Врховниот суд во понеделникот ја испратил одлуката за изземање на судиите во случајот „Титаник“ до Апелациониот суд во Скопје, потврдуваат оттаму за „Макфакс“. Решението и предметот се испратени до апелационите судии, одговорија од највисокиот суд за „Макфакс“. Кога решението ќе биде готово, тоа оттаму ќе биде испратено во кривичниот суд. За предметите ТНТ и „Насилство“ повисоките судови донесоа одлука дека нема основа за изземање на судиите.

Поради немањето одлука за изземање, беше одложено и денешното судење за случајот „Титаник“, во кој се обвинети експремиерот Никола Груевски и уште 20 други лица. Адвокатот Еленко Миланов побара изземање на судиите поради сомнеж дека ги има во бомбите.  На денешното рочиште дојдоа сите обвинети, меѓу кои и Гордана Јанкулоска, која не се појави на претходното судење поради отворено боледување. Следното рочиште е закажано за 9 мај.