Македонија
Синдикатот на одбраната со повик до пратениците: да ги надминат политичките надмудрувања и да го поддржат носењето на законот за вработените во МО
Синдикатот на одбраната и безбедноста (СОБ), член на Сојузот на Синдикатите на Македонија (ССМ), кој е единствен репрезентативен синдикат за јавниот сектор во Македонија, како социјален партнер на Министерството за одбрана (МО) подолг временски период одржуваше преговори со министерот за одбрана, Славјанка Петровска, во насока на донесување законско решение за вработените во МО (закон за вработените во Министерството за одбрана).
Преку социјален дијалог со Министерството за одбрана, Синдикатот на одбраната и безбедноста успеа, како што информираат од таму, да договори комплетно нов предлог-закон за вработените во Министерството за одбрана, при што, како што појаснуваат, првпат се предвидени клучни права од работен однос за вработените во МО, и тоа:
– исправување на дискриминацијата на работничките права, еден работодавец – три закони за разни групи вработени,
– се воведува бенифициран стаж за вработените во МО,
– изедначување на правата за пензионирање со АРМ,
– пензионирање на вработените во МО со навршени 40 години стаж,
– основица за пресметка при пензионирање да биде најдобрите 10 години,
– еднакви плати за исти работни задачи во МО и АРМ.
„Со оглед дека во Собранието на Македонија е во процедура донесување закон за вработените во Министерството за одбрана, Синдикатот на одбраната и безбедноста (СОБ) ги повикува пратениците од сите политички партии да ги надминат политичките надмудрувања и да им дадат поддршка на горенаведените законски решенија предвидени во предлог-законот за вработените во Министерството за одбрана, да го деблокираат неговто донесување и со соодветни суштински амандмани да учествуваат во подобрување на предложеното законско решение. Со тоа ќе покажат дека донесуваат закони во полза на работниците, односно на вработените во Министерството за одбрана“, се истакнува во нивниот допис.
Оценуваат дека со донесувањето на овој закон, кој, како што велт, е во согласност со принципите на земјите членки на НАТО, ќе се овозможат подостоинствени работнички права, подобри услови за работа, како и подобар стандард на вработените во МО, со што ќе бидат чекор поблиску до своите колеги од ЕУ и земјите во НАТО.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Здружението на судии загрижено за изјавите за Управниот суд: со нив се врши притисок врз судиите и судиското одлучуваљње
Здружението на судии во врска со реакцијата на Управниот суд на РСМ, ја искажува својата загриженост за изјавите на поединци со кои, како што се истакнува во соопштението, директно или индиректно се врши притисок врз судиите и судиското постапување и одлучување.
Како што велат, припадноста кон одредена политичка партија и можноста за идно владеење односно учество во извршната власт, не смее да се користи за коментирање, заканување или влијание врз судиското одлучување.
Оценуваат дека таквите изјави се штетни пред се за политичките субјекти кои ги пласираат во јавноста, а истовремено може да се разберат и како обид да се поткопа непристрасноста и интегритетот на судиите.
„Во однос на неоснованите обвинувања кои беа упатени на адреса на Претседателот на Управниот суд на РСМ, како Здружение на судии даваме целосна поддршка на колегите од именуваниот суд и напоменуваме дека секој избран судија е независен во своето одлучување и таа независност му е Уставно загарантирана. Па во тој правец и при најмал сомнеж за евентуален обид за притисок или влијание врз неговата работа, без разлика од кого доаѓа, е должен да ги извести надлежните судиски инстанци. Воедно, сите останати општествени чинители, а особено претставниците на политичките партии се должни да ја почитуваат загарантираната судиска независност што е во духот и на демократскиот развој и Европскиот просперитет на земјата“, потенцираат од ова здружение.
Македонија
Одбиена тужбата на „Европскиот фронт“ за избирачкото место во Долнени
Управниот суд ја одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија” за избирачкото место 1470 во Долнени на Парламентарните избори 2024.
„Европскиот фронт“ поднесе седум тужби против решенија на ДИК на Парламентарните избори 2024.
Досега Управниот суд ja одби како неоснована и тужбата за избирачкото место 1194, во Општина Крушево.
Македонија
Мицотакис со предупредување: Ако некои веруваат дека можат да го игнорираат Договорот, треба да разберат дека нивниот пат кон Европа ќе остане затворен
Грчкиот премиер Киријакос Мицотакис уште еднаш ја предупредува Македонија дека прекршувањето на Договорот од Преспа, со кој се реши долгогодишниот спор за името меѓу двата соседа, ќе ги загрози амбициите на балканската земја за членство во ЕУ, пишува грчки „Катимерини“
Говорејќи од градот Верија во северна Грција за време на неговата кампања пред изборите за Европскиот парламент во јуни, Мицотакис изјави дека трите меморандуми за разбирање поврзани со договорот од 2018 година нема да бидат ратификувани од Парламентот се додека новото раководство во Скопје продолжи со прекршување на договорот.
„Ако некои веруваат дека можат да го игнорираат договорот, треба да разберат дека нивниот пат кон Европа ќе остане затворен, а меморандумите нема да бидат ратификувани освен ако не се почитува она што го предвидува договорот“, рече тој.