Македонија
Скопје се разбуди со ритамот на тркачите: 18. издание на „Визер – Скопски маратон“ со нови рекорди и уникатни транспаренти
Над 8500 тркачи од повеќе од 47 земји од светот ги исполнија скопските улици со спортска атмосфера, позитивен утрински дух и безброј насмевки, кои што беа вистинска инспирација за навивачките групи долж рутата на најмасовната спортска манифестација во Македонија. Ваква беше атмосферата на 18тото издание на Виз Ер Скопски маратон.
Традиционалните трки на овој маратон започнаа во 08:00 часот во центарот на главниот град, по нова патека, која се здоби со А сертификат од АИМС и Светската атлетска федерација, како големо достигнување за квалитетот на овој настан и вредноста на учеството во истиот.
Финишот на сите трки беше плоштадот „Македонија“, кој со ова издание повторно прерасна во традиционалното место за завршување на Виз Ер Скопскиот маратон.
На 18то издание на Виз Ер Скопски маратон, победник во машка конкуренција е Онесмус Киплимо Киплагат со време од 02:18:19. Второто место го освои Дарио Ивановски со време од 02:23:07, а пиедесталот го дополни Никола Илиевски со време од 02:43:28.
Во женска категорија прва до целта стигна Кетрин Черотич со време од 02:38:48, второпласирана заврши Билјана Кираџиева со време од 03:04:49 и третото место го освои Тамара Попов со време од 03:23:00.
„Виз Ер Скопскиот маратон од година во година, сè повеќе ја зголемува свеста за улогата на трчањето и спортувањето во оддржувањето на здравјето, а доказ за тоа се сè почестите тркачи низ улиците кои тренираат и се подготвуваат за маратонот во текот на целата година, како и бројот на годинешните учесници кој надмина 8500. На ниво како светските маратони, – и оваа година во утринско расположение, асфалтот низ Скопје и оваа година трепереше од чекорите на тркачите, кои доаѓаат од Македонија, но и од многубројни земји од целиот свет. Им упатувам искрени честитки на сите победници на сите трки, како и на сите учесници и волонтери на 18тото издание на Виз Ер Скопски маратон, – вие сте инспирацијата и срцето на овој настан,“- изјави Кире Синадиновски, директор на Виз Ер Скопски маратон.
Амбасадорот на Делегацијата на Европската Унија, Дејвид Гир, присуствуваше на оваа спортска манифестација и ги додели наградите на прво пласираните на ова издание на маратонот.
Во машка конкуренција од македонските натпреварувачи, прв до целта стигна Дарио Ивановски со време од 02:23:07, второто место му припадна на Никола Илиевски со време од 02:43:28, додека на третото место заврши Миле Бачески со време од 02:45:29.
Од женските претставници на Македонија, првото место го освои Билјана Кираџиева со време од 03:04:49, второто место и припадна на Тамара Попов со време од 03:23:00, а на трето место заврши Весна Кираџиева со време од 03:44:09.
Најдобар на полумаратонот во машка конкуренција и во категорија на македонски атлетичари е Жан Тошев со време од 01:11:56, на второ место заврши Иван Пешовски со време од 01:13:24, додека третото место му припадна на Атанас Анчевски со време од 01:13:45.
Победничка на полумаратонот во женска категорија и со нов рекорд на патеката е Адријана Поп Арсова со време од 01:16:12, пиедесталот го пополнија е Греса Бакрачи од Косово со време од 01:22:54 на второто место и Миљана Ристиќ со време од 01:28:01 на третото место.
Во женската конкуренција од македонските натпреварувачки на полумаратонот, првопласирана Адријана Поп Арсова со време од 01:16:12, на второ место за време од 01:28:01 заврши Миљана Ристиќ, а на трето место е Марина Домазетовска со време од 01:33:54 .
Градоначалничката на Град Скопје, Данела Арсовска оваа година ги закити победниците на полумаратонот со заслужените медали.
Победници на најкратката трка по должина, 5км, беа Григоријан Никовски за време 00:17:00 во машка конкуренција, втор заврши Јован Костовски за време 00:17:23 и трет беше Христијан Танески за време 00:17:36, додека кај дамите друштво на пиедесталот на победничката Одета Белегу за време 00:20:07 и правеа Ирма Хајдари за време 00:20:21 и Магдалена Станковска за време 00:20:36.
Наградите на најдобрите тркачи на трката од 5км ги додели, Наумче Мојсоски, претседателот на Агенцијата за млади и спорт.
„Значителен успех е да се организира спортска манифестација од ваков ранг која со ова издание полека го враќа бројот на учесниците како пред пандемијата. Овој маратон годинава го посветуваме во чест на претседателот на Сојузот на спортови, Ѓорѓи Кузмановски, кој иако нè напушти неколку дена пред оддржувањето на маратонот, неговата посветеност, труд и улога како главен мотиватор за зачувување и промовирање на спортските вредноста, – за секоја година овој настан да се зголемува и напредува сè повеќе, – ќе останат запаметени како уникатен пример за сите генерации,“ изјави Гордана Николовска од Сојуз на спортови на Скопје.
Организаторите на Виз Ер Скопски маратон ги потсетија присутните за важноста да ја негуваме љубовта кон трчањето и здравиот живот, а воедно со спортски поздрав им упатија благодарност и честитки на сите победници и учесници, како и на секој волонтер на овогодинешното издание на маратонот, чија укажана помош секоја година е незаменлива и прави разлика во уште поуспешна организација на овој спортски настан.
Виз Ер Скопски маратон е организиран од страна на Сојузот на спортови на Скопје, во соработка со Атлетски Клуб „Работнички“ од Скопје, Министерството за внатрешни работи е партнер на маратонот, а како и секоја година оваа најмасовна спортска манифестација е под покровителство на Град Скопје, Делегацијата на Европската Унија и Агенцијата за млади и спорт.
Традиционалните награди за најдобар транспарент, како и за најдобра фотографија, како дел од еден од најзабавните делови од маратонот, – ќе бидат финално објавени на официјалната фан страница на Виз Ер Скопски маратон на социјалната мрежа Фејсбук.
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Филипче: Со ВМРО-ДПМНЕ на власт храната станува луксуз
Што имаме ние од скандинавската среќа што премиерот Мицкоски и ВМРО ДПМНЕ сакаат да ни ја прикажат и да не разубедат дека во држава со 400 евра минимална плата и цените што дивеат, добро се живеело. Да, се живее, ама до 10-ти во месецот, потоа е период на преживување. Со ВМРО ДПМНЕ на власт, година и пол, храната стана луксуз, луксуз е минималната плата, луксуз е чистиот воздух и справувањето со отпадот, луксуз е правдата, луксуз е да се има достоинствен живот. Ама, не е луксуз рекордно задолжување, новиот долг од 1,8 милијарди евра за првите 13 месеци, без никаков реален и видлив ефект на развојот, истакна лидерот на СДСМ, Венко Филипче на вечерашната граѓанска трибина под слоганот „Се бориме се нашиот дом“ што се одржа во Радовиш.
Додаде дека откако на власта не им успеале така наречените „кошнички“, кои се покажале дека биле само лажен пи-ар и откако не презеле ништо, Владата на ВМРО ДПМНЕ користела само спинови и манипулации.
– Реалните податоци кажуваат инфлација од 4 отсто, а власта со спин се обидува да каже минус 0,2 отсто, ама споредувано месец со месец. Вистината е дека реалната инфлација е 4 отсто, дека храната е поскапа 6,3 отсто, цените во рестораните и хотелите над 8 отсто. Колку сакаат нека прават спинови, граѓаните гледат и чувствуваат. Не им требаат бројки, знаат колку можеле да купат со истите пари пред една година, а колку може сега. Ќесата од маркет е се попразна и се полесна, се бира што да се купи. Премиерот треба да знае дека граѓаните не може да живеат од неговите спинови, туку од она што им останува во паричникот, потенцираше Филипче.
Тој ги повика радовишани на 19 октомври да излезат масовно на гласање и да го дадат својот глас за кандиатот за градоначалник на Радовиш од СДСМ и коалицијата, Ристо Спасов и за советничката листа од оваа коалиција.
Македонија
Мицкоски: Тоа што Филипче ме презира е помало гајле, поголемо е што ја доведе СДСМ на едвај 120-130 илјади гласови
Ова за СДСМ не се избори за спас на Македонија, туку избори за спас на нивните лични кариери. Тие се уплашени од одговорност и затоа ова тесна мала група која што ја има киднапирано СДСМ, ја држи цела држава Македонија во грч. И како такво, јас ова го разбирам како потценување на гласачите и директна уцена врз цела држава, рече вечерва лидерот на ВМРО-ДПМНЕ и премиер Христијан Мицкоски од митингот во Свети Николе.
