа, навремено препознавање на симптомите и соодветни медицински информации и услуги за справување и поддршка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Во прекин сообраќајот на патот Охрид-Ресен, воведена забрана за тешки товарни возила на правецот Струга – г.п. Ќафасан

Сообраќајот е во прекин на Магистрален Пат А2 Охрид- Ресен кај превојот Буково, поради случена сообраќајна незгода, информира АМСМ.
Поради врнежи од снег се воведува забрана за сообраќај за тешки товарни возила на патниот правец Струга – г.п. Ќафасан, информираат од ЈП „Македонија пат“. Забраната се воведува од 19:30 часот.
Од 19:45 часот поради врнежи од снег се воведува забрана за сообраќај за тешки товарни возила на патниот правец Тетово – Попова Шапка, а за останатите видови на возила задолжителна е употреба на зимска опрема – (ланци).
Исто така, денеска од 15:25 часот поради врнежи од снег е воведена забрана за сообраќај за тешки товарни возила на патниот правец Гостивар – Кичево преку планинскиот премин Стража и на патниот правец крак Маврово – Дебар.
Од 16:20 часот се воведе забрана за сообраќај за тешки товарни возила на патниот правец Битола – Ресен преку планинскиот превој Ѓавато, а од 17.00 часот забрана за сообраќај за тешки товарни возила на патниот правец Ресен – Охрид преку планинскиот превој Буково.
Како што соопштија од АМСМ, сообраќајот на државните патишта се одвива по претежно влажни коловози, на некои повисоки места во западните и југозападните делови од државата со остатоци од кашест снег на коловозот по интервенција на дежурни екипи на „Македонија пат“
Македонија
(Видео) Снег на Стража

На Стража вечерва врне снег.
АМСМ претходно соопшти дека на сила е забрана за камиони и товарни возила.
Видео: Инфо-Сообраќај
Македонија
Задолжителна зимска опрема на патот Тетово – Попова Шапка

Поради врнежи од снег, на патниот правец Тетово – Попова Шапка од 18 часот е воведена задолжителна употреба на зимска опрема (ланци) за сите видови возила, соопштија денеска од ЈП „Македонија пат“.
Исто така, денеска од 15:25 часот поради врнежи од снег е воведена забрана за сообраќај за тешки товарни возила на патниот правец Гостивар – Кичево преку планинскиот премин Стража и на патниот правец крак Маврово – Дебар.
Од 16:20 часот се воведе забрана за сообраќај за тешки товарни возила на патниот правец Битола – Ресен преку планинскиот превој Ѓавато, а од 17.00 часот забрана за сообраќај за тешки товарни возила на патниот правец Ресен – Охрид преку планинскиот превој Буково.
Од АМСМ велат сообраќајот на државните патишта се одвива по претежно влажни коловози, на некои повисоки места во западните и југозападните делови од државата со остатоци од кашест снег на коловозот по интервенција на дежурни екипи на „Македонија пат“.