Кандидатот за градоначалник на Општина Чаир, Бујар Османи, денес ја претстави визијата за целосна реставрација и ревитализација на Старата Чаршија, проект кој, како што рече, има за цел да ѝ го врати автентичниот изглед, дух и достоинство на оваа историска и културна целина.

„Нашата идеја е да ѝ ја вратиме автентичноста, да ѝ го вратиме имиџот. Треба да го вратиме вистинскиот лик на Чаршијата, нејзината историја и нејзиниот дух“, изјави Османи, потенцирајќи дека Чаршијата е најголемото урбано и културно богатство на градот и симбол на идентитетот на Скопје.

Тој истакна дека состојбата на Чаршијата денес е далеку под нејзиниот потенцијал и од вредноста што ја заслужува.

„Денес Чаршијата не е она што треба да биде. Го загубила својот имиџ, својот автентичен и историски карактер. Таа е нечиста, влезовите се блокирани, дупките по улиците се опасни за пешаците и туристите“, рече Османи, додавајќи дека ваквата слика не доликува на најголемата и најубавата чаршија на Балканот.

За оваа цел, тој најави формирање на Стратешки управен совет во кој ќе бидат вклучени сите засегнати страни општината, еснафот на чаршијата, бизнисите, младите, жените и верските заедници. Овој совет ќе ја дефинира стратешката насока на развојот на Чаршијата, појасни Османи.

„Важно е да има заедничко управување. Ниту едно решение нема да се наметне без консензус на сите страни. На тој начин ќе создадеме уникатен дизајнерски код за Чаршијата, и ќе го унифицираме нејзиниот визуелен изглед и карактер. Не смееме да дозволиме хаос во архитектурата или дизајнот“, изјави Османи.

Тој појасни дека, општината ќе ги подготви сите потребни документи и апликации за секој сопственик на објект во Чаршијата, за да го олесни процесот на реновирање.

„Мора да ги отстраниме елементите што го нарушуваат нејзиниот историски изглед. Наместо автентична глетка, гледаме чадори со натписи како ‘Coca-Cola’ или ‘Скопско’и тоа мора да го смениме“, рече Османи.

Османи најави дека проектот ќе биде поддржан од архитекти и експерти за културно наследство, меѓу кои и меѓународно познатиот архитект Мишел Ројкинд, кој веќе изработува концепт за поврзување на плоштадот „Скендербег“ со Скопското Кале.

„Проектот за ‘Скендербег’ е симбол на нашата заложба да создадеме мост меѓу историјата и современоста. Над овој плоштад ќе се изгради покриена мултифункционална галерија, која визуелно ќе се поврзе со Скопското Кале, создавајќи континуитет на кулите и традиционалната архитектура. Оваа галерија ќе биде мултиетнички и мултиверски центар за културни, уметнички и едукативни активности“, истакна Османи.

Тој додаде дека визијата за Чаршијата не е насочена само кон физичката обнова, туку и кон оживување на културниот живот во Чаршијата преку фестивали, занаетчиски саеми, пазари и верски прослави.

Во рамките на економската поддршка, општината ќе ги субвенционира новите занаетчиски бизниси и мајсторите кои ќе ги обучуваат младите во традиционални занаети, а ќе се создаде и брендот „Made in Charshija“ или „Направено во Чаршија“ за да се промовираат локалните производи.

„Луѓето не доаѓаат во Чаршија поради „брза храна“, туку поради нејзиниот историски карактер и занаетчиските производи. Затоа, општината ќе го субвенционира секој нов занаетчиски бизнис што ќе се отвори во Чаршијата, како и секој мајстор што ќе ги пренесува традиционалните вештини на младите ученици“, изјави Османи.

Тој потенцираше дека од 1997 година, Чаршијата нема урбанистички план, ниту детален урбанистички план, што не смеело да се дозволи.

Кандидатот за градоначалник на Општина Центар, Мирослав Лабудовиќ, најави серија конкретни проекти со кои ќе се стави крај на долгогодишниот сообраќаен хаос и ќе започне ново поглавје во урбаното уредување на општината.

„Секојдневниот метеж, хаосот на улиците и борбата за паркинг станаа симбол на Центар. Пешаците немаат каде да поминат, велосипедистите се борат за простор, а возачите се движат низ преполни улици без ред. Време е да се стави крај на тоа. Време е Центар повторно да дише,“ изјави Лабудовиќ.