Мицкоски се осврна и на трката за градоначалник на Град Скопје, посочувајќи дека кандидатот од СДСМ не е во трка со кандидатот за градоначалник од редовите на ВМРО-ДПМНЕ, туку со независните кандидати.
– Јас ја кажувам вистината во очи, без оглед на тоа дали Филипче ме мразел или презирал, како што тоа го кажа на еден од последните митинзи. И тоа што ме презира е помало гајле, поголемо е што таа негова политика на навреди, на ниски зборови, кои што не би требало човек интелектуалец да ги кажува, па колку и да чувствува гнев кон мене и кон ВМРО-ДПМНЕ, ја доведе СДСМ на едвај 120-130 илјади гласови, а во некои општини, оваа политичка партија е трета, во некои е и четврта опција. Во главниот град, на пример, очекувањата се дека нивниот кандидат за градоначалник на Скопје нема да ја надмине бројката од 30 илјади гласови. Што во суштина, е далеку под нивниот биолошкиот минимум, и е доволна основа да биде трка не со ВМРО-ДПМНЕ и со Орце Ѓорѓиевски во Скопје, туку со некои од независните кандидати, истакна Мицкоски.
Осврнувајќи се на довербата во судството, Мицкоски рече дека два проценти доверба во судството се последица на неказнетиот криминал и сознанието дека повеќе од 100 пријави стојат во фиоките на судиите и обвинителите кои им служат на СДСМ и ДУИ.
– Она што сега ги мачи е чувството и сознанието дека се ближи времето на одговорност и се стега обрачот и околу нив и околу оние кои упорно ги штитат. За тие што ги штитат, пак, претседателот на СДСМ, Венко Филипче, ќе каже дека биле големи професионалци, а тие кои што ги штитат и се нивниот последен бастион, се малкумина обвинители и судии, и поради нив денеска довербата на народот во обвинителите и судиите е скромни 2 проценти. Тие два проценти доверба се последица на секој неказнет криминал, на сознанието дека повеќе од 100-тина пријави држат во фиоки и ја штитат својата политичка олигархија по секоја цена. Тие малкумина се нивните лакеи и измеќари, кои што се уште и служат на претходната влада на СДСМ и ДУИ, рече Мицкоски.
Македонија
Спасовски вели дека ВМРО-ДПМНЕ ја злоупотребува трагедијата во Кочани, тврди дека не се јавил да спречи контрола
Пратеникот на СДСМ и поранешен министер за внатрешни работи, Оливер Спасовски денеска ги демантираше, како што вели, лагите изнесени на прес-конференција од страна на ВМРО-ДПМНЕ.
„Најостро ги демантирам лагите и манипулациите коишто ВМРО-ДПМНЕ ги пласира. Ги отфрлам како целосни невистини. Ова е класичен пример за очајна манипулација. Никогаш, ниту во еден момент, не сум се јавил за да спречам контрола, напротив, фактот што контроли имало насекаде е најсилна потврда дека ниту сум влијаел, ниту постои било каков обид за тоа.
Овие лаги кои ги шири власта се очаен обид на ВМРО-ДПМНЕ за последна злоупотреба на трагедијата во Кочани за политички цели, во момент кога јавноста веќе знае дека токму нивни функционери, од сите ешалони на власта, биле директно инволвирани во случајот ‘Пулс’ а сега се заштитени.
Сакам да им порачам дека со спинови и лаги не може да се побегне од фактот дека власта ја попречува правдата за трагедијата во Кочани”, стои во објавата на Спасовски.
Претходно, Викторија Андоновска од ВМРО-ДПМНЕ, на прес-конференција праша, дали Оливер Спасовски се јавувал во СВР Штип и барал да се р’же на полицијата во Кочани за спас на газдата на дискотеката Пулс? Што кријат ЈО и Коцевски?
Во тешка сообраќајка попладнево загина маж, а тешко повредено е 18-годишно момче
Во директен судир на две патнички возила попладнево околу 14 часот на експресниот пат Штип – Велес загинал маж, а...
Зеленски бара акција откако Москва изврши над 4.000 напади за една недела врз Украина
Украинскиот претседател Володимир Зеленски денеска ја повика меѓународната заедница да преземе акција, по една недела во која биле извршени повеќе...
Папата Лав дели дека договорот за примирје во Газа даде искра на надеж во Светата земја
Папата Лав Четиринаесетти изјави дека договорот за примирје во Појасот Газа „даде искра на надеж во Светата земја“. Тој ова...
Фатени шверцери на луксузни автомобили, ОЈО Скопје бара притвор
Основното јавно обвинителство Скопје поведе постапка против три лица за кривични дела – Криумчарење и Фалсификување исправи. Како што се...
Над 500.000 лица се вратиле во градот Газа откако стапи во сила прекинот на огнот
Агенцијата за цивилна заштита на Газа, која е под контрола на Хамас, соопшти дека повеќе од 500.000 лица се вратиле...
Од утре секој ден по 15 часот ќе има блокади за загинатите во дискотеката „Пулс“
Од утре, ќе има мирни јавни собири и блокади на кружниот тек кај двојниот мостот на улицата „Стево Теодосиевски“ во...
18 килограми злато украле разбојниците снимени додека ја ограбуваат златарницата во Гостивар
Министерството за внатрешни работи денеска информираше дека од златарницата во Гостивар се украдени околу 18 килограми злато во вредност од...
Крипто пазарот доживеа историски пад, 1,4 милиони инвеститори во паника
Крипто пазарот доживеа историски пад во петокот, откако американскиот претседател Доналд Трамп најави дека ќе воведе 100-процентни царини на кинескиот...
Сиљановска Давкова по повод 11 Октомври: Да ја сочуваме визијата и храброста на оние што тргнаа во востанички марш
Претседателката на државата, Гордана Сиљановска Давкова, упати честитка до граѓаните по повод 11 Октомври – Денот на народното востание, нагласувајќи...
Од утре гужви на границите со новиот систем за влези и излез, ги објавуваме сите детали за што сè треба да се подготват патниците
По неколку одлагања, од утре на премините на надворешни граници на Шенген зоната започнува постепената примена на новиот европски дигитален...
Осомничениот раководител во РЕК доби затворски притвор, куќниот е укинат поради можност за бегство
Предлогот на Основното јавно обвинителство Битола е прифатен од Кривичниот совет на Основниот суд во Битола и на осомничениот сопственик...
(Видео) Шукова: План и решенија за Гази Баба да стане мотор на развој на Скопје
„Оваа општина има огромен потенцијал. Но наместо да биде мотор на развојот, стана илустрација за стагнација“ – порача Каја Шукова...
Белгија удри во македонскиот ѕид – Фудбалерите освоија бод во Гент
Фудбалската репрезентација на Македонија одигра без голови во Гент, против Белгија, во квалификациите за пласман на Светското првенство во САД,...
(Видео) Филипче: Мицкоски од уста не ме вади
Претседателот на Социјалдемократскиот сојуз на Македонија, д-р Венко Филипче, на граѓанската трибина во Ѓорче Петров, рече дека ВМРО-ДПМНЕ и Христијан...
Мицкоски до Филипче: Професионално ли е што судот на Марковски за стомилионски криминал му дава куќен притвор?
Претседателот на ВМРО-ДПМНЕ, Христијан Мицкоски, се обрати од народниот митинг одржан во општина Богданци, во рамки на изборната кампања 2025...
Разрешен директорот на Клиниката за неврологија, проф. д-р Игор Кузмановски
Министерството за здравство информира дека министерот Азир Алиу денес донесе решение за разрешување на директорот на ЈЗУ Универзитетска клиника за...
Шест уапсени по вчерашната тепачка пред угостителски објект во Скопје
На 09/10.10.2025 полициски службеници од СВР Скопје ги лишија од слобода С.С.(23), М.З.(24), А.Ѓ.(42), И.М.(33), М.З.(55) и Б.Р.(29), сите од...
Застреланиот лекар Шаини ја брани сопругата: Ги отфрлам тврдењата дека зад ова стои госпоѓата Арјета Ајдини
Застреланиот лекар Зекирија Шаини ги отфрли како неосновани и невистинити тврдењата дека неговата сопруга Арјета Ајдини е вмешана во вооружениот...
Српски државјани добија забрана за влез во земјата и парична казна од 4.000 евра за шверц на цигари, биле уапсени во Скопје
Основниот кривичен суд Скопје донесе пресуда врз основа на спогодба од Основното јавно обвинителство Скопје против двајца државјани на Република...
Поликлиника во Расадник со пари од унгарскиот кредит најавија Ѓорѓиевски и Стаменкоска-Трајкоска
По триесет години празни ветувања, поликлиниката во Расадник станува реалност, кажаа денес актуелниот градоначалник на Кисела Вода и кандидат за...
