Македонија
Слободата на Јанкулоска зависи од одлуката на врховните судии
Ако за 16 дена петмина врховни судии не одлучат за времената мерка на ексминистерката за внатрешни работи, Гордана Јанкулоска, таа на 1 јули треба да се појави во затворот „Скопје“ на издржување на четиригодишната затворска казна во случајот „Тенк“.
Од Врховниот суд и од адвокатскиот тим на Јанкулоска за „Макфакс“ потврдија дека заедно со барањето за вонредно преиспитување на пресудата на Кривичниот суд, Јанкулоска вложила и барање за времена мерка, што значи дека дури не одлучи највисокиот суд, казната да не се изврши.
Од судот за „Макфакс“ велат дека за барањата за времени мерки судот постапува итно, но одлука за тоа сè уште не е донесена.
Слична пракса највисокиот суд имаше и за експремиерот Владо Бучковски во предметот за набавката на тенковските делови. Тој не отиде во затвор со правосилна судска пресуда, бидејќи врховните судии тогаш му го уважија барањето за времена мерка забрана за извршување на санкцијата, дури судот не одлучи за вонредното преиспитување на пресудата. Подоцна Врховниот суд одлучи да го врати предметот на судење од почеток.
Владо Бучковски, ексначалникот на Генералштабот на АРМ, Методи Стамболиски, Ацо Ѓурчевски, и други лица, беа осудени дека ја злоупотребиле службената положба при набавките на резервни делови на армиските тенкови „Т55” и го оштетиле буџетот за над 2 милиона евра. Бучковски требаше да одлежи 2 години затвор, откако Апелација ја објави правосилната пресуда. Предметот за Бучковски трае 12 години и сè уште се суди во Кривичниот суд.
Јанкулоска беше осудена на 6 години затвор за набавката на луксузниот „мерцедес“, а скопска Апелација ѝ ја намали казната на 4 години. Таа на први јули треба да се јави на издржување на затворската казна.
Поранешната министерка побарала од Судскиот совет да биде разрешена судијката Добрила Кацарска за наводни повреди предизвикани преку закажување чести судски рочишта во предметот „Тенк“, во услови кога Јанкулоска била во ризична бременост со породилно отсуство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Локацијата на ГОБ„8 Септември“ на Мицкоски му делува како одлична за нов клинички центар: Има три булевари, гасна поврзаност, но да оставиме експерите да кажат
Премиерот Христијан Мицкоски чека да завшрат локалните избори за да распише повик за финансиски институции кои ќе понудат кредити за болницитe во Штип, Тетово и Кичево, а веднаш потоа, како следен чекор, најави дека со партнерите од Обединетото кралство ќе работат на нов клинички центар во Скопје. Локацијата на Градска општа болница „8 Септември“ според премиерот е одлична за нов клинички центар.
„Чекор по чекор. Сега прво да завршат локалниве избори па да се распише јавен повик за финансиски институции за болниците кои што се поврзани со договорот влада со влада со Обединетото кралство. Тоа да заживее па следно е големиот клинички центар. Инаку навистина делува овдека како одлична можност, одлична локација три булевари, гасна поврзаност, сообраќајна поврзаност така што ајде да видиме, да оставиме експертите да си го кажат своето мислење“, рече премиерот Мицкоски денес одговарајќи на новинарски прашања по постеата на болницата „8 Септември“ во која почна да функционира хибербарна комора за третман на хронични рани, дијабетично стапало, изгореници како и поддршка за пациенти од платична хирургија, пулмологија, а ќе функционира и како поддршка за спортисти.
Премиерот Мицкоски ги повика експерите и Министерството за здравство да направат анализи за новио клинички центар во Скопје, за потоа Владат да изеле со конкретен став.
Македонија
Мицкоски: Филипче со контрадикторни изјави, ако е краток периодот да се цени неговата работа во СДСМ тогаш е кратко и времето за да се оцени работата на Владата
Претседателот на ВМРО-ДПМНЕ, Христијан Мицкoски при посетата на ГОБ “8-ми Септември” одговори на новинарско прашање во однос на изјавата на лидерот на СДСМ, Венко Филипче дека Владата работи катастрофално и кажа, дека изјавите на Филипче се контрадикторни и какафонични бидејќи Филипче дава свој суд за работата на Владата, а за истиот тој период не ја оценува својата работа како претседател на СДСМ и вели дека тоа време е прекратко.
„Па добро, сега Венко Филипче е претседател на сеуште најголемата опозициска партија во Македонија, тој, нормално да ја оценува така Владата бидејќи мисли дека на тој начин ќе добие поддршка во своето гласачко тело и кај граѓаните. Тој ја оценува Владата за својата работа за година и половина нецели еве во декември ќе биде одкако е избрана и тука дава свој суд, но затоа пак никогаш не дава свој суд за своето претседателствување за истиот период во СДСМ. Ако за тој период вели дека е прекраток за да се цени неговата работа тогаш како наоѓа за сходно да ја цени Владата за истиот период како таа работи. Мислам изјавите се какафонични и една со друга контрадикторни, не мислам дека тоа е правата порака којашто треба СДСМ да ја испраќа но добро, тоа си е нивна работа тие знаат како најдобро како треба“ нагласи Мицкоски.
Македонија
Мицкоски: Не е точно дека постои разговор за коалиција со Рамиз Мерко, не преговарам со луѓе на црната листа на САД
Не е точно дека постои разговор за коалиција со Рамиз Мерко, не преговарам со луѓе на црната листа на САД, изјави претседателот на ВМРО-ДПМНЕ, Христијан Мицкоски, денес, одговарајќи на новинарско прашање во врска со шпекулациите објавени на одредени портали за наводна коалиција со Рамиз Мерко.
„Тоа се портали, кои, претпоставувам, се финансирани од еден ист центар, кој сега е разочаран бидејќи Рамиз Мерко не ја поддржува ДУИ во вториот круг. Претпоставувам, сега, за да најдат противтежа, како да направат сензација за да ја потонат оваа вест, вадат во јавноста комплетна невистина. Многупати во минатото ние сме го кажале нашиот став за Рамиз Мерко, така што, ете, оставам на тој начин да прават и креираат сензација, инаку апсолутно е неточно“, вели Мицкоски.