Во фокусот на проектите се реконструкцијата и целосното преуредување на клучните улици во населбата Буњаковец – Христо Смирненски, 9 Мај и 20 Октомври. Со нов асфалт, модерни тротоари, повеќе зеленило и урбана опрема, овие улици, според најавеното, ќе го добијат изгледот што го заслужуваат, а граѓаните – безбедно и удобно место за живеење.

Паралелно, се воведува резидентен и комерцијален паркинг систем што ќе им даде приоритет на жителите, но и ќе донесе ред во паркирањето на центарските улици. Преку нови правила, ред и дигитални решенија, ќе се елиминираат хаотичните сцени со возила на тротоари, тревници и премини.

Како дел од концептот за паметна мобилност, ќе биде воведен смарт-паркинг систем со дигитална контрола, апликација и фер наплата, што ќе им овозможи на граѓаните во секој момент да видат каде има слободни паркинг-места и да го планираат движењето без непотребно губење време и нерви.

Посебен акцент е ставен на изградбата на катна гаража во Буњаковец, како и на други локации во Центар, што ќе овозможи растоварување на улиците и конечно ќе се воспостави ред во паркирањето.

„Ова не се празни ветувања, туку реален и издржан план што ќе го промени секојдневието на граѓаните. Центар мора да стане општина на функционални улици, безбедни пешаци и достапен јавен простор. Време е да ја вратиме современата слика на Центар – општина што дише, се движи и живее по нови правила,“ порача Лабудовиќ.

Со овие проекти, Центар конечно се движи кон модел на европска општина – уредена, безбедна и хумана, во која граѓаните се во центарот на вниманието, а секој чекор, секој метар улица и секое паркинг-место ќе значи повеќе ред, мир и квалитетен живот, додава тој,

Со кампањата „За сè што е важно“, Тиго повторно покажува дека е лидер во доверба, иновација и грижа за клиентите, потврдувајќи дека клиентите не се само бројки, туку инспирација. Со оваа наградна игра, компанијата покажува дека секој избор е важен, и дека Tigo.mk секогаш е тука за да го поддржи секој следен чекор на своите клиенти.

Tigo.mk ја започна својата најголема наградна игра досега – проект што ја спојува маркетинг кампањата „За сè што е важно“ со можноста клиентите да освојат навистина вредни награди. Наградната игра е замислена како благодарност за довербата што илјадници клиенти ја укажуваат на Tigo.mk, но и како поттик да се направи следниот чекор – со сигурност и вистинска поддршка. Иако на самите почетоци, наградната игра веќе предизвикува одличен интерес кај граѓаните, за што сведочат и бројните посети во Tigo.mk филијалите и повиците во контакт центарот 13 700.

Имено, секој нов или повторен клиент кој ќе аплицира за кредит во износ над 10.000 ден. во периодот од 1 октомври 2025г. до 29 јануари 2026 г. автоматски учествува во извлекувањето и станува потенцијален добитник на некоја од вредните награди:

· 8 парични награди, во поединечна вредност од 10.000 денари,

· 1 ваучер за патување во вредност од 2.000 евра

· и главната награда – нов автомобил Chery TIGGO 4 PRO Comfort.

Шансите за добивка се зголемуваат со зголемувањето на износот на кредитот, односно, секој нареден износ од 10.000 ден. над првите 10.000 ден. од кредитот претставуваат дополнителна шанса за добивка. На пример, за кредит од 200.000 денари, клиентот учествува 20 пати во извлекувањето на награда.

Извлекувањето на наградите ќе се одвива со следната динамика

· 15 ноември 2025 г. – кога ќе бидат извлечени 8-те добитници на парични награди

· 15 декември 2025 г. – кога ќе биде извлечен добитникот на ваучер за патување по избор на клиентот, во износ од 2.000 евра

· 30 јануари 2026 г. – големото финале и извлекување на автомобилот Chery TIGGO 4 PRO Comfort

Кампањата „За сè што е важно“ ја зајакнува блискоста со клиентите и носи конзистентен визуелен идентитет и препознатлива порака. Реакциите на клиентите покажуваат дека Tigo.mk останува бренд што го гради својот успех на доверба, транспарентност и вистинска грижа за секој клиент.

За сè што е важно. Tigo.mk – секогаш со тебе. Повеќе информации за наградната игра и правилата се достапни на следниот линк>>>. Повеќе информации за Tigo.mk се достапни на веб страницата www.tigo.mk, во било која Tigo.mk филијала или на телефонскиот број 13 700.

ПР