Македонија
Сѐ уште гори кај Пехчево, Македонски Брод, Кичево – во оган борова, букова и дабова шума

ЦУК: Во текот на вчерашниот ден, понеделник, 12.8.2024 година, имаше вкупно 37 пожари на отворен простор, од кои во моментот 10 се активни, 6 се под контрола и 21 изгаснат.
1. Општина Македонски Брод: Јасен – Белица (борова шума);
2. Општина Пехчево: с.Негрево (мешана шума);
3. Општина Новаци: с.Полог – Тапевци – Гнилеж – Паралово (ниска вегетација);
4. Општина Ресен: Галичица се шири во правец на врвот Магаро кон Стење, Охридска страна, (нискостеблеста вегетација);
5. Општина Кичево 1: с.Патеец – с.Козичино (борова и букова шума);
6. Општина Кичево 2: с.Челопеци и с.Бигор Доленци (мешана шума);
7. Општина Кичево 3: с.Зајас – с.Горно Строгомиште (мешана шума);
8. Општина Кичево 4: с.Туин, Калешовци (дабова шума);
9. Општина Пласница: с.Пласница – с.Латово – Македонски Брод (нискостеблеста вегетација);
10. Општина Кочани: с.Пресека (дабова шума).
ПОД КОНТРОЛА: 6
1. Општина Неготино: Кај ТЕЦ Неготино (сува трева);
2. Општина Демир Хисар и Охрид: Илинска Планина, Плаќенска планина, во општините Охрид и Демир Хисар е под контрола (4 НШ) (ниска вегетација);
3. Општина Чашка: с.Ореше, с.Папрадиште (мешана шума);
4. Општина Делчево: Депонија Делчево (депонија);
5. Општина Липково: с.Никуштак (депонија);
6. Општина Кочани: Градска депонија (ѓубре, сува трева и нискостеблести растенија);
ИЗГАСНАТИ: 21
1. Општина Неготино: Црвени Брегови – Пепелешки мост – Дуброво – месност Јаворица (нискостеблеста деградирана шума и сува трева);
2. Општина Македонски Брод: с.Грешница (мешана шума);
3. Општина Виница: круг на Фабрика Треска (сува трева и пелевина);
4. Општина Босилово 1: с.Бориево (сува трева);
5. Општина Босилово 2: с.Иловица (ѓубре и сува трева);
6. Општина Липково: с.Матејче (нискостеблеста шума);
7. Општина Кичево: кај Стража;
8. Општина Аеродром: под мостот на р.Вардар, на патниот правец Идризово – Долно Лисиче (ѓубре);
9. Општина Гази Баба 1: Парк шума Гази Баба (сува трева);
10. Општина Гази Баба 2: с.Трубарево (сува трева);
11. Општина Гази Баба 3: с.Трубарево (3 ТППЕ) (сува трева);
12. Општина Сарај: с.Копаница (2 ТППЕ) (стрниште);
13. Општина Кисела Вода: с.Драчево (3 ТППЕ) (стрниште);
14. Општина Центар: ул.Војдан Чернодрински (сува трева);
15. Општина Могила: с.Српци – с.Беранци (сува трева);
16. Општина Ресен: Депонија (ѓубре);
17. Општина Крива Паланка: нас.Ловачки (сува трева);
18. Општина Струмица: с.Габрово (депонија и сува трева);
19. Општина Куманово 1: Никуљски пат (стрниште и сува трева);
20. Општина Куманово 2: ул.Октомвриска (сува трева);
21. Општина Брвеница: с.Милетино (сува трева).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Земјотрес рано утринава ги разбуди граѓаните на Валандово и на околината

Утрово во 5:54 часот, земјотрес со јачина од 3,3 степени според Рихтеровата скала го стресе регионот околу Валандово, информира Сеизмолошката опсерваторија при Природно-математичкиот факултет во Скопје.
Телеметриската сеизмолошка мрежа на Македонија го регистрирала потресот на неколку сеизмолошки станици ширум државата, при што е утврдено дека епицентарот се наоѓа во епицентралното подрачје Валандово, оддалечено околу 120 километри југоисточно од главниот град.
Според првичните информации од Сеизмолошката опсерваторија, земјотресот бил почувствуван во Валандово и околните населени места со интензитет од IV степени според Европската макросеизмичка скала (EMS).
Засега нема информации за причинета материјална штета или повредени лица, но локалното население на социјалните мрежи известува дека потресот бил „краток, но силен“, и ги разбудил во раните утрински часови.
Сеизмолозите продолжуваат да ја следат ситуацијата и ги повикуваат граѓаните на смиреност, посочувајќи дека ваквите потреси се честа појава во сеизмички активниот регион на југоисточна Македонија.
Македонија
Колони на границите, на „Богородица“ се чека до 40 минути, на „Табановце“ до 30 минути

Сообраќајот на државните патишта се одвива непречено и по суви коловози, но фреквенцијата на возила, особено кон граничните премини, денеска е значително зголемена, информира Автомотосојузот на Македонија (АМСМ).
Најголема гужва има на Граничниот премин Табановце, каде времето на чекање за влез и излез од државата е од 15 до 30 минути. На Богородица ситуацијата е уште поинтензивна – за излез од државата се чека до 40 минути, додека на ГП Дојран времето на задржување е 20 до 30 минути.
„Состојбата на патиштата е стабилна и коловозите се суви, но фреквенцијата е зголемена. Апелираме до сите учесници во сообраќајот да возат внимателно, со прилагодена брзина и да ја почитуваат сигнализацијата, особено на делниците каде што има опасност од одрони“, велат од АМСМ.
Посебна претпазливост се препорачува на патните правци низ котлините, речните долини и клисурите – Катланово – Велес, Маврово – Дебар – Струга, Виница – Берово и Кочани – Делчево – каде што постои ризик од појава на одрони.
На останатите гранични премини од македонска страна, нема подолги задржувања за влез и излез од државата.
Македонија
Денес сончево со ветер, од утре повторно температурата во постепен пораст

Управата за хидрометеорологија (УХМР) за денес прогнозира претежно сончево време со умерен до засилен ветер од северен правец, кој наместа ќе достигнува брзина од 60км/ч.
Минималната температура ќе биде во интервал од 11 до 20, а максималната ќе достигне од 27 до 36 степени.
Во Скопје, сончево со умерен до засилен северен ветер. Минималната температура ќе се спушти до 19, а максималната ќе достигне до 35 степени.
Од понеделник следува период на стабилно и потопло време со постепен пораст на дневнaтa температура.