Македонија
Скопје го доби првиот центар за јавно говорење
Скопје го доби првиот центар за јавно говорење. Центарот за јавно говорење нуди индивидуални, групни и корпоративни тренинг-програми наменети за усовршување на јавен настап, говорнички и презентациски вештини.
Тренинг-програма за стекнување основен говорен и презентерски статус, совладување на основни и напредни говорнички вештини, усовршување на изговор, ритам и гестикулација, координација на невербална комуникација, совладување на трема и страв од јавен настап и стекнување на говорен стил и имиџ.
Едукативната програма е наменета за директори на компании, менаџери за продажба и маркетинг, сопственици на мали, средни и големи претпријатија, студенти, лица кои сакаат да ги унапредат говорничките вештини, лица кои имаат страв и трема од јавен настап, лица кои настапуваат на радио и телевизиски емисии и лица кои сакаат да го унапредат деловното и медиумското влијание.
Тренинг-програмите ги води Марија Димишкова. Родена е 1989 година во Скопје. По професија е дипломиран новинар, а од 2014 година е магистер по односи со јавност. Во 2006 година е избрана за најдобар оратор средношколец на град Скопје, признание од УСАИД. Во 2009 година е прогласена за најдобар оратор на ораторските вечери „Иво Пухан” на Правниот факултет „Јустинијан први” во Скопје. Во 2013 година е прогласена за прв добитник на специјалната награда „Бранко Ѓорчев”, за најдобар сценски настап.
Димишкова е наратор на документарни филмови, а нејзиниот глас е позајмен за голем број телевизиски и радиореклами. Има работено како тренер за јавно говорење на повеќе проекти од областа на говорништво, меѓу кои „Вештини на јавно говорење”, „Јазични бариери во комуницирањето”, „Победете го стравот од јавен говор”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Здружението на судии загрижено за изјавите за Управниот суд: со нив се врши притисок врз судиите и судиското одлучуваљње
Здружението на судии во врска со реакцијата на Управниот суд на РСМ, ја искажува својата загриженост за изјавите на поединци со кои, како што се истакнува во соопштението, директно или индиректно се врши притисок врз судиите и судиското постапување и одлучување.
Како што велат, припадноста кон одредена политичка партија и можноста за идно владеење односно учество во извршната власт, не смее да се користи за коментирање, заканување или влијание врз судиското одлучување.
Оценуваат дека таквите изјави се штетни пред се за политичките субјекти кои ги пласираат во јавноста, а истовремено може да се разберат и како обид да се поткопа непристрасноста и интегритетот на судиите.
„Во однос на неоснованите обвинувања кои беа упатени на адреса на Претседателот на Управниот суд на РСМ, како Здружение на судии даваме целосна поддршка на колегите од именуваниот суд и напоменуваме дека секој избран судија е независен во своето одлучување и таа независност му е Уставно загарантирана. Па во тој правец и при најмал сомнеж за евентуален обид за притисок или влијание врз неговата работа, без разлика од кого доаѓа, е должен да ги извести надлежните судиски инстанци. Воедно, сите останати општествени чинители, а особено претставниците на политичките партии се должни да ја почитуваат загарантираната судиска независност што е во духот и на демократскиот развој и Европскиот просперитет на земјата“, потенцираат од ова здружение.
Македонија
Одбиена тужбата на „Европскиот фронт“ за избирачкото место во Долнени
Управниот суд ја одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија” за избирачкото место 1470 во Долнени на Парламентарните избори 2024.
„Европскиот фронт“ поднесе седум тужби против решенија на ДИК на Парламентарните избори 2024.
Досега Управниот суд ja одби како неоснована и тужбата за избирачкото место 1194, во Општина Крушево.
Македонија
Мицотакис со предупредување: Ако некои веруваат дека можат да го игнорираат Договорот, треба да разберат дека нивниот пат кон Европа ќе остане затворен
Грчкиот премиер Киријакос Мицотакис уште еднаш ја предупредува Македонија дека прекршувањето на Договорот од Преспа, со кој се реши долгогодишниот спор за името меѓу двата соседа, ќе ги загрози амбициите на балканската земја за членство во ЕУ, пишува грчки „Катимерини“
Говорејќи од градот Верија во северна Грција за време на неговата кампања пред изборите за Европскиот парламент во јуни, Мицотакис изјави дека трите меморандуми за разбирање поврзани со договорот од 2018 година нема да бидат ратификувани од Парламентот се додека новото раководство во Скопје продолжи со прекршување на договорот.
„Ако некои веруваат дека можат да го игнорираат договорот, треба да разберат дека нивниот пат кон Европа ќе остане затворен, а меморандумите нема да бидат ратификувани освен ако не се почитува она што го предвидува договорот“, рече тој.