Македонија
Сириски новинар тврди: ликвидиран терорист кој од Македонија дошол во Сирија за да се бори

Терористот Абдул Рахман Бела, попознат како Калед ал-Албани, водачот на албанската терористичка група што се бори против сириската армија, е убиен во северна Сирија.
Според сирискиот новинар Мохамед Даба, тој бил убиен од снајпер на сириската арапска армија во провинцијата Идлиб.
„Снајперистот на сириската арапска армија го фати терористот (Абдул Рахман Бела) со прекар Калед ал-Албани, кој е воен командант во терористичка организација Албанска група, која е присутна на фронтот против сириската армија на фронтовите на северна Латакија. Терористот Абдул Рахман Бела потекнува од Македонија, а во Сирија дојде во 2013 година. Тој може да се види на неодамнешната фотографија десно до саудискиот терорист Муслех ал-Олаани во селото Идлиб“, рече Даба на платформата „Икс“.
ريف #اللاذقية
قناص الجيش العربي السوري يصطاد الإرهابي ( عبد الرحمن بيلا ) الملقب باسم خالد الألباني وهو قائد عسكري في تنظيم ما يسمى ” جماعة الألبان ” الإرهابي المتواجدة على خطوط المواجهة ضد الجيش السوري على جبهات ريف اللاذقية الشماليينحدر الإرهابي عبد الرحمن بيلا من مقدونيا… pic.twitter.com/294eOcQQPb
— محمد ضبع Mohamad Dabaa 🇸🇾 (@MohamadDaba9966) February 5, 2024
Тој сподели уште неколку фотографии од Ал Албани.
„Првата датира од почетокот на 2013 година кога дошол во Сирија преку Турција за да бара слобода од ‘режимот’ затоа што некој му рекол дека неговиот 70-годишен прапрадедо пред 7.000 години можеби бил Сириец!! Втората фотографија датира од 2014 година со терористот Иса ал-Албани, кој беше убиен во претходните битки против сириската армија“, вели Даба.
صور أخرى للإرهابي خالد الألباني القيادي في تنظيم ” جماعة الألبان ” والذي قتل برصاص قناص الجيش السوري على جبهات ريف #اللاذقية مؤخراً
الصورة الأولى تعود لأوائل العام 2013 عندما جاء إلى سوريا ( ريف ادلب ) عبر تركيا ليطلب الحرية من “النظام” لأن أحدهم اخبره أن جده السبعين قبل 7 الاف… https://t.co/Pjr39bvIEh pic.twitter.com/wqRRyzJdKS
— محمد ضبع Mohamad Dabaa 🇸🇾 (@MohamadDaba9966) February 6, 2024
Албанската група е терористичка организација основана од терористиот Абу Катада ал-Албани во 2013 година. Тој се борел под знамето на ИСИС, потоа дезертирал од таму кога терористичката организација почнала да се распаѓа, а потоа пребегнал кај оперативецот Хајат Тахрир ал-Шама, исламистичка група која е создадена со ребрендирање на Ал Нусра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Родителите на загинатите се пред МВР: И без душа и без дете, ние пеш дојдовме, сега нека излезе Тошковски место ние да влеземе

Родителите и роднините на загинатите во Кочани стигнаа пред Министерството за внатрешни работи. Решија да дојдат пред Министерството откога министерот Панче Тошковски ги известил дека ќе ги прими на средба. Измачени од маршот, кој почна пред три часа, тие застанаа пред Министерството.
„Кога ние можевме да дојдеме до тука, ако има храброст, нека излезе тој пред нас родителите. Ние толку голем пат поминавме до тука, нека излезе тој од почит кон нас родителите. Штом не знаеше со автомобилот да дојде пред Собранието, еве ние пеш дојдовме до тука и без душа, и без сила, и без дете. Сакаме да дојде тука пред нас“, рече една од мајките на загинатите и седна на асфалтот пред МВР.
Друга мајка предложи да влезат и да разговараат со министерот сами, како што направија во Обвинителството, но повеќето рекоа дека се исцрпени и чекаат министерот да покаже почит.
Пред Собранието пред родителите на загинатите излегоа лидерот на опозицискиот СДСМ, Венко Филипче, и неколкумина негови сопартијци пратеници, како и пратеници од партијата Левица. Кога Филипче им објасни дека институционално во Собранието се борат за неселективна правда, родителите на загинатите им рекоа да си депонираат оставки од функциите кај претседателот на Собранието оти нивната борба личи на борба во себе. Ги потсетија пратениците на СДСМ дека се многу поборбени кога се борат за да дојдат на власт, па прават шарени и какви ли уште не револуции.
Македонија
Обвинителите се сретнаа со семејствата на загинатите во пожарот во „Пулс“

Јавниот обвинител и тимот обвинители што постапуваат во предметот за пожарот во кочанската дискотека „Пулс“ денеска се сретнаа со семејствата на жртвите oд трагедијата.
Од Обвинителството, по средбата, соопштија дека семејствата биле информирани за досегашниот тек на истражната постапка.
„Одговарајќи на сите поставени прашања и дилеми на блиските на починатите, обвинителите ги уверија дека истрагата е сеопфатна и се земаат предвид сите аспекти на евентуална одговорност за трагичниот настан“, велат од Обвинителството.
На семејствата им била најавена и динамиката на претстојните распити на оштетените како следна фаза од истражниот процес.
Македонија
Тошковски ќе се сретне со семејствата на загинатите во Кочани, Мицевски вели: Нема простор за политичко профитерство

Денес, на 46-тата собраниска седница, на која се расправаше за интерпелацијата за министерот Панче Тошковски, од собраниската говорница се обрати и координаторот на пратеничката група на ВМРО-ДПМНЕ, Никола Мицевски.
„Побарав процедурално бидејќи сакав накусо да се обратам до сите пратеници, но и до целата македонска јавност. Нема да ги дозволиме политичките профитери од опозицијата да ја злоупотребат, вулгализираат и да ја пренесат на улица трагедијата од Кочани и да си поигруваат со тажната судбина на овие луѓе“, изјави Мицевски.
Тој истакна и дека единственото решение е институционално и брзо решавање на случајот и ја информира јавноста дека денес министерот за внатрешни работи Панче Тошковски ќе ги прими семејствата на загинатите од трагедијата во Кочани.
„Единственото решение е институционално и брзо решавање на овој случај. За тоа работиме, за тоа се залагаме. Сè друго е политичко некрофилство. Имено, ја информирам јавноста и вас пратениците дека министерот за внатрешни Панче Тошковски во 14.30 часот во Министерството ќе ги прими и ќе оствари средба со семејствата на загинатите од трагедијата во Кочани. Од овие причини барам 1 час пауза. А потоа ќе продолжиме со работа по интерпелацијата за која очигледно не ви е гајле бидејќи тој што ја поднесе прв замина и не е присутен на оваа пленарна седница“, прецизира Мицевски.